تيت تيت
حس الباب يدق مرام عرفتو غيلان نفخت و مشات حلت الباب ..
_مرام : بونجور
غيلان بهت اول مرة يراها تلبس هكاك عندها برشا انواع متاع لبس و الي تلبسو يخرج عليها و على بدنها الي مافيه حتى ديفو
_غيلان : بونجور ..اه ...جيت .
عدا يدو على شعرو و بعد غمض عينيه و حلهم فاق على روحو وكمل كلامو
_غيلان : اه جيت بكري شوية قولت نراجعو الدوسيات مع بعضنا .
_مرام : امم pourquoi pas ادخل ..
دخل مشا خطوتين و بقا يستنا في مرام تلفت عملتلو بيدو تفضل و هو باهت الدار كبيرة كيفاش تقعد فيها وحدها دار على طاقين مجهزة كاملة عدا عينيه لطاولة لقا مكياج محلول و قهوة في نص . و اوراق مفروشة
لين تكلمت مرام فيقتو من سرحتو
_مرام : نشرب في قهوة تتشرب معايا
_غيلان : ...منغير سكر
مشات مرام عملت فنجان تحت المكينة و بقات تغزر لغيلان كيفاش قاعد مكستم و غاطس في اوراق و شعرو كي لحرير هابط على جبينو عملت المكينة حس القهوة حضرت حمحمت و خذات القهوة و مشات لعندو
_مرام : قهوتك حاضرة ...تفضل
وطبست شوية باش تحطها و غيلان كان مطبس هز راسو جات لعين في العين قعدو هكاكا يشوفو لعنين بعضهم غيلان عدى عينيه على وجها كل بعد مرام كي عادة حمحمت
_مرام: كان قريت نجمو نخرجو باش نوصلو في وقت
_غيلان : اه..اي اي
شرب هاكي القهوة فرد مرة فماش ما يصحصح و قام هي خرجو الزوز حللها الباب و طلعو و مشاا
هي وصلو لعماارة ظاهر شركة ولا حكاية تخوف من كبرها ..هبط غيلان و مرام قعدت في كرهبة تلفت رجعلها حل الباب
_غيلان : باش نستنو للعشية
_مرام : هاني هابطة ..مقتلكش استنى
_غيلان : هيا ..
هي هبطت مشات هي و غيلان كي وصلو قدامها بظبط سالتو
_مرام : قداش من شركة باش يكونو
_غيلان : برشاا ..اما انتي ركزلي على شركة وحدة
_مرام : الي هيا
وصلو قدام الرسيبسون غيلان مجاوبهااش و كلم متاع الريسبسون
_هي: مرحبا بيك سي غيلان تفضل
_غيلان : مرحبا ..كل حاضرين
_هي : مزال شركة وحدة عدك بيهم
همم براسو و مشا وصل قدام الاسونسور و تكا على فلسة متاعو و تلفت للمرام
_غيلان : بن ترجم holding
_مرام : شنوة
#يتبع
قلتلكمش فما برشا تشويق
عندي ليكم وحشة
قولو يسرى خايبة ❤️🖋️
هياااا نتلاقاو في الحلقة الجاااية ❤️🔥
أنت تقرأ
هروب عاشق
Romanceما مصير المرأة عند هروب عشيقها على طاولة الزفاف ؟؟ حكاية مرام و مواجهتها لمظالم الحياة و قسوتها كرونيك بالهجة التونسية 🇹🇳🍷 تجمع بين قضايا الواقع و الرومنسية الغامضة ⏳💏
