وصلو ثلاثة كراهب مع بعضهم كيف كيف قدام المارينا و هبطو تسمع كان حس طرشيق البيبان هبط فيراس و ووراه تيمور و قدم شوية عرضوهم رجال مسلحين و مكستمين وقف قدام فيراس
_فيراس : ازاد موجود
_شكونك انتي
_فيراس : فيراس بن ترجم
_واحد برك يدخل معاك
_فيراس : هيا تيموور
قدمو شوية و وقفوهم استنى
تلفت فيراس و دور راسو معناها اش فما
_لازم نفركسوكم قبل
_فيراس : زادة
_هذه اوامر سي فيرااس
هز يديه فيراس و تيمور نحاولهم سلاحاتهم و قاللهوم الي كي يخرجو تو يرجعوهملهم و دخلو اول ما دخلو للبيرو لقاو راجل عاطي بظهرو قاعد في كرسي كان الدخان طالع تقدم فيرااس و هز راسو يحكي
_فيراس : ازاد ...
_ازاد : و اخيرا تعرفنا على مسيو صغيرر
_فيرااس : ويني السلعة
_ازاد : لا عاد هاكا تو تجي بحذانا و منضيفوكش
_فيراس : متقلقش روحك ...ازاد
_ازاد : معجبتنيش منك ازاد حاف ...تي هو بوك و عيطلي سي ازاد
فيراس عقد حواجبو و قدم من ازاد و طبس عليه عطاه الفاليجة الي فيها الدوسيات يحكي
_فيراس : هذا الدوسي و فهمي يسلم عليك و تو هات السلعة
ضحك ازاد و هو يامر في رجالو باش يجيبو السلعة و يتأكدو من الدوسيات
_ازاد : عجبتني ثيقتك ...اهيكا السلعة وكي عادة كان تحصل في يد الحاكم تنساني ولا باش تشتاق عمرك
_فيراس. : انشا الله معاش نتقابلو
_ازاد : ههه هكاك منضمنلكش
خرج و خلاه اول معطا بظهر كشبر ازاد و بدا يتمتم وحدو .
_ازاد : مازالت متعرفنيش يالمسيو الصغروون ...مازلت لايام قدامنا و تو نلعبو مع بعضنا برشاا
و تلفت لرجالو
_ازاد : تبعهم كل و رجعولهم سلاحاتهم منحبش نوحل مع فهمي هو اكثر واحد يمشي في سلعة هوني ...و راقبوهم و خلي عينيك عليهم
_حاضر سي ازااد
ركبو في كراهبهم بعد ما هزو سلاحاتهم و ديمارو و مشااو ديركسيون الدبو هيا وصلو يلقو فهمي غادي مدولو السلعة و فيراس جاء بحذا بوه ووقف
_فيراس : اش قولك في ولدك سي فهمي
_فهمي : والله ما توقعتكش باش تجيبها بالسرعة هاذي يعني انا وصيت ازاد قوتلو كان ريتو خايف اكبسو اما انتي طلعت رجال تي تعيطلو حااف الراجل
_فيراس : وانتي منين عرفت
_فهمي : كنت غادي
_فيراس ؛ شنوة
_فهمي : شبيك استغربت حبيت نشوف روحي نعمل عليك ولا لا
_فيراس : لا مستغربتش اما غاضتني منك حرمتني من نومة على صباح كي انتي ماشي ماهو جبتها في يدك
_فهمي : مستحيل تتبدل زايد
_فيرااس : الكلب الشارف مايتربى
_فهمي : قلتها وحدك ...هههه هي ريهام راهي فاقت علاش تبقى تمرج فيا بالأسئلة
_فيراس : شنيا سي فهمي خايف مالمدام
_فهمي : سكر فمك مقل حياك
#يتبع
_يسرى
أنت تقرأ
هروب عاشق
Storie d'amoreما مصير المرأة عند هروب عشيقها على طاولة الزفاف ؟؟ حكاية مرام و مواجهتها لمظالم الحياة و قسوتها كرونيك بالهجة التونسية 🇹🇳🍷 تجمع بين قضايا الواقع و الرومنسية الغامضة ⏳💏
