هروب عاشق

الحلقة 34🍷

فيرااس يحكي : هذه الدبوزة الثانية الي نكملهاا لتو مانيش مصدق كيفاش مرام تعمل هكا ليزي يبوسها و يكذب الي هذه صحبتوو شربت كاسي فرد مرة و جيت ماشي متغلغل شدتني ميرفت من يدي
_مش وقتو فيرااس
انا جيت باش نحكي و هي سكتتني ببوسة على فمي و هزتني خرجناا انا كنت مغلوب و مانيش حاسس بشي اول ما شميت النسمة وضربي هواها بدا راسي يرزن و مفعول الي شربتوو بدا يأثر علياا كيففاش مراام تعمل هاكا مغزرتلييش حتى بشطر عيين ...غزرتهاا نهاار مناقصة مريتهااش ...غزرتهاا وقتهاا متااع فيراس متخلينيش ..علاش مشيت ..غزرة ليها الف معني ..اما اليوم غزرتهاا باردة ..و قاسية ..غزرة متفهمش منهم انتقاام ولا نسياان ..ولا كره...معاش فاهم شي في عوض مانكون مع مراام تو شاد يدها و انا الي شطحت معاها انا قاعد نعدي في وقتي مع ميرفت .. الطفلة هذه كانت الملحا الوحيد الي كنت ديما نمشيلو كي نتجرح ولا نتخنق هي الي كانت تداويلي جروحي اما منجمتش تداويلي جرحي من مراام
_غيلان : انا الذي اود ان أستضيفكم في منزلي غداا و أعرفكم على المطبخ التقليدي التونسي العريق..
_هوما : اووه حسننا ...عرضا مغري لصراحة لن أخجلك ..سوف نأتي بالتأكييد و أنت أيضا عزيزتي مراام حضورك يهمني
_مرام : إنشا الله
مرام تحكي : وووه مانيش مصدقة الموقف الي تحطييت فييه هوما زوز ماشي في بالهم الي احنا اونكوبل و سي غيلان مقصرش مشا معاهم في الخط ..مالا وحلة اووف ...ياليتني ماجييت
ودعهم غيلان و رجعلي لقاني و حجهي احمر طمطومة شد يدو حطها ورا ظهري و يحكي
_غيلان : لبااس
_انا : اي ..اه ..كيفااش انا ..و..ء..وياك ..مبعضنا يعني ...مشا احنا في بالهم...ن
_غيلان : متتوترش ...انا زادة مش مصدق ..اما اكيد تو نلقااو حل
_مرام : اي انشا الله ...نجم نروح
_غيلان : اي بطبيعة هيا
تعديت هزيت البوش متاعي ودعت العباد الي تعرفت عليهم غادي و خرجت خرج وريا غيلان قعد يكلم في ريسبسيون باش يجيبولو كرهبتوو عطلوو تو قريب الساعتين متاع صباح و طقس بدا يبرد انا عديت يديا على كتافي مالبرد شافني غيلان تقدم بحذايا
_غيلان : بردتي
غزرتلو انا و راسي ولا يوجع من كثر الي شربتو اصلا باهي كي مسكرتش و هزيتلو براسي اي و بعد تكلمت
_انا : اي اما عادي هاني باش نروح
عمل هكا و نحا الفاست متاعو و حطهاا فوق كتافي
_غيلان : و تو
انا حشمت و حسيت بسخاانة طلعتلي لل 100 مش حاجة اما انا هكاكا حشامة جاوبتو بصوت يرعش و فيه بحة
_انا : مرسي يعيشك
احنا هكاك و كرهبة جت و جاب ربي جات خاتر معاش فيا مالبرد و مالحشمة
حللي الباب طلعت و تعادا ركب بجنبي و طاار
محسيتش البثنية وقتااش وصلنا انا جيت هابطة وهو كلمني
_غيلان : مرام
_انا : وي
_غيلان : غدوة ...غدوة متنسااش تجي للعشاء في داري مع الجمااعة
_مرام : اي ..باهي تو نشوف
_غيلان : باهي ...اه...ليلتك زينة
_انا : ازين
هبطتت مالكرهبة بقاا يتبع فيا ليت تڨيت على عينيه و مشاا دخلت انا كيشت مفاتحي نحيت الطالون تعذبت بييه اما مالا سهرية تعداات و الخطة متااعي نشات كيما نحب و اكثر طلعت الدروج درجة درجة حاسة راسي يدوور مش عارفة منااش نحيت الروبة عملت دووش سخون نحيت بيه تعب كل لفيت على روحي الكاب و شيحت شعري لبست بيجامتي و غطست في نوم منحب نخمم في شي ..

#رايكم يا مزياناات ❤️
#يتبع