هي روح فيرااس كي وصل لدار نحى هاكي كرفات الي حس روحو تخنق بيهااا
وجبد دبوزة و بدا يشرب لين سكر هو هكاك و سمع الباب يدق مشا يدعدع لين وصل حل الباب
لقاها امو
_ريهام : ياخي شبيك متجاوبش على التاليفون
فيراس ضحك و هو يحكي بالقوي سكران خيط
_فيراس : ههه علاش مهزيتش على التاليفون ...خاطر مسمعتووش...ميجيششش ..المدام طلبت لازم....ن.نهزوو
_ريهام : اففف ..ياخي شارب ..شنيا هالحالة
_فيراس : شبيها حالتي ..سافا جوي باهي
غيلان قاعد قدام البيت يستنى في الطبيب يطمنو على مرام لين تحل الباب
_غيلان : دكتور
_الطبيب : لاباس سي غيلان ...طاحلها الدم ..لازم ترتااح ليامات هذه خاتر عندها حاجة مقلقتها و هذا يسببلها في الدوخة كل مرة ..
_غيلان : وقتاش تخرج
_ طبيب: عطينها منوم باش ترتاح شوية كي تفيق تنجم تخرج اما يلزها تكمل تشرب دواها...
_غيلان : باهي دكتور يعيشك
_الطبيب : انشا الله لباس
نرجعو للفيراس
_شبيهااا حالتي ...لبااس عليا ...مش انتي اخترتني نكون هاكا
_ريهام : باهي ولدي ايجااا ...اقعد احكيلي اش صار
_فيراس : ولدك ههه ..تفدلك انتي تحبني نحكيلك ..
_ريهام : فيرااس
_فيراس : ريتها ...ريتها ..نفس الزين نفس الطبيعة ..اما غيلان هزها بدلتني بغيلان..
_ريهام : مفهمتش شبيه غيلان و شكون الي بدلتك
_فيراس : مرام بدلتني...قلت ماهياش باش تنساني ...اما نست
ريهام كانت قاعدة فيسع ما خرجن اللفعة الي فيها و قامت
_ريهام : انتي وين ريتها قليلة لحياء هاكي
_فيراس : مع غيلان ..في المناقصة
_ريهام : انساها اكيد انتي غالط اكيد هزت ساكها و خرجت تجري ..
يتبع 🔥😌
أنت تقرأ
هروب عاشق
Romanceما مصير المرأة عند هروب عشيقها على طاولة الزفاف ؟؟ حكاية مرام و مواجهتها لمظالم الحياة و قسوتها كرونيك بالهجة التونسية 🇹🇳🍷 تجمع بين قضايا الواقع و الرومنسية الغامضة ⏳💏
