هروب عاشق

الحلقة 84🍷

_الطبيب : مفبلكمش ..مدام مرام حبلة و في اسبوع الثالث ...
_خولة : اووف منعرفش نفرح ولا نحزن ...
_الطبيب : على كل حال استناو مني اي خبر
و هذوماا حوايجهاا تفضل
مدلها حوايجها هزتهم و مشات وصلت لبحذا الباب و رجعت تجري
_خولة : دكتور
_الطبيب: نعم
_خولة: حكاية البيبي بيناتنااا ...منحب حتى حد يسمع ...كان احنا 3 ..
_الطبيب : اما....
_خولة : s'il te plaît docteur
_الطبيب : باهي ..كيما تحب
"رجعنا "
_خولة : و صحتها لباس ماهو ..
الطبيب فهمهاا علاش تحكي
_الطبيب : متخافوش صحتهاا لباس عليهاا لحد الأن اما كيما قتلك لازم نخلوها تحت المراقبة و لازم تستناو كل شي
_فيراس : نجمو نشوفوها
_الطبيب : مزالت مفقتش مالبنج اول ما تقفيق تنجمو تشوفوها خليهاا ترتاح تو ..
_فيراس : مرام لازم تعيش
_الطبيب : انشا الله مسيو ...انشا الله لباس
غيلان مشا خرج و خولة و رائد مشاو للكافيتيريا
رائد : خولة قولي ياخي شنيا علاقة فيراس بمرام
خولة غزرتلو بعد ضحكت و هبطت راسها و شدت كاس القهوة في يدهاا قالت الكلمة و شربت بعدها ديراكت
_خولة : كيما علاقتها بغيلان
رائد حاط يدو على راسو و شوف فيها دوب ما سمع كلام خولة هز راسو و يحكي بيديه
_رائد : يعني
خولة هزت بيديها 🤷🏼‍♀️يعني الي سمعتو
_رائد : معناها فيراس زادة ...تعجبو مرام
خولة سكتت شوية و بعد تكلمت
_خولة : يا ريت كان جا هاكا ..
_رائد : مفهمتش
_خولة : انا بيدي مش فاهمة شي...هي نمشو اكيد مرام فاقت