قاعدة في بيروها غاطسة في اوراقها هي مرة تشد تاليفون مرة تاخذ رشفة من قهوتها و مرة تخدم حلت شافت الوقت لقاتو 22:53 نفخت و لمت اوراقها كملتهم و قامت هزت ساكها و جرجت حطت يدها على فلسة الاسونسور تحل هي كيف دخلت خلط عليها غيلان سكتت هي غزرتلو و رشقت راسها في تاليفون ..قعدو ساكتين لين تحل الباب خرجو وقفو قدام الشركة
_غيلان : جيبلي كرهبتي
_العساس : حاضر سي غيلان
مرام وقفت تسنى في تاكسي غزرلها غيلان و بعد تكلم
_غيلان : كان تحب ايجا نوصلك ..صعيب تلقى تاكسيات في وقت هذا
طفتو مرام و مشات للعساس
_مرام : بربي تنجم تطلبلي تاكسي
_هو : مدام صعيب تو باش تلقى تكسيات
ضحك غيلان اما محبش يشلق و كرهبتو وصلت
منغير مايكلمها حل باب كرهبتو
_مرام : فما حاجة تضحك
_غيلان : اطلع مزروب
مرام ملقات حتى حل طلعت و سكر زراها الباب
و بعد دار ركب في كرهبتو و مشا
_غيلان : وين تسكن ..الو
تلفت لقاها عملت كيت و تكت على بلار مش هنا
غمضت عينيها
أنت تقرأ
هروب عاشق
Romantizmما مصير المرأة عند هروب عشيقها على طاولة الزفاف ؟؟ حكاية مرام و مواجهتها لمظالم الحياة و قسوتها كرونيك بالهجة التونسية 🇹🇳🍷 تجمع بين قضايا الواقع و الرومنسية الغامضة ⏳💏
