كملت السهرية روحو الجماعة و مرام معاش تنجم حتى تاقف على ساقيها شربت لين سكرت اما باقي عاقلة
_غيلان : مرام مرسي على كل شي ...تو مخر كان تحب بات هوني و غدوة روح و خوذ كونجي
_مرام : لا .هه...انا ءء.منبات كان..عند..عند عند شكون ..في داري نقصد
_غيلان : ياخي سكرتي ههه بالسيف حتى انتي شاربة 3 دبابز وحدك
_مرام : لا شربت كان شوية يا راجل...نحب نروح
_غيلان : باهي تو نقول لشوفور يروح بيك
_مرام : لا لا الشوفور لا ...ميروحش بيا في ليل ..منعرفوش
نفخ غيلان اصلا هو ماصدق الربي. وفات المسرحية و تو وحل في توصيلهاا هي عاونها وصلت للكرهبة
غيلان : باهي ايجا تو نوصلك انا
هي طريق كامل و مرام ساكتة اول ما وصلو للباب دار تكلم غيلان يحكي
_غيلان : تنجم تهبط ولا نعاونك
_مرام : لا لا نجم برا ...روح..غدوة تخدم سي المدير الجديد هههه
ضرب بيدو على الفولون مالغش على تلفيتو يلقى كرهبة فيراس قدام الدار هي اصلا مستحيل يغلط فيها مشا شوية بالكرهبة يلقى ضوء الدار يشعل و هي تسكن وحدها الخديمة تخدم كان في نهار يعرف خاتر الخديمة مبعوثة مالشركة
عرف و فهم الي فيرااس باش يعدي الليلة مع مرام اما مرام منين تعرفو و كيفاش دخل لداار
_غيلان : ياخي انا اش يهمني في ××× اصلا البنات كل ق××× كلهم على بعضهم لحمهم رخيص ..وهي ملقات على شكون تتعرف على فيراس واحد س××× و مز××
ديمارا بالكرهبة طاير ميحب يخمم في شي وصل لداار بدل حوايجو عمل دووش لاف منشفة على نصو حل خزانتو لبس حوايج سبور مريول أبيض اوفر سايز و شورت اسود و خرج لسال دو سبور في جنينة متاعو
وصلت مرام تدعدع حلت الباب لقات الضوء يشعل
قعدت التبع فيه حتى وصلت لصالة لقات فيراس قاعد على فوتاي و يتكيف السوندرية عباها تي قريب باكو تكيفو ورا بعضو و مرام مزالت سكرانة
_مرام : اوووه سي فيرااس هوني...ام..اما اش تعمل لهنا
_فيراس : لازم نحكيو مرام
_مرام : اششش...هههه فاش باش نحكيو سي فيراس
وقف هو كي شافها ماهياش عادية قدم منها و قرب شمها لقاها ريحتها كل شراب
_فيراس : ياخي شاربة
_مرام : شوية برك مش برشا
_فيراس : وقداش شوي هاذو
_مرام : هه 3 دبابز هههه
_فيرااس : ههه تحكي بجدك انتي مرام ايجا اقعد
_مرام : لا منحبش نقعد ...فيرااس
مرام ساي بدات ترخ و الشراب اثر فيها لدرجة مش عادية
_فيراس : نمشي نعملك قهوة تصحصح ..اش لزك بربي
هو جا قايم و هي شدتو من يدو و عينها تذبل فيهم
_مرام : فيرراس
_فيراس : نعم
_مرام : ماتمشيش ...متمشيش توحشتك برشا
_فيراس : مرام ايجا نهزك ترقد ماكش في وعيك
طبس عليها في حملتو و طلع بيها دورت يديها على رقبتو و هي غرست راسها في كتفو و هو مايحس كان بنفسها سخون الي رهوجو
#يتبع
#يسرى
أنت تقرأ
هروب عاشق
Roman d'amourما مصير المرأة عند هروب عشيقها على طاولة الزفاف ؟؟ حكاية مرام و مواجهتها لمظالم الحياة و قسوتها كرونيك بالهجة التونسية 🇹🇳🍷 تجمع بين قضايا الواقع و الرومنسية الغامضة ⏳💏
