هروب عاشق

الحلقة 85🍷

فيرااس قاعد ورا البلار يتفرج في الفرملية تريقل في سيروم للمرام حتى ينوقز تاليفونو ..شافو لقاه امو ..علق عليهاا قعد شوية زاد نوقز شافو لقاه بوه ..علق عليه و سكر التاليفون جملة ..كي شاف الفرملية خرجت ...قدم باش يسالهااا
_فيراس : شنياا احوالهااا تو
_فرملية : لباس حالتهاا مستقرة حتى من ...
على خلوط خولة تفجعت كي شافت فيراس مع الفرملية و بدات تهز في راسها بلا لا ...غزرتلهاا الفرملية فهمت و فيراس تشوق
_فيراس : حتى من شنيا
_الفرملية : اه حتى من الضغط عندها مريقل متخافش ...
خولة خذات نفس و خرجت لبراا حبت تشم شوية هواء و فيراس ستناا لعباد كل مشات و حل الباب و دخل لبيت مرام ...راقدة خيوط في يديها و على خشمهاا...قعد بحذاها شدلها يدهاا و بدا يحكي
_فيراس : صدقني وقت الي سمعت الدنياا ...حبست بياا...كيفاش عطاك قلبك تخليني و تمشي...مازلنا باش نعيشو و مازلت باش نصلح غلطتي ...صدقني مازلت نحبك ...و نعرف انتي زادة مازلتي تحبيني ...نعرف...مزال محققناش احلامنا ..و معملناش الحاجات الي نحبو عليهم ..اما باش نعملو مع بعضنا مش هكا ...هي حل عينيك مرام...هياا
هو هكاا و الطبيب دخل فيراس مسح دموعو و الطبيب يحكي
_الطبيب : خليها ترتاح سي فيراس
_فيراس : باهي وقتاش باش تفيق
_الطبيب : عمليتها مكانتش ساهلة شوية وقت و تفيق انشا الله ..
خولة قدام الكلينك لقات غيلان وتقف غادي مشات بحذاه و حطت يدها على كتفو و تحكي
_خولة : انتي زادة منجمتش تدخل و منجمتش تمشي ..
_غيلان : مش ساهلة ...
قعدو الزوز ساكتين قاعدين في جنينة متاع لكلينيك بعد كسر الصمت غيلان
_غيلان : قولي ...كيفاش ماتو عائلة مرام
_خولة. : حكاية طويلة ...