مرام تحكي :
خولة مشات و خلتني انا هاكا و سمعت الباب ينوقز مشيت باش نحل نلقاه قدامي و الله هو ..قدامي بشحمو ولحمو ...بلعت ريقي منعرفش اش باش نعمل نطردو ولا نخليه يدخل وجهي ولا طمطومة و جاتني فوارة نحب نعرف اش صار لبارح ...هي منغير ما نحكي حتى كلمة هزيت روحي و دخلت و خليتلو الباب محلول ...دخل هو نسمع فيه يسكر في باب
وقفت انا في كوجينة كنت نعمل في قهوة جا ورايا دخل لقا كاس العصير مبزع و قاع كلها قزاز و قطرات دم من يدي
فيراس : اش صار هوني
_مرام : لا شي ءءء...زلق الكاس من يدي كهوو...
_فيرااس ؛ اممم ...باهي قولي شبيك لبااس وجهك شبيه اصفر
_مرام : لا لا لباس ...كيف قومت مالنوم هذاكا علاه
_فيرااس : متأكدة
_مرام : اي ..تحب قهوة
_فيراس : علاش لا
تلفتت عطات بظهرهاا لفيرااس و شدت كاس القهوة الي كانت ليها عطتهالو هز رشفة و حطها فوق الكونتواار و مرام شدت كاس ماء باش تشرب وهو تكلم
_فيراس : البارح..ءء.
و تعمل هاكا و يفلت كاس الماء من يدها شهقة شهقة وحدة فيرااس فاق بيها متوترة و لا يلعبلها بأعصابهاا و يتبهنس
_فيراس : لبارح
قصت عليه و هي مطبسة تلم في قزاز بيديها
_مرام: منتفكر شي ...منعرف شي. .منتفكرش ..اش عملت ...منعرفش...منتفكر شي ..اووف
و بدات ترعش كل لين يدات تجرح في روحها
و هي مش فايقة باقي مكملة تلم كي ضاف فيراس حالتها سخف عليها و طبس قعدها على الطاولة و عطاها كاس ماء
_فيراس : باهي ..اهدأ ...هدي روحك باهي ..ارتااح
هو هكاك و تاليفونها كان فوق الطاولة سونا شاف اسم لقاه غيلان دور عينيه و عقد حواجبو و حط الكاس فوق الطاولة بالقوة ..لين تنطرت مرام مالفجعة ...هزت عليه وهي تخزر لفيرااس الي كابس على بونية متاعو و راص على سنيه وهي تحكي
_مرام : عسلامة
_غيلان : صباح الخير شبيه صوتك تاعب لاباس
_مرام : لاباس مرقدتش مليح
_غيلان : باهي ايجاا للشركة فما برشا خدمة يلزم نكملوهاا
_مرام : ساعة و نكون عندك
_غيلان ؛ نستناااك
_مرام : بسلامة
#يتبع
أنت تقرأ
هروب عاشق
Romanceما مصير المرأة عند هروب عشيقها على طاولة الزفاف ؟؟ حكاية مرام و مواجهتها لمظالم الحياة و قسوتها كرونيك بالهجة التونسية 🇹🇳🍷 تجمع بين قضايا الواقع و الرومنسية الغامضة ⏳💏
