هروب عاشق

الحلقة 35 🍷

فيراس يحكي : فقت راسي باش يطرشق شربت برشاا اليوم هزيت روحي نلقى يدي مخدرة راقدة عليها ميرفت أصلاً مش عارف كيفاش بتت عندهاا اليوم لازم نرجع للخدمة عندي قداااااش ممشيتش اكيد بابا راهو فاق بياا انا مازلت ما سكرتش على فكرة و تليفون نوقز سكرت عليه باش متقومش و قمت ملفرش غطيتها و هزيت مفاتحي و خرجت عملت طلة على تاليفون نلقااها امي اصلا امي ما تتطلبني كان كي تخلا شميتهاا قارصة هزيت التاليفون و طلبتها
_انا : اه امي اش تحب
_هي (ريهام) : ايجا لداار عنا ما نحكيو يا ولدي
_انا : اش تحب على صباح
_ريهام : قتلك ايجاا ...و متزيدش تناقشني...نلقااك قدامي على فطور
_انا : علق ..باهي
علقت عليها مانيش عارف اش فماا هي دخلت غسلت وجهي باش صحصحت باقي راسي باش يترشق مالوجيعة و خرجت مالدار ركبت في كرهبتي و مشيت لدار بقيت في ثنية حكاية ربع ساعة بحكم اني نجري و قفت قدام الدار جاني الشوفور يجري
_هو : مرحبا بيك سي فيراس
_انا : وبيك شد حط الكرهبة في بلاصتهاا
_هو : الله يبارك
هي وصلت قدام الباب دقيت حلتلي الخادمة و دخلت نلقا سي فهمي و مدام ريهام قدامي قاعدين على طاولة لفطور و في يدو جريدة و هي مجلة و يغفصو فيها بيديهم ظاهر متنرفزين جيت انا و حبيت نعرف اش فما اما بضحكة
_انا : شنيا عائلة بن ترجم اش فما تعيطولي من الصباح
_فهمي : قولي ...قدااش عندك ممشيتش للخدمة
_فيرااس : عندي ...قريب اربعة اياام
_فهمي : تكذب عندك جمعة ممشيتش من نهاار المنااقصة ريحتك مفمااش تعرف قدااش خسرتنااا من client...ولا نقولك
_فيراس : اسمعني بابا كان ممشيتش راهو عندي ضروفي تحكم
قامت امي لطخت قدامي المجلة و حمرت عينيها فياا
_ريهام : هاذي ضروفك الي متخلييكش هااذي ...
عملت طلة على جريدة نلقى اسم مالأول
نجوم سهرة الإحتفال "غيلان التركي " و "مرام الطرابلسي " ثنائي قد احتلو المركز الأول لهذا الأسبوع ...و قد لفت انتباه الحاضرين وجود شخص وراء الأضواء "فيراس بن ترجم " الذي كان ضمن المدعوون الى هذه الحفلة خصوصاً بعد خسارته في اخر مناقصة ضد شركة التركي "
عملت طلة على تصويرة نلقاا تصويرة غيلان و مرام من شطحت امس
اول ما ريت article حسيت حرارة جسمي شعلت و امي زادت على طين بلة
_هي : الشركة قاعدة تغرق و انتي تغرم في زمانك مع ق××× كيف هذه ...ڨعرة متسوااش
_فيرااس : امي احترم رووحك و اعرف اش تحكي ..
فهمي كبس على بونية متاااعو و قدم مني و عطاهالي في وجهي
_فهمي : هذه باش تفييق على روحك و تتربى باش تعرف كيفاش تجااوب اهلك ..
_انا : اما بابا ان....
_هو : سكر ×× فمك ...اخر تنبييه ...يا تتلهى بخدمة يا باش تشوف حاجات متعجبكش ...و تو قرر و اعطيني رايك نسمع فيك
خممت حيست بابا لاول مرة متقلق نعرف الي بابا يخدم في خدمة اخرى يعني هو قرر يعطيني الخدمة الشركة خاطر فما عندوو حاجة اما محبش يقولي عليهاا ...تو فرصتي باش نعرفهاا منغير منخمم قوتلو باهي و هو هز يدو حطها على كتفي و كبس عليها يحكي
_فهمي : هاو ولدي الي نعرفو اخلط عليا للبيرو..
_انا : عائلة بن ترجم عندكم مشكلة في مخاخكم تو كنتوو تمزبلو فيا ..
_فهمي : فيرراس
_انا : باهي باهي فهمي ...اما عندك ..بونيا صحيحة ...قولي مرة جاية قبل ماتضرب الغدرة خايبة صاحبي
_ريهام : فيرااس ...شنية كلام الشارع هذا الي تحكي بيه
_فهمي : ريهاام اخرج منهاا عندي كلام مع ولدي خلينا وحدناا
_ريهاام : امم ..باهي باهي ...هاني خارجة و حسابي موفااش معاك فيراس ..
_انا : je suis là à tous moments ma petite princesse
بقيت نضحك فقت على حس بابا و هو يعيطلي هزني معاه دخلني لبيت مضلمة اول ما شعل الضوء نلقااهم كلهم تصاور و ارتيكل متااع برشا عباد و بحذاهم طاولة فيهاا دوسيات و فلاشلت و سدياات و سلاح ..و دبابز شراب vodka

#يتبع