Part17
Unicode...
"ကိုယ်က မင်းကိုလာရှာတာလေ..."
"ဗျာ...."
ပြူးဝိုင်းသွားသော မျက်ဝန်းတစ်စုံက ငွေမှင်ရောင် အရည်ကြည်လဲ့လဲ့များကိုပင် ဦးခတစ်ယောက် မြင်နိုင်လောက်ပေသည်...။
ဦးခကတော့ ပြုံးပြုံးကလေးနှင့်ပင် ကိုယ့်အားကြည့်လို့...
"စတာပါကွာ..တကယ်က ဦးခ ဒီနားမှာ အသိမိတ်ဆွေတယောက် နေတယ်ကြားလို့ လာကြည့်ရုံပါ.."
"ဪ.." ထိုအခါမှ ခေါင်းကလေး ညှိမ့်ခါညှိမ့်ခါ အဖြေပြန်ပေးရှာသည်။
"ဒါနဲ့ ခြေထောက်က ကောင်းပြီလား.."
နွေဦး ကိုယ့်ခြေထောက်ကိုယ်ပြန်ကြည့်ခါ...
"အရင်ကထက်တော့ သက်သာ နေပါပြီ..."
"ကဲ... အခု ဆေးခန်းလိုက်ပို့ပေးမယ်...အာ..မဟုတ်ဘူး မဟုတ်ဘူး ဖိနပ်အရင်ဝယ်ပေးရမလား..."
"ဟီး ကြိုက်တာ အရင်လုပ်..."
ပေါက်စက အူယားစရာကောင်းအောင် လုပ်ပြနေတော့ ဦးခတယောက် အလိုလို ပြုံးမိရပြန်ပြီ...
..............
ဟံသာဦး၏ မူလအိမ်၌...
ညှို့မှောင်ပြီး မီးရောင်ဖျော့ဖျော့တို့နှင့် လှပနေသော ဧည့်ခန်းမအတွင်း လှပခိုင်ခန့်စွာ တည်ရှိနေသော ကိန္နရီကိန္နရာပန်းပုရုပ်ထုကြီးနှစ်ခုသည် ဟံသာဦး ထိုင်နေသော ပုလ္လင်ဿဏ္ဍာန်ကျွန်းစတီကြီးရဲ့ တစ်ဖတ်တစ်ချက်စီတွင် ... ထိုနတ်သမီးရုပ်ထုတွေရဲ့ခြေရင်းနားတွင် ကနုတ်ပန်းတို့နှင့်အနုစိတ်ဖော်ခါ ပေါ်လစ်သုတ်ထားခြင်းခံရသော ယွန်းအုပ်နှစ်လုံးကို ထပ်မံတွေ့ရလိမ့်မည်....။
နံရံပေါ်က မြန်မာ့ ထီးနန်းတို့ စိုးစံခဲ့စဉ်အခါက ညီလာခံတက်နေသော ရှင်ဘုရင် မိဖုရား မောင်းမတော် အမတ် စစ်သူကြီး ဝန်ကြီး ဝန်ကြီးချုပ် ပုဏ္ဏား တို့နဲ့ ရဲမတ်တို့အား လှပစွာ ပုံဖော်ထားသော နန်းဆောင် ပန်းချီကားချပ်အား လှပကျော့ရှင်းလို့ မူလအတိုင်း တည်ရှိနေသည်...။
ပြီးတွင်တော့ မျက်နှာကျပ်တစ်လျှောက် လှပသော ဝါးကြိမ်ပုံစံ မီးဆိုင်းတွဲကြီးကလည်း အရောင်တလဲ့လဲ့နှင့် ခန့်ညားသေသပ်လှပစွာ...
