السيرة النبوية بالعامية المصرية

فضل تعلم السيرة

بسم اللّٰه الرحمن الرحيم والصلاه والسلام على اشرف الخلق سيدنا محمد وعلى اله وصحبه اجمعين..

يلا بينا نبدأ
بس صلوا على النبي الاول 🤍

لازم نعرف الاول إن السيرة النبوية مش مجرد احداث تاريخيه .. السيرة النبويه نور فى ضلمة حياتك.. طريقتك اللى هتتعامل بيها
مع ربك ومع نفسك ومع كل اللى حواليك ..
هتعرف أن النبي ﷺ احن اب .. وأرق زوج .. وأتقى جار .. وأطيب حمى واشجع قائد ..
وارحم الخلق بالخلق حتى الجماد ..
هتشوفه بيصبر وبيعفو وبيرحم الغير مسلم.. هنشوفه بيفكر ويخطط وبيتعب ..
من الاخر مع سيرة النبى ﷺ هتعيش بخطى النبى ﷺ..

عايزة أقولكم بقى حاجة جميلة أوي قبل ما ندخل في الموضوع ..
النبي ﷺ موصي علينا .. !!
ازاي النبي ﷺ موصي علينا ؟!
النبي ﷺ قال كما في حديث رواه أبي سعيد الخدري _ رضي الله عنه _ قال مرة كنا قاعدين والنبي ﷺ دخل علينا وقال "أيها الناس.. يأتيكم من بعدي أقوام يطلبون العلم .. فإذا جاؤوكم قولوا مرحبًا مرحبًا بوصية رسول الله وأكرموهم وأقنوهم (علموهم)"

النبى ﷺ بيقول بعد وفاتى هيجى لكم ناس عايزين يتعلموا عني وعن سيرتي وعن حياتي وعن سنتي.. وقام النبى موصى عليهم..
فإحنا دلوقتي بنعمل بوصيته ﷺ وبنقول لكم: مرحبًا مرحبًا بوصية رسول الله .. فأنتم وصية النبى ﷺ.. فالنبي بيسلم عليكم..

عارفين النبي ﷺ بيقول إيه كمان ؟؟
يقول النبى : "إن لله تعالى ملائكة يطوفون في الطرق يلتمسون أهل الذكر ، فإذا وجدوا قومًا يذكرون الَّله عز وجل ، فيحفونهم بأجنحتهم إلى السماء الدنيا (عارفين يعني إيه تحفهم الملا٢ئكة؟؟ يعني يكونوا عاملين حوالينا زي دايرة .. وفوقيهم ملايكة ، وفوقيهم ملايكة تانية وتالتة ورابعه لغااااية السماء الأولى ) ..
فيسألهم ربهم وهو أعلم : ما يقول عبادي قالوا : يسبحونك،
ويكبرونك ، ويحمدونك ويمجدونك ، فيقول : هل رأوني فيقولون : لا و الله مارأوك ،فيقول : كيف لو رأوني قالوا : يقولون لو رأوك كانوا أشد لك عبادة وأشد لك تمجيدًا وأكثر لك تسبيحًا ، فيقول : فماذا يسألون ، قال ، يقولون : يسألونك الجنة ، قال : يقول : وهل رأوها قال : يقولون : لا والله يا رب ما رأوها ..قال : يقول :
فكيف لو رأوها قال : يقولون : لو أنهم رأوها كانوا أشد عليها حرصًا وأشد لها طلبًا وأعظم فيها رغبًة.. قال : فمم يتعوذون قال : يتعوذون من النار ، قال : فيقول : وهل رأوها قال : يقولون : لا والله ما رأوها ، فيقول : فكيف لو رأوها قال : يقولون : لو رأوها كانوا أشد منها فرارًا وأشد لها مخافًة ، قال : فيقول : فُأشهدكم أني قد غفرت لهم.. قال : يقول ملك من الملائكة : فيهم فلان ليس منهم إنما جاء لحاجة (يعنى شخص مش جاى عشان يذكرك يارب ده جاي لحاجه تانيه).. قال : هم الجلساء لايشقى بهم جلوسهم..
فمتابعتكم وقراءتكم عن النبى عليه الصلاة والسلام وربنا عز وجل ده كأنه مجلس ذكر كلنا مجتمعين فيه ...