السيرة النبوية بالعامية المصرية

تهيئة النبي ﷺ للنبوة من طفولته

بحيرة لقى مجموعة ناس جايين من بعيد (القافلة اللى فيها النبي ﷺ )
فلقى الناس دي فوقيهم سحابه بتظلل عليهم!! ومكنش الجو أصلاً يسمح أن يبقى في سحاب، ومفيش ولا سحابه غيرها فى السما..
فَبحيَرة أتخض أوى وطلع يجري بسرعة عليهم.. فدخل في القافلة بتاعة أبو طالب وقعد يبص فى الناس
لحد ما وصل للنبي ﷺ ..
وفجأه بحيرة مسك إيد النبي ﷺ ورفعها لفوق وقال: هذا سيد العالمين، هذا رسول رب العالمين،
هذا يبعثه الله رحمة للعالمين..
َبحيرة منفعل وصوته على والناس مستغربه اللى بيقوله بحيرة..

سيدنا محمد كان لسا عمره ١٢ سنه، وفضل بحيره يقول هذا يبعثه الله رحمه للعالمين، هذا نبى آخر الزمان، ووسط دهشة كل الموجودين.. فأبو طالب عم النبى ﷺ بص لبحيره وهو مش مصدق وقال: أيه اللى أنت بتقوله ده ؟! فرد الراهب: و الله من لحظة ما شوفتكم جايين، مفيش ولا شجر ولا حجر إلا سجد ورا الغلام اللى معاكم، ودول مستحيل يسجدوا إلا لنبى..
طبعا سيدنا النبي ﷺ أول مرة حد يقوله أنت نبى.. المهم محدش صدق الراهب، ففضل الراهب يكرر الكلام ويقول لهم صدقونى صدقونى.. لكن محدش صدقه..
فبحيره بدأ يفكر ويخطط أنه يحاول يعطلهم شوية عشان يلحق يعرف أى حاجه عن محمد نبى الله ورسوله، فعمل وليمه وعزم القافله على الأكل وكانوا مستغربين تصرفات بحيرة لأنه عمره ما كان بيكلمهم أصلا..
المهم راحوا وقعدوا يستنوا الأكل تحت ظل شجره وبحيره بسرعه دخل يجهز الاكل، فأبو طالب ساب سيدنا محمد مع الجمال..

خرج بحيره فبيبص ملقاش سيدنا محمد قاعد لقاه واقف بعيد .. فقال لأبو طالب :يا أبو طالب نادى الغلام ليأكل معنا.. وفعلاً أبو طالب قال لهم نادوا محمد..
جه سيدنا محمد من بعيد وبحيرة فضل مركز معاه، فبحيرة لقى أن سيدنا محمد ماشى وفوقيه سحابه
بتظلل عليه..
فالنبي ﷺ جه يقعد جنب الناس فحصلت حاجه عجيبه أوى..

النبى ﷺ راح يقعد مع قومه تحت ظل الشجرة عشان ياكل.. لكن لقى مفيش مكان، فالنبى أضطر يقعد فى الحته اللى فيها شمس لوحده فحصل شئ عجيب قوي، ظل الشجره مال عليه..
فصرخ بحيرة وقال لهم: انظروا أيها الناس!انظروا فقد مال ظل الشجرة ليظلل عليه..

بحيرة الراهب قعد مع سيدنا محمد ﷺ وكان بحيرة سامع ناس من القافلة بتقسم باللات والعزى، فقام بحيرة راح لسيدنا محمد يختبره وقال له: هسألك شوية أسئله وأقسمت عليك باللات والعزى أن لاتخبر
أحد بها؟ تفتكروا النبي ﷺ وهو يدوب عنده ١٢ سنة يقول لبحيره إيه؟!
قال: لا أقسم باللات والعزى، فوالله ما أبغضت شيئًا كبغضى لهما.. فاتأكد بحيرة أكتر وأكتر إن فعلا سيدنا محمد ﷺ هو نبى آخر الزمان..
فسأل بحيره: أين والد هذا الولد؟
فقال أبو طالب: أنا..
قال بحيره: أنت تكذب، ما ينبغى لابوه ان يكون حيا..
فسكت أبو طالب وقال: أجل أنا عمه، مات أبوه..
فبحيره قال: يا أبا طالب صدقني هذا نبي آخر الزمان، أقسمت عليك لا تذهب به إلى الشام فهناك يهود أخاف
إذا رأوه يقتلوه.. فهم يعرفونه في كتبهم.. (فعلاً فالله عز وجل أخبرنا عنهم فى القرآن وقال: "اَّلِذيَن آَتْيَناُهُم اْلِكَتاَبَ يْعِرُفوَنُهَ كَماَ يْعِرُفوَنَ أْبَناَءُهْمَ وِإَّنَ فِريًقاِّ مْنُهْم
َلَيْكُتُموَن اْلَحَّقَ وُهْمَ يْعَلُمون * َاْلَحُّقِ منَّ رِّبَكَ فَلاَ تُكوَنَّنِ مَن اْلُمْمَتِرين"
فأبو طالب أستغرب كلام بحيرة وبدأ يقلق.. بس ياترى أقتنع؟ ياترى هيرجع النبى ﷺ لمكه ومش هيكمل معاه
للشام ؟

فضل بحيرة يقنع أبو طالب أن بلاش ياخد محمد ﷺ للشام عشان خايف اليهود يقتلوه، وبعد محاولات كتير من بحيرة.. خاف أبو طالب، وقرر أن النبى ﷺ ميكملش الرحله ويرجع لمكه..
وعلى فكرة بحيرة كمان أتأكد إن سيدنا محمد هو نبى آخر الزمان من علامة تانية.. إيه هي؟ خاتم النبوة وصفتهولكم قبل كدا ..

بعد ما بحيرة شاف ختم النبوه على كتف النبي الشريف، واتأكد أكتر أن هو..
أبو طالب أقتنع بكلام بحيرة وخلى النبي ٨ يرجع لمكة عشان خاف حد يقتله فى الشام
،وكمل أبو طالب مع القافلة تجارته فى الشام..

مرت السنين وسيدنا محمد ﷺ النهاردة بقى عنده ٢٠ سنة..
في الفترة دي حصلت حرب في مكة أسمها حرب الفجار.. كل مكة حاربت بعض فيها.. فَجُرَت مكة وقتلوا بعض في الشهر الحرام فسموها حرب الفَجار.. النبي ﷺ لم يشارك في الحرب رغم أنه كان يقدر يشارك بس ده أكبر دليل إن النبى ﷺ قبل النبوة كان برده مش بيحب الحرب..

ويحصل بعد حرب الفجار معاهده أو حلف أسمه "حلف الفضول".. وكان من ضمن شروط الحلف إن ممنوع حد يقتل حد عند الحرم ، وممنوع يكون في ظلم في مكة.. سيدنا محمد ﷺ بعد كدا أيام حربه مع مكة بعد كام سنة كان بيحكى عن حلف الفضول وقال أنه كان أحب إليه من الدنيا، وقال لو طلبت مكة أنى أدخل معاهم فى معاهده زى دى هشارك وهقبل..

بدأ ابو طالب يعلم النبي ﷺ رعي الغنم، فجابله مجموعة أغنام وجاب معاه واحد يشتغل كمان وأبو طالب قال لهم: أرعوا الأغنام لمده كذا يوم..

سيدنا محمد ﷺ كان أجمل شاب رأته عيون البشر.. هو أجمل الشباب على الإطلاق أصلا، بيحب يسعى
ويشتغل بس بيحتاج ياخد فترة راحه، وفي ليله راح النبى ﷺ لصاحبه اللي معاه وقاله: ممكن أسيب الغنم
بتوعى معاك عشان أنا عايز أخرج شوية وارتاح الليلة دي ، فصاحبه وافق..

فخرج النبي ﷺ فبيقول: جعلت أمشي فى طُرقات مكة فسمعت دفوفًا وغناء، فقلت: ما هذا؟ فقيل لي: فلان يتزوجزفلانة، فخطوت لكي أذهب.. فسقطت مغشيًا
علّي (أغمى عليه).. فلم أستفق إلا في اليوم التالي من حرقة الشمس على وجهي، فرجعت لصاحبى فقال لى: ما فعلت البارحة يا محمد؟
قلت: ما فعلت شيئا.. حدث كذا وكذا فلم أستفق إلا اليوم التالى من حر الشمس..
فقال لى: كيف!!
قلت: لا أدري..
فقال لى: أذهب اليوم وأنا آخذ عنك غنمك..
وجاء الليل والنبي ﷺ خرج تانى ومشي في طرقات مكة وسمع نفس الصوت اللي سمعه امبارح فسأل: ما هذا؟
فقالوا: فلان ينكح فلانة .
فيقول: خطوت لكي اذهب.. فسقطت مغشيًا علّي، فلم أستفق إلا فى اليوم التالى من حر الشمس، فعدت إلى صاحبي فقال: ماذا فعلت؟
قلت: لاشئ حدث كذا وكذا ولن أعد.

حاجات كتير بتحصل مع النبى ﷺ  قبل النبوة بيبان منها إنه إنسان مميزه عن أي حد .. أبو بكر الصديق _ رضى الله عنه _ بيقول: إن فى مواقف كتيرة خلتني أحس إن محمد مش حد عادي..
وأبو بكر بيقول: كنت مرة مع النبي ﷺ بنرمم الكعبة وبنشيل الطوب ، فالنبى ﷺ كان بيشيل معانا وكان جسمه حساس جدًا ﷺ ، فكان لما بيشيل طوب، كان الطوب بيعلم على كتفه..
فالعباس عم النبي ﷺ قال: يا محمد أنزع رداؤك عن جسدك وضعه على كتفك.. (ينزع رداؤه عن المنطقة اللى فوق عشان يطبق القميص ويحطه على كتفه، فيبقى كأنه عازل، فالطوب ساعتها مش هيعلم فى كتفه)..
فالنبي ﷺ لسه هينزع رداؤه فسقط مغشيًا عليه (أغمى عليه قبل ما يقلعه)..
فجه أبو بكر يجري: مالك يا محمد؟
قال: لا أدري سمعت صوتًا يقول لا تكشف جسدك يا محمد..
يقول أبو بكر: فعلمت أنه ليس مثلنا..

صلوا على الحبيب ﷺ