السيرة النبوية بالعامية المصرية

رحلة الإسراء والمعراج ♥️

النبي ﷺ اتأذى من اللي حصل فى الطائف، قلبه وجعه وحزين اوى كمان لإن الطائف رفضت الإسلام وربنا الجبار جبر قلب حبيبه عليه الصلاة والسلام بإسلام عداس وإسلام الجن، طب وإيه كمان؟؟
حادثة الإسراء والمعراج وكأن حادثة الإسراء والمعراج بتثبت للنبي ﷺ إن لو أهل الأرض مش مقدرين قيمتك، تعالي عند أهل السماء وشوف قيمتك..
وتحصل رحلة الإسراء والمعراج ويسموها العلماء ذروة التكريم للنبي ﷺ ..
النبى هيشوف حاجات عجيبة ربنا عز وجل قال: "َلَقْدَ رَأٰىِ مْن آَياِتَ رِّبِه اْلُكْبَرٰى"..
دلوقتى الرسول ﷺ فى نص الليل, قاعد عندا لكعبة، وكان زعلان من اللي حصل فالطائف ،طاف شوية وراح قاعد وغطى نفسه بعبايته ونام وهو زعلان، بس الرسول غالي اوي عند ربنا مش هيسيبه
ينام زعلان ابدا،
يجيله جبريل عليه السلام يخبطه على كتفه، قم يا محمد فبيحكى لنا النبي ﷺ وبيقول: فقمت، فقلت ماذا يا جبريل؟
فرد جبريل وقال لى: قم يا محمد للقاء الله..
هيقابل ربنا.. تعالوا نشوف الرحلة بعين الرسول ﷺ، طب ازاي؟
زي ما عبد الله بن عُمر بيعمل بالضبط..
اصل مرة عبد الله بن عمر كان فى المسجد النبوي مع النبي ﷺ والصحابة، وبعد الصلاة اتكلم النبي ﷺ  معاهم وبعدين قام قايل: يا أيها الناس من منكم رأي الجنة؟ (طبعا محدش شافها إلا النبي ﷺ في الإسراء والمعراج)
المهم محدش رد، فقام عبد الله بن عمر قايل: أنا يا رسول الله،
فسيدنا عمر بن الخطاب (أبوه) حط إيده على راسه كأنه بيقول لابنه: ايه اللى بتقوله ده.. جنة ايه اللى شفتها!!
لكن النبي ﷺ ابتسم وقال من منكم دخل الجنة؟
فبرده رد عبد الله بن عمر وقال: أنا يا رسول الله،
فبدأُ عمر بن الخطاب يغطي راسه بعبايته هيتجنن من ابنه..
بس برده ابتسم النبي ﷺ وقال من منكم أكل من ثمارها؟
فقال عبد الله بن عمر: أنا يا رسول الله..
فسيدنا عمر بقى مكسوف وكان شويه ويسحب نفسه بهدوء ويمشى..
وبرده تبسم النبي ﷺ لكن قال: قم يا ابن عمر فاخبرهم كيف دخلت الجنة؟
فقام عبد الله بن عمر وقال: و الله يا رسول الله رأيت الجنة بعينيك يا رسول الله،، ودخلت الجنة بقدميك يا رسول الله، وأكلت من ثمارها بفمك يا رسول الله..
فأنا اري بعينك وامشي بقدمك واكل بفمك يا حبيبي يا
رسول الله..
شوفتوا حب النبي ﷺ فى قلبه قد ايه شوفتوا إيمانه بالنبى ﷺ شكله ايه!!
كان بن عمر بيمشي في المدينة ويدور على الأماكن اللى ممكن يكون النبى ﷺ مشى فيها ويمشى ويحط رجليه فوق اثر رجل النبي ﷺ..
لدرجة ان كان فى شجرة النبي ﷺ بيحب يقعد تحتها دايما كان برده عبد الله يروح لوحده يقعدت حتها.
لدرجة ان الصحابة قالوا:"و الله كان يتبع أثر النبي ﷺ حتي خفنا على عقله"..
ماشي عمال يدور على ايه بيحبه حبيبه عشان يعمله..
ياريت نجرب نبقي زي ابن عمر ونشوف بعين النبي ﷺ اللى هيشوفه فى رحلة الإسراء و المعراج..
نرجع لجبريل بعد ما قال للنبى ﷺ: قم يا محمد إلي لقاء ربك،
بس حصل حاجه قبلها.. حادثة شق الصدر للمرة الثانية.. ملائكة نيمت النبي ﷺ على ضهره وفتحت صدره تاني زى زمان فاكرين؟وطلعوا قلبه وغسلوه بماية زمزم وخيطوا الجرح..
عملية قلب مفتوح سبحان الله.. الذي شق البحرل موسي قادر ان يشق صدر محمد فالله علي كل شئ قدير..
طيب ليه دلوقتي حصل شق الصدر؟
عشان قلب النبى ﷺ يقدر يتحمل اللي هيشوفه فى الرحلة لإنه هيشوف حاجات لا يمكن يستحملها بسهولة.
بعد شق الصدر، جبريل جه للنبى ﷺ عشان يبدأ الرحلة، طيب ايه وسيلة المواصلات فى الرحلة؟
دابة اسمها "البراق" .
طيب وبرنامج الرحلة ايه؟
ربنا عاوز يجبر بخاطر النبي ﷺ فالرحلة من الحرم للمسجد الاقصي، ومن المسجد الأقصي للسماء..
وفى الرجوع هتبقى من السماء للمسجد الأقصي.. ومن المسجد الأقصي للحرم مرة تانية...
البُراق دى دابة شكلها ما بين الحمار والبغل لونها ابيض، والخطوة منها توصلها لمنتهى بصرها (يعني خطوتها واسعة تجيب المدى البعيد اللى هي شيفاه)
احنا مثلا منتهي بصرنا ثلاثين كيلو منقدرش نشوف ابعد من كده..
لو افترضنا ان البراق منتهي بصره زينا ثلاثين كيلو يبقى الخطوة الاولي من رجله تجيب الثلاثين كيلو وبعدين رجله التانية ثلاثين كيلو تانيين..
يعنى سريع جدا، قال تعالى: "َياَ أُّيَها الَّناُسُ ضِرَبَ مَثٌلَ فاْسَتِمُعواَ لُهِ إَّن اَّلِذيَنَ تْدُعوَنِ منُ دوِن الَّلِهَ لنَ يْخُلُقواُ ذَباًباَ وَلِو اْجَتَمُعواَ لُهَ وِإنَ يْسُلْبُهُم الُّذَباُبَ شْيًئاَّ لاَ يْسَتنِقُذوُهِ مْنُهَ ضُعَف الَّطاِلُبَ واْلَمْطُلوب"..
سبحان الله ما بالكم بقي بالبراق!
المهم فيقول جبريل: اركب يا رسول الله فركب وركب معاه جبريل..
والنبي ﷺ بيقول كان جبريل لا يفارقنى ولا أفارقه.. طيب رايحين فين؟ رايحين على أرض الشام، على المسجد الأقصى بسرعة تفوق الخيال ويوصل النبي ﷺ المسجد الأقصى ويوقف جبريل البراق عند باب المسجد الأقصي،
وقال جبريل: يا محمد انزل.. عارفين النبي ﷺ هيعمل ايه؟
النبي ﷺ نزل وراح رابط البراق فى عمود من عواميد المسجد الأقصي،
طيب بتربطه لي يا رسول الله، ده ربنا خلقه مخصوص عشانك وهيختفي بعد رحلة الإسراء والمعراج،..
وربنا هيحفظه ليكأ كيد.. ليه بتربطه؟
اصل سيدنا النبي ﷺ قمة فى التوازن.. قمة فى الربانية، ربنا عايز مننا اننا ناخد بالأسباب وفى نفس الوقت نتوكل على الله..
النبى ﷺ هيتصرف بقمة. الواقعية..
دي قوانين الدنيا، هو هينفع اسيب العربية مفتوحة واقول أنا هتوكل على الله.. ربنا حفيظ؟
لأ.. لازم اخد بالأسباب واقفلها.. وبرده مينفعش أقفلها وأقول أنا متأكد إن العربية مش هتتسرق لانى قفلتها كويس..
طب ليه مينفعش؟
لإن لازم تبقى مؤمن أن ربنا على كل شئ قدير ومفيش شئ معصوم من قدر الله..
يربط النبي ﷺ البراق ويقول له جبريل: ادخل يا محمد..
طيب مين اللي بيحكم فلسطين فى الوقت ده؟
الرومان، فطبيعي المسجد الأقصى يبقى مهجور ومفيهوش حد ومضلم..
لكن تتفتح أبواب المسجد الأقصي ويبص النبى ﷺ ويلاقى المسجد مليان على اخره.. والمسجد كله منور،
طب مين اللي فى المسجد؟
كل الأنبياء من آدم عليه السلام إلي عيسي عليه السلام.. ومتنسوش قال تعالى:" َوُرُسًلاَ قْدَ قَصْصَناُهْمَ عَلْيَكِ منَ قْبُلَ وُرُسًلاَّ لْمَ نْقُصْصُهْمَ عَلْيك"..
والنبي ﷺ مبهور وهم واقفين فى صفوف مستنيين للصلاة..
اصل كل الأنبياء مسلمين يعنى كلهم موحدين، قال تعالى: "ِلُكٍّلَ جَعْلَناِ منُكْمِ شْرَعًةَ وِمْنَهاًجا"..
طريقة العبادة مختلفة بس الاصل هو التوحيد بإن لا اله الا الله ..
ويبدأ جبريل يقول للنبى ﷺ تقدم للإمامة..
ويقف النبى ﷺ مخضوض ومش بيتحرك..
النبى ﷺ واقف قدام كل الانبياء تخيلوا واقف قدام إبراهيم خليل الله وعيسي روح الله وموسي كليم الله،
فالنبى ﷺ مش متخيل ان هيكون الإمام..
وجبريل يقوله تانى: تقدم يا رسول الله للإمامة.. ويوقف النبى ﷺ إمام وصلي بالأنبياء ركعتين من صلاة المسلمين..
وده قمة التشريف للنبي ﷺ كأن ربنا بيعرفنا إن الأنبياء كلهم هيدوا راية البشرية للنبى ﷺ وانه هو الرسول الخاتم..
الرسول ﷺ مرة قال: لو كان موسي حيا بيننا، ما وسعه إلا إتباعي (يعنى لو كان حى كان زمانه اتبع رسول الله ودين الإسلام)
وتخلص الصلاة وياخد جبريل النبى ويطلع بره المسجد الأقصى.. فيجيب جبريل إنائين واحد فيه لبن والإناء التانى فيه خمرة ويقول جبريل: يا محمد اختار (على فكرة الخمرة فى الوقت ده كانت لسه مش محرمة علينا)
فاختار سيدنا النبي ﷺ اللبن.. ففرح جبريل وقال: أهتديت إلي الفطرة يا رسول الله وهديت أمتك إليها،..
كل يوم بنقع فى الإختيار بين الحرام والحلال اللبن رمز النقاء والصفاء والخمر رمز المعصية..
والحلا لواضح والحرام واضح لينا.
دلوقتي هيطلع النبى ﷺ وجبريل للسماء بس قبلها جبريل هياخد النبى ﷺ وهيطوفب يه على أهل المقابر هيشوف فيها ناس بتتعذب ويعرف نهاية ابو جهل انها هتبقى زيهم وهيشوف ناس بتتنعم عشان تطمن يا رسول الله..

سمية بنت خياط (فكرينها؟ اللى ماتت من تعذيب ابوجهل ليها عشان تكفر بدين محمد) وتطمن على اللى ماتوا وهيموتوا وتعرف إن وعد الله حق انهم هينعموا بالجنة.. عشان ميزعلش حبيبنا النبى ﷺ علي حد بعد كده..
فيعدي النبي ﷺ على قبر ويقول: رأيت أناس يخمشون وجوههم وصدورهم بأظافر من حديد.. فقال من هؤلاء يا جبريل؟
فرد جبريل وقال: هؤلاء يأكلون لحوم الناس (الناس اللى بتغتاب)
قال تعالى: "َأُيِحُّبَ أَحُدُكْمَ أن َيْأُكَلَ لْحَمَ أِخيِهَ مْيًتاَ فَكِرْهُتُموُه"
ويعدي على قبر تاني فبيقول: رأيُتُ أناسُ تقرض شفاتهم بمقاريض من نار،
فيقول لجبريل من هؤلاء؟
فيقولُ: خطباء أمتك يا محمد يقولون ما لا يفعلون، يأمرون الناس بالمعروف ولا
يأتوه وينهونهم عن المنكر ويأتوه،
فيمر على قبر تالت فيلاقى فيه سيدنا موسي قائم يصلي فى قبره
(المفروض مفيش تكليف فى القبر لأن الأعمال بتترفع بعد الموت)
فقال النبى ﷺ: يا جبريل أهذا موسي؟
قال: نعم
فقال النبى ﷺ: وماذا يفعل؟
فقال جبريل: يصلي إلي ربه
فقال النبى ﷺ: ولما؟
فقال جبريل: إن موسي كان شديد الشوق إلي ربه فعندما مات قال للملائكة أريد أن أرى ربي؟
فقالت الملائكة: لا (وموسى هو كليم الله)
فنادي ربه وقال يارب إن لم ألاقيك حتي أدخل الجنة فأذن لي أن أصلي لك فى قبري حتي يهدأ الشوق فى قلبي..
فأعطاه الرب هذه المنحة إلي يوم القيامة...
الله شايفين سيدنا موسي اللي قالَ: وَعِجْلُتِ إَلْيَكَ رِّبِ لَتْرَضى..
موسي مش قادر يصبر على لقاء الله...
وبعدين النبى ﷺ شاف قبر طالع منه ريحة جميلة..
فيقول: رائحة من يا جبريل؟
فيقول جبريل عليه السلام هذه ماشطة ابنة فرعون وأولادها..
وبدأ يحكى قصتها...

ماشطة فرعون دي كانت ست فقيرة وكانت الكوافيرة بتاعت بنت فرعون وكان الست دى عندها أربعة أولاد وكانت مؤمنة وكاتمة إيمانها خوفا من فرعون..
ففي مرة وهي بتسرح شعر ابنة فرعون وقع المشط من إيدها فوطت تجيبه من الأرض فلا إراديا قامت قايلة بسم الله..
فسمعتها بنت فرعون وقالت..: اتقصدين بالله أبي؟
أصل فرعون كان بيقول أنا ربكم الأعلي...
فاتغاظت الست أوى وقامت رده عليها وقايلة: لا.. بل ربي وربك ورب أبيك الله..
فالبنت اتجننت وقالت: إذن سأخبر أبي عنك..
فقالت له وجه فرعون وقبضوا على ماشطة ابنة فرعون وسألها: ماذا تقولين؟
قالت ربي وربك الله..
فراح فرعون جايب ولادها الأربعة قدامها وجاب برميل كبير فيه زيت بيغلي..
وقالها هرمي ولادك فى الزيت لو مش هتشهدي إن أنا ربنا..
فقالت: ربي وربك الله..
فأخد ابنها الأول ولف رماه فى برميل الزيت المغلي فساح الولد..
وقام سألها تانى: من ربك
فتقول بصرخة وعياط وألم وثبات: ربي وربك الله
فأخد ابنها التانى ورماه فى الزيت وساح وهكذا عمل كده مع الابن التالت وراح سألها فرعون تانى: من ربك؟
فقالت: ربي وربك الله ..
وكان الابن الرابع هو اللي الدور عليه و كان رضيع لسه صغير فى حضنها..
فجه عشان ياخده منها فمسكت الولد ورجعت لورا عشان محدش ياخده منها..
بس ربنا هيثبتهاعلى الحق لحد آخر لحظة فى حياتها..
ربنا خلى الرضيع ينطق ويقول لها: يا أمي انتي على الحق، اثبتى إنها جنة..
فسألها فرعون فقالت: ربي وربك الله..
فأخد الولد منها عشان يرميه ويرميها معاه فى الزيت المغلى..
فطلبت ماشطة بنت فرعون من فرعون جمع عظامها وعظام أبنائها وطلبت أنهم يندفنوا سوا..
فقال فرعون لها: لكي ذلك واخدها والطفل ورماهم فى الزيت المغلي واتجمعت العظام واتحطت فى القبر..
وعشان الريحة كانت ريحة حرق ومش حلوة.. ربنا خلاها فى القبر ريحة أحلى من المسك♡.
وبكده تعرف يارسول الله ان صحابك اللى ماتوا بالتعذيب هيشوفوا نعيم كتير أوى فمتزعلش عليهم..