السيرة النبوية بالعامية المصرية

اللقاء الثانى بين جبريل والنبي ﷺ والدعوة السرية

هنحكى النهاردة عن اللقاء التانى بين سيدنا جبريل وسيدنا محمد ﷺ وعرفنا ان أتأخر الوحى..
وفى ليله كان سيدنا محمد ﷺ قاعد حزين..
وبعد إنتظار طويل فى الغار.. ينزل ويمشى.. وفجأه يسمع صوت.. فيبص يمينه وشماله ووراه.. فميلاقيش حد.. فيبص فوق..فيلاقى سيدنا جبريل..
فيقول جبريل: يا محمد أنت رسول الله..
فبيحكى النبى ﷺ ويقول: وقعت من الخوف علي ركبتّي..

وفضلت أجري وأجري لحد ما وصلت لخديجة فقلت: دثروني.. دثروني.. يعنى "غطونى"..
وبعدينِ جْبِريل جه لحد بيته ﷺ وهو مع خديجة.. وينزل بالآية الكريم بنداء من الله عز وجل لمحمد رسول الله..
قال تعالى "يا أيها المدثر * قم فأنذر..." لآخر السورة..
ومن اللحظة دى..من يوم ما ربنا قال "قم فأنذر".. والنبي ﷺ ماكانش بيرتاح..
(كان على طول مشغول بينا وشايل هم ك لالبشر)..
ويتتابع نزول الوحى على سيدنا محمد ﷺ بالآيات..

هيبدأ النبي يحب سيدنا جبريل قوي.. وتنشأ بينه ﷺ  وبين سيدنا جبريل علاقة حب ومودة كبيرة.
مرة النبي ﷺ وهو ماشي لقى رجل غريب جنبه بيقول له السلام عليك يا رسول الله.. فالنبي ﷺ يقف ويبصله..
فيقول الرجل: "يا محمد أنت رسول الله، وانا جبريل من السماء".. (الملَك جبريل ولكن في صورة بشرية)..
يبدأ سيدنا جبريل يعلم النبي ﷺ الوضوء..
وبعدين يعلمه الصلاة.. جبريل الإمام، والنبي ﷺ يصلي وراه..
وكانت الصلاة وقتها ركعتين صباحًا وركعتين مساءًا..
فيروح النبي للسيدة خديجة ويحكيلها.. ويقرأ الآيات بإنه مبعوث بدين الإسلام.. فترد عليه وتقول:"
آمنت بك يا محمد "..أول من آمن بسيدنا محمد ﷺ هى السيدة خديجة بنت خويلد.. واتوضت وصلت وراه.. وكانت أول من سجد لرب العالمين بعد سيدنا محمد ﷺ..

*أشكال نزول الوحي علي النبي ﷺ* 🍒..
1. الرؤية المنامية: رؤيا الأنبياء وحي وأمر من الله..

2. الإلهام: يلقى جبريل أمر معين في روح النبي ﷺ.

3. الصورة البشرية: يتمثل جبريل في صورة بشر.. وكان دايما يتمثل في صورة صحابي أسمه "دحية" من قبيلة كلب.. وكان صحابي جميل قوى..

4. صلصلة الجرس: يعني سيدنا جبريل يتلبس النبي ﷺ وصوته بيبقى عالي (زى الجرس) في جوف النبيب آيات القران.. فلا ينفصل جبريل عن رسول الله إلا وقد حفظ النبى ﷺ كل كلمة قالها له..
(ودى الطريقه اللى حفظ بيها النبي ﷺ القرآن.. وكانت أصعب طريقه لنزول الوحى.. النبي ﷺ كان بيترعش لما كانت بتحصل له)..
وكان اذا تلبسه جبريل يثقل.. (يعنى يبقى تقيل فَلو ساعتها كان راكب جمل.. كان الجمل يغرس في الرمل)

5. في الصورة الملائكية: زى الغار.. النبى ﷺ قال: كان جبريل يسد الأفق من شرق السماء لغربها..

6. بدون ملاك / بدون واسطة: زى ما هنشوف فى يوم المعراج.. ربنا كلم النبي ﷺ مباشرة..

دلوقتى النبى ﷺ عرف أنه رسول الله وجبريلن زل عليه بكلام الله..
النبى ﷺ معاه سورة الفاتحة والعلق والمزمل والمدثر.. واتعلم الوضوء والصلاة..

هيبدأ النبي ﷺ يفكر في طريقة يبلغ بها دين الله..
يبدأ النبى ﷺ يحكي لأصحابه القريبين منه فقرر النبي  يختار ناس من أصحابه.. اللى بيحس إن فيهم خير وهيبدأ يحكيلهم..

طبعًا اول واحد كان ابوبكر الصديق "خير البشر بعد رسول الله ﷺ".. أبوبكر ده صاحب النبي ﷺ من زمان.. فالنبي ﷺ يروحله ويقول له "لقد بعثني الله بالإسلام" فيقول ابوبكر "آمنت بك يا محمد"
والجميل إن النبي ﷺ قال على سيدنا ابوبكر: "و الله ما من أحد دعوته إلي الاسلام إلا ونظر وتردد وفكر إلا أبي بكر.. ما إن دعوته أسلم لله عز وجل ((الصديق♡.. بيصدق النبي ﷺ بمجرد ما بيتكلم.. ليه؟
عشرة عمر.. معاه من صغره شايفه وشايف أخلاقه ومركز وشايف علامات النبوة على النبى ﷺ ))
ويقول النبى ﷺ : لو كنت متخذًا من العالمين خليلاً لأتخذت أبا بكر خليلاً غير أنى خليل الله..
((والُخلة هي أن يتخلل الحب كل مسام القلب وهذه المنزلة لا تنبغي في قلب الرسول ﷺ إلا لرب العالمين))

ابوبكر أسلم.. وبعد إسلامه بيوم يسلم علي إيديه أربعة من المبشرين بالجنة.. تخيلوا: عثمان بن عفان ، طلحة بن عبيد الله ، الزبير بن العوام ، سعد بن أبي وقاص..
بعد إسلام أبوبكر.. يسلم علي بن أبي طالب وكان عمره عشر سنوات.. وبعدين يسلم زيد بن حارثة (ابن النبى ﷺ بالتبنى قبل تحريم التبني)
بدأ الصحابة يكتروا.. وبقوا محتاجين مكان يجتمعوا فيه ويتعلموا القرآن ..
فيطلع شاب عمره ١٦سنة إسمه الأرقم يقول: "يا رسول الله أنا أتبرع ببيتي للمسلمين".. فيأخذه المسلمين وتسمي دار الأرقم بن ابي الأرقم.. ويجتمع المسلمين في الدار المباركة دى.. وربنا يخلد إسم الشاب ده في التاريخ.. "دارالأرقم"..

النبي ﷺ يبدأ يعلم الصحابة القرآن اللى بينزل عليه.. أول آيات نزلت كانت من جزء عم"الجزء الثلاثين" .. آيات قصيرة ذات تواصل بديع كلها تتكلم عن الجنة والنار.. وعن يوم القيامة.. وعن رؤية الله عز وجل ♡.. وعن رحمة ربنا سبحانه وتعالي.. وكان اجتماعهم فى دار الارقم يبقى في السر.. كان ده مهم قوى فى البداية.. ليه؟
علشان خايفين من إبادة المسلمين..
المهم بدأ الصحاب ةيحبوا الإسلام وترق قلوبهم.. وبدأ الصحابة يحبوا النبي ﷺ حب شديد..
وبعد فترة تنزل علي النبي آية "وأنذر عشيرتك الأقربين" ..يعني إيه؟