السيرة النبوية بالعامية المصرية

سماع الجن للقرآن الكريم

هيحصل حاجة غريبة اوى والنبي ﷺ بيصلى, ربنا هيوحى له أثناء الصلاة, إنه هيعدى من جنبه 7 من الجن وهيسمعوا القرآن لأول مرة من النبى ﷺ أكيد ده شىء مخيف..
فقرأ النبى ﷺ عشان يسمع الجن القرآن وقرأ سورة
الرحمن.
وبعدها نزلت أيات من القرآن حكت اللى حصل..
ربنا بيقول: *"وَإِذْ صَرَفْنَا إِلَيْكَ نَفَرًا مِّنَ الْجِنِّ يَسْتَمِعُونَ الْقُرْآنَ فَلَمَّا حَضَرُوهُ قَالُوا أَنصِتُوا فَلَمَّا قُضِيَ وَلَّوْا إِلَى قَوْمِهِم مُّنذِرِينَ* قَالُوا يَا قَوْمَنَا إِنَّا سَمِعْنَا كِتَابًا أُنزِلَ مِن بَعْدِ مُوسَى مُصَدِّقًا لِّمَا بَيْنَ يَدَيْهِ يَهْدِي إِلَى الْحَقِّ وَإِلَى طَرِيقٍ مُّسْتَقِيمٍ* يَا قَوْمَنَا أَجِيبُوا دَاعِيَ اللَّـهِ وَآمِنُوا بِهِ يَغْفِرْ لَكُم مِّن ذُنُوبِكُمْ وَيُجِرْكُم مِّنْ عَذَابٍ أَلِيمٍ"*

(شايفين.. الجن بقوا دعاة للإسلام بعد ما سمعوا القرآن من رسول الله ﷺ.. احنا كمان لازم ننشر وندعوا اللى حوالينا بأى معلومة عرفناها عن الله ورسوله الكريم)
المهم قرأ رسول الله ﷺ القرآن وحواليه افواج كتيير اوى من الجن..
ربنا بيقول: "َوَأَّنُهَ لَّماَ قاَمَ عْبُد الَّلِهَ يْدُعوُهَ كاُدواَ يُكوُنوَنَ عَلْيِهِ لَبًدا"..
اكيد النبى ﷺ استحمل الخوف، دول برده جن:')..
بس بصوا الأية بتورينا أن من شدة حبهم للقرآن ولرسول الله انهم اتجمعوا حواليه وعايزين يبقوا جمبه
عليه الصلاة والسلام..

وقعد رسول الله ﷺ يعلمهم الإسلام وأمور دينهم...
وخلصت مقابلة الجن, وبدأ النبى ﷺ وزيد بن حارثة يفكروا إزاى هيدخلوا مكة, زيد بن حارثة سأله يا رسول الله كيف سندخل إليهم؟
رد الرسول ﷺ وقال: "يا زيد لا تخف, إن ربي لنُ يضيعنا,
يا زيد إذهب إلى الأخنس بن شريق وإئذن منه أن ندخل فى جواره "..
يعنى ايه الكلام ده؟
يعنى الرسول ﷺ هيطلب من الأخنس بن شريق إنه يكون فى حمايته لما يدخل مكة، وده بيكون شرف كبير أنك تبقى واخد ناس فى حمايتك.. وفعلاً راح زيد بن حارثة وطلب من الأخنس الحماية, لكن الأخنس قال: "لا و الله, فليدخل محمد وليرى ما أعدته له قريش"

راح زيد للنبى ﷺ وحكى له,
فطلب النبى ﷺ منه انه يروح يطلب الحماية من سهيل بن عمرو, بردو رفض, وبعدين قاله يروح لمطعم بن عدى والحمد لله مطعم وافق وقال: "هو فى جوارى.. محمد فى جوارى"(كل الأسماء اللى النبى ﷺ بيطلب منها الحماية
من كفار قريش بس عائلات كبيرة)
المطعم بن عدى بقي كان عنده 10أبناء فقالهم إلبسوا كلكم حديد وأرفعوا السيوف واول ما محمد يدخل مكة فى جوارنا إياكم حد يمسه أو يشتمه حتى..
(سبحان الله ربنا عز رسول الله خلاه فى حماية 10 جنود وراح ال10 من الشباب للنبى ﷺ على باب مكة لابسين الدروع والحديد ورافعين السيوف وحاوطوا رسول الله ﷺ من كل جنب, وسألوه تروح فين هنوصلك؟
طبعًا المكان الطبيعى البيت, لكن لأ النبى ﷺ قالهم: هروح الحرم

اصل النبى ﷺ عايز يطوف حوالين الكعبة عشان محدش من قريش يفتكر إنه خايف أو هيبطل يدعو للإ سلام

خلصت محنة الطائف ويخلص النبى ﷺ الطواف وبعدين هيروح الفجر لدار الأرقم, يحكى للصحابة اللى حصل ويطمنهم بإسلام الجن، بس الصحابة هيزعلوا جدا بسبب الإيذاء اللى حصلله..

بس هتحصل حاجة هتثبت للنبي ﷺ إن ربنا راضى عنه..