"مشهد أول"
المؤتمر بدأ، التلفون في يدي، كتبت رقم الجلوس، دقايق بعدها الرسالة وصلت "رسوب"
"مشهد ثاني"
-خليك عارف لو مشيت اعترفت ولا قلت ليها اي حاجه من العملناها في الحاله دي اعتبر نفسك خسرتني وانسى البينا للأبد.
-لو على خسارتك هينة انا اصلا خسرتك وخسرت نفسي؛ من اللحظة الطاوعتك فيها وعملت ده كلو لي وحده بريئة ما عندها اي ذنب، ولا حصل ضرتني في يوم ولا غلطت في حقي.
-انت مستوعب الكلام البتقول فيو ده، لو اتكلمت ح ننتهي الاتنين القصة دي اكبر مننا وما بنقدر نتحمل نتائجها.
-ما بهمني عايز اقول الحقيقة وارتاح تعبت وانا شايل الذ.نب ده في رقبتي، بقيت ما بقدر انوم الليل من الهلا.ويس؛ لو غمضت عيوني بشوفها وبسمعها وهي بتقول:لي عملت فيني كده؟ أذ.يتك في شنو؟
-دي كلها هلا.ويس وكوا.بيس فارغة ما تشتغل بيها وركز معاي اقول ليك نتصرف كيف وح نحلها سوا...
-ما عايز اسمع منك حاجه كفاية لحد هنا انا ماشي من يوم الليلة انتِ في الطريق ده براك.
-والله تطلع من البيت ده اك.تل نفسي.
-ماف داعي لي كذبك ودموع التماسيح دي لاني بقيت ما بصدقك.
-قايلني بكذب صاح؟ شايف المو.س الفي يدي دي ولا ما شايفها.
-ختيها وبطلي حركات الشفع بتاعتك دي لانو ده ما لعب ممكن تتأ.ذي بجد.
-ما انت ما مصدقني وهسي بثبت ليك اني ما بهظر معاك وجادة بعملها لو ما رجعت...
"العودة لبداية الحكاية"
حوار بين الام وبنتها:-
شقة Modern على طراز رفيع المستوى تتباين ألوانها ما بين Purple والGray متوفرة فيها كل سبل الراحة مع وجود احدث واغلى الاجهزة الكهربائية، مفروشة بطريقة Simple لكن في نفس الوقت Classy، فيها غرفتين وصالة وبلكونة بالإضافة لبقية المرفقات، الغرفة الاولى هي الاكبر حجماً مطلية بلون داكن وتوزيع الاضواء مخليها تشبه صالة عرض الافلام، فيها سرير مزدوج في امامه مرآة كبيرة وعلى جمبها درج قراءة، وشاشة بالإضافة لجهاز تكيف على العموم هي جنة ما غرفة، اما التانية فكانت اهدى واروق من ناحية التصميم كانت Simple لكن Classy في نفس الوقت.
"دار الحوار في صالة الاستقبال"
-ما عايزة تمشي يعني؟
-اول يوم في المدرسة ما مهم لانو ح يكون بايخ وBoring وانا ما عندي ليو اخلاق.
-بالعكس يا عبي.طة امشي عشان المدرسة جديدة عليك تشوفيها وتتعرفي على صحبات.
-كلمتك الف مرة ما عايزة اصاحب، وما بحب الاماكن الجديدة بتخ.نقني وبحس بDistress.
