هل أنت محور الكون؟
دي كانت رسالتي ليه وهو ما رد شافها وطلع بعد كم دقيقة اتصل علي، اتوترت واترددت ما بين ارد ولا اعمل نفسي ما شفتها، في النهاية رديت عليو،
مهند:ما تترددي لمن تشوفيني متصل عليك ردي لاني لصقة وما بقيف عند مكالمة وحده.
-ما اترددت التلفون كان بعيد.
=بعمل نفسي صدقت.
-خير اتصلت عايز شنو؟
=اسمع صوتك.
-والسبب؟
=عاجبني.
-وغيرو؟
=صوتك انثوي.
-انت عايز تصل لشنو؟
=ولا مكان انت عايزاني اوصل؟
-لا..وانا مشغولة ما بقدر اتكلم.
=يعني اتصل عليك متين؟
-لا ما تتصل.
=نتلاقى احسن.
-لا ولا حتى نتلاقى.
=اها اشوفك كيف ومتين؟
-هيي ما تشوفني ولا اشوفك انا ما بعرفك اصلا، وطق قفلت الخط ده مجن.ون ولا شنو، وصلتني رسالة تانية منو "تهربك بدل على انك خايفة تعجبي بي او انت اصلا معجبة قولي الحقيقة وما تخافي انا متفهم لدرجة بعيدة" رسالتو استفزتني بقيت اتمشى في الغرفة وانا شايلة التلفون بعضي على شفايفي وبقول ده قايل نفسو منو؟ وشنو الكلام الفارغ البقول فيو ده هو منو اصلا لمن اعجب بيو؟ قمت اتصلت عليه ما رد علي اخخخ منو سغ.يل وكر.يه.
"سفيان"
بعد اتكلمت مع جمان اختي وقفلت منها عرفت سارة تكون هي الهبشت تلفوني، مشيت ليها في بيت عمتي عشان اسألها عملت كده ليه؟
=انت الرفضتي المكالمة؟
+مكالمة شنو؟
=عليك الله ما تعملي غبية ماف زول غيرك بعمل الحركات دي.
+ياود ما تحترم نفسك انا اختك الكبيرة اتكلم معاي كويس.
=عشان انت اختي الكبيرة مفترض تكوني بتحترمي نفسك وما تعملي حركات الشفع دي وتلفوني تاني ما تصلي عشان ما نختلف.
+والله ده الفضل تشا.كلني بسبب بت الشلابة.
=عندها اسم اسمها جمان وبتكون اختك.
+ما اختي ولا بعرفها.
=حتى لو انكرتي ما بتغيري الحقيقة، ولاخر مرة بقول ليك ما تغلطي فيها قدامي.
+اي ما انت محامي الدفاع حقها.
طلعت وانا غضبان ما عارف ناس بيتنا ديل بتعاملوا معاها بالقسو.ة دي كلها ليه؟ هي ما عندها ذنب إذا في زول غلطان فهو ابوي الخلى امي وبقى يعاين برا لكن جمان ما عندها ذنب، وقفني أمير ود عمتي لمن شافني زهجان،
