وطت رجلي علي دربه و لا أدري وش نوي فيني

part 34

التلفون يرررن .
سيف يبوس راس مهره : حبيبي . . قوومي شوي . .
مهره تفتح عينها واطالع ـه : وين رايح
سيف : برد ع التلفون . .
مهره تطالعه بنظرة ترجي . . : لا ترد ع الفون
سيف يبوس عيونها : لا تحاتين . .
قام عنها ورد ع الفون . .
سيف : نعم ؟ ايوه انا سيف . . تفضلي . . هيه عرفتج كيف ما عرفج . . " يساسر مهره " عمت ميثا . .
سيف : مممعاج . . ادري انها ف المستشفى . . مات الجنين ؟ الله يرحمممه ان شاء الله . . وشو صحتها الحين ؟ بتقووم بالسلامه . . اكيييد مش مهتم انا خلاص طلقتها وما تريا منج هالمكالمه . . اصلا كنت عارف كل الرمسه الي تقولينها . . المحاكم ؟؟ مش مشكله بينا المحااكم ع قولتج . . هههه يوم بتقوم بتخبرج اني طلقت 3 طلقات . . فممان الله . .
مهره من بند ردت تنسدح ع الغنفة . .
سيف يسير صوبها ويقعد ع الارض ويبتسم بتعب . . مهره استحت وبغت تقعد لكن مسكها ما خلاها . .
"cut"
.
.
.
سلامه تفتح عينها وتمسك فونها تشوف مسج
" دقيلي ابيج ضروري اول ما تفضين "
عنود تدخل عليها : صباح الخييييير يا حلوو . .
سلامه مبتسمه : صباح النور . .
عنود : يالله ريووق تايم . .
سلامه : ماشتهي الحين خليني شوي بتم طايحه . .
عنود : لالالا الحيييييين تنشين وياي . .
سلامه : قلتلج بنش . .بس خليني شوي . . نص ساعه ان شاء الله بس وتعاليلي . .
عنود : اوكيي . .
وتطلع عنود من الغرفه وتصك الباب وتشوف ع ويهها محمد . .
عنود بابتسامه لا ارائديه : صباح الخير . .
محمد بنص عين : صباح النور . .
عنود : شفيك اطالعني جذي ؟
محمد : وين الشيله ؟
عنود حطت ايدها ع راسها وتذكرت انها بلا شيله وربعت فوق . .
محمد يبتسم : خبله . .
دقايق وردت نزلت . .
محمد يتثاوب : اتحرا ششعرج ناعم طلع مول ليفه . .
عنود عاقده حياتها : فعيييينك والله ناعم . . عينك مشوشه وتشوف كل شي ليفه لانها ليفه . .
حمد : يااا الله صباح خيير . .
عنود تبتسم : صباح الحب . . اخي العزيز " وتسير صوبه تحظنه " ياخي ولهت عليك . .
حمد :يامكرج امس شايفتني . .!!!!!
محمد ياكل التفاحه ويطالعها باحتقار . .
عنود : مارمست سيفو ؟ هالريال مول ماله حسسسسس
محمد عمدا : شو تبينه الريال ملتهي ويا مهره . .
عنود ماتدري ان محمد يعرف ، وتمت تطالع حمد الي كانت نظراته لا مبالاه مصنطعه !
لكن ماقدر يتصنع على عنود ومحمد الي عارفين كل شي عدل !!!
عنود تمسك حمد من ايده : تعال اخي العزيز بووكلك من ايديني الحلوه
محمد غص : لالالا حمود دخيلك . .
حمد : هههههههههههههههههههههههه
محمد : والله ماتااكل حلفففففففففت . . " يقوم ويسحب حمد " تعال تعال حذالي وابششر بالزين . .
حمد يساير محمد ويقعد حذاله ومحمد يلعب بالاكل لعب وسواله سندويجه فنانه . . ما خلا شي ما حطاله اياه !!
حمد : حرام عليك شو تتحراني فيييل !
عنود : هيه والله . . يتحرا اكلك نفس اكله . . " ترمس محمد " ابوي انت جحش . . اخوي مسكين اكله ع قده . .
محمد : انت ذووق وصدقني بتدمن عليها . .
تذوقها حمد وفعلا عيبته وآإآيد وطلب الثانية والثالثة ! ويوم طلب الرابعه
محمد يطالعه : مش جنك مصختها؟ رووح رووح عند اختك احسسن . .
عنود بدون نفس تطالعه . .
محمد يضحك بخبث : هههههههاي . . غيرانه؟
حمد : ماعليج منه عنود . . باجر باكل من ايدج . .
عنود : مالت عليكم بس . .
وتقوم عنهم وتسير صوب التلفزيون . .
.
.
.
سلامه : الوو ؟ألووووووووووووو
منصور " يّ لبيييه "
سلامه : عذوووور . . جي ماتردين يالسباله ؟
منصور : لانها مش اهني . .
سلامه حطت ايدها ع قلبها : بسم الله . . منصور ؟
منصور يغمض عينه : فدا رآسج . .آممري . .
سلامه وقلبها يدق : ليش متصل
منصور : حبيت اطمن عليج . .
سلامه : انا بخير . .
منصور : مبين من حسج . .
سلامه تبتسم : صدق انا بخير . .
منصور : تاخذين ادويتج ؟
سلامه : . .. .
منصور : ليش . . ليش انزيين . .؟ ماتبين اطيبين . .
سلامه تتنهد : استاهل على الي سويته ف اخوي الله يرحمه " عينها تمتلي دموع"
منصور : لا سلامه . . لا تقولين جي . . الي صار ربج كاتبنه . . وصدقيني هذا انتقام من ربج على الي سووه فيج .. الله يمهل ولا يهمممل
سلامه : بس هذا اخووووووووووووي . . لا ترمس عنه بشششين
منصور باستغراب : بس انا ما قلت شي سلامه شفيج . .؟ هدي اعصابج . .
سلامه تمسح دموعها : انا ببند . .
منصور : لا تبندين !! الله يخليج لا تبندين وانتي جييه . .
عنود تدق الباب وتبند سلامه الفون بسرعه . .
عنود باستغراب : ليش اصيحين ؟
سلامه جمعت ايدينها الهنتين فويهها وتمت تصيح بصوت مسموع . . سمعوها حمد ومحمد وسكتو مره وحده . .
محمد يطالعه : سير طالع اختك . .
حمد : لا . . عنود ويااها . . خلها . . انا اباها تصيح واطلع الي كابتنه فيها . .
محمد : الله يكون بعونها يارب . .
.
.
.
الظـــــــــهر . .
عذاري : يممممممه شفيج انا امس تراني درست عدل وكان سسسهل . . اليوم بدرس عدل بعد اول ما ارجع . .
ام عبدالله : لالالا . .ماعندنا بنات يطلعون رواحهم ويا الدريوليه . .يوم بيفضى منصور خل يوديج . .
منصور : لالا امايا ماقدر . . انا ربييييعي بييني وبيقعد يدرس عندي
عذاري تمت تطالع منصور وهو يرمس بلهفه . . ونتتريا منه ينطق ب شي بس النذل ما رمس . .
عذاري تتلصق ف منصور : اقوولك . .
منصور : وخري عني لا اصمج بطراااق . .
عذاري : انزيين ليش شسويتلك اناااا . .
منصور يطالعها بجديه وبصوت واطي : اتصليلها . .
عذاري بعصبيه : جب لو تموت مااتصل فيها . . كفايا لومتني فيها اليوم . .
منصور : حرام عليج قلبي مستهم عليها بممموت انا . .
عذاري: اماايا عندي لج بشاره . . منصور ولدج يبا يعرس . .
ام عبدالله : هاي الساعه المباركه . . " تطالع منصور بنص عين " صدق ولا ها الملقوفه تألف؟
منصور يطالع عذاري بصدمه . .
عذاري : يمه خاطره ف سلامه اخت سيف
ام عبدالله عاقده حياته : منصور بس هذي عاجز . . وتوها مطلعينها من الدختر
منصور : اعرف امايا . . " يدز عذاري عشان ترمس "
ام عبدالله بعصبيه خفيفه : خل عنك اختك وخبرني . .
عذاري : امايا هو يبا يتزوجها ويسفرها برع ويعالجها
ام عبدالله : لا والله ! شفقان ع البنت . . خربطان هذا هب زواج . .
منصور : امايااا . . البنت فخاطري قبل لا تكون عاجز . .
ام عبدالله : وليش ماتاخذ الي اكبر عنها . . ربيعت اختك والنعم فيها . .
عذاري: بيني وبينج امايا ! لا اطلعين الرمسه هاا . . ولد عمها محمد حاط عينه عليها ويباها . .
ام عبدالله : ماعلييه ما خلصن البنات . . شي غيرها
منصور يسير صوبها وبنبره جديه : ولدج الاول واتغرب عشان حبه . . لا تغربين ولدج الثاني ..
وقام عنها . .
.
.
.
شوق تدق الجرس . .
مهره تبتسم : حياج تفضلي
شوق : ريلج اهني ؟
مهره : هيه . .
شوق : اتصل لج ع المبايل يالسباله الف مره ليش ما تردين ؟
مهره : اسمحيلي والله . . مبايلي سايلنت ومادري وين فريته . . بدوره عقب . . حياج دششي . .
شوق : لالالا شو يدخلني وريلج اهني ؟ كنت بطمن عليج بس . . " تبوس خدها " يالله حبيبتي . .
مهره مبتسمه : فيج الخير والله . .
سكرت الباب وطلع سيف من الغرفه . . : شووق ؟
مهره : هيه . .
سيف : ليش راحت . .
مهره ترفع جتوفها ب معنى مادري . .
سيف يقرب صوبها ويشوف خدها علامت روج . . : باستج
مهره تطالعه ببراءه : هيه
سيف شل الكلينكس ومسح الروج . . : ليش تخلينها تبوسج ؟
مهره باستغراب : تسسلم علي ترى . .
سيف : طابقه الروج كله على خدج وتقولين سلام . . عيل لو بوسه كيييف
ابتسمت مهره . .
سيف بحنان يمسك خدها : لا تخلين حد يلمسه ويبوسه غيري . .
نزلت راسها غصب بحيا . .
سيف بصبعه يرفع راسه : انزين ؟
مهره حست بلوعه فجاه وربعت الحمام وتمت ترجع . .
سيف تم مكانه مصدوم !! من تغيير شكلها المفاجىء ومن ركضتها . . تم يسمع حسها ترجع وتكح كح فالحمام . . مشى صوبها ومن وصل الحمام وشافته طاحت عليه غششيانه . .
شلها وسار الغرفه ورش رش عليها عطر وماي لين فتحت عينها . .
سيف بخوف : اوديج المستشفى
مهره تاشر له بايدها : لاء . . احين احسسن . .
سيف يحط ايده ع راسها : مافيج حراره . .
مهره تبتسم بتعب : ها من الحممل
سيف يا في باله الحمل . . ونزل راسه
>> مهره حاامممل ! مهره حامل وانا عمممري ما اهتميت . . عمري ما خفت عليها وداريتها وشليتها ششل وخففت عنها عوق الشهور الاولى وتعب الوحام ولا ادري هيه تتوحم ع شو ّ!! بلى اعرف . . تتوحم على لومي . . بس ّ! ها الي اعرفه . . كنت عاطي اهتمامي حق الشخص الغلط . . مع الاسف . . .
مهره ماسكه ذقنه : بعده شي وقت . .
سيف باهتمام : على شو
مهره : تعوضني عن كل شي . . عن بعدك . . وعدم اهتمامك . . وعن الي كنت تفكر فيه قبل شوي
سيف : كيف عرفتي الي افكر فيه
مهره ابتسمت : قمت اعرفك شسوي . .
سيف : وايد قصرت عليج صح ؟
مهره تحط صبعها ع شفاته : لاء . . اوو ممم بلى . . " تبتسم " لكن عاذرتك ع كل شي . . وابي اشوف هممتك الحين . .
سيف يبوس صبعها ويقعد عدل ويقومها ويخليها تقعد ويسحبها لحظنه . . : انا ماعرف حياتي بدونج كيف
مهره تغمض عينها : ولا انا اتخيل حياتي بدونك كييف . . ماقول غير الله لا يرحمني منك . .
سيف يرص عليها بقوة : باكلج . . ارحمميني . .
مهره تبتسم . .
سيف ينزل راسه عشان يشوف ويهها : تضحكين هاه . . انا بعلممج كيف تضحكين عدل
ياي يقرقطها بس صرخت . .
مهره : لا ياااا ممممممينون . . الياهل . .
سيف يعض شفاته بقوة : شت . . والله انسسسى . .
مهره عورها قلبها . .
سيف : آآ . . مادري احس يعني بعدج ع الحمل .. . شكلج مش شكل حامل . .
مهره ماردت عليه . .
سيف : يالله عاااد . .
مهره تبتسم غصب : زين خلاص . .
سيف يجابلها : اسسف . . " يغمض عينه " اوعدج انا سيف بشحمي ولحمي ماقول هالكلمه مره ثانية وسوي فيني اي شي تبينه . .
مهره تبوسه ع خده . .
سيف فتح عينه ومن حياها انخشت فصدره . .
سيف يتنهد : اااه :. . وجودج راحه . . دخييلج . . لاتغييبين عني . . دخيييلج . .
مهره باست صدره . . : انا هني . . دوم موجوده لك حبيبي
سيف انقرص قلبه بالقو : شو قلتي . .
مهره ترص ع صدره عشان ما يخوز ويجابلها . . : اووشش جب خلاص . .
سيف كان اقوى عنها ومسكها من جتفها بايدينه الهنتين : عيدي شو قلتي . .
مهره : خلاص نسيت . .
سيف : تحرمممميني من الكلام الحلوو يعني
مهره تبتسم : حبيبي . .
سيف : ياوووووويل حالي انا . . خبريني شتبيني اسوي فيج وانا بسوي .؟
مهره تبتسم : لاتسوي شي بس ودني عند اهلي . . اشتقتلهم . .
سيف : من عيووووني الهنتين . . تامرين امر انتي . .!!
مهره تبتسم : ربي يحفظلي عيونك ويخليهن لي وما ينااظرن غيري ياربحصيص : والله وسويييتها . . كيف لينتي راسها ؟عذاري : عشششان تعرفين بس . . مشش هينه انا . .
حصيص : خبريني انزيييين
عذاري : تمدحت لها غلاتج عندي وانج من الصغر وكييف ماحظر عرسسسج ومن هالكلام الغاوي ووافقت . .
حصيص : وينج الحيييين ؟
عذاري : توني واصله المحل يالله بندي عطتني بس ساعتين . . خليني ادور فستان مثل الناس . .
نزلت عذاري من السيارة ودخلت الجعيدي . . حاسست حوس لين حصلت لها فستان احمممر ساده حريرر عليه قصة من الظهر وع الزوايا فصصوص تبرق برقان . . تخبلت عليه وعلى طوول قاسته وطلع جونان عليييها . . تخبلت على روحها وقعدت تصور ف الفون عشان اطرش لـ خواتها وتاخذ رايهن .. حاسسبت وشافت الوقت ! كملت ساعه ونص بس . . حمدت ربها انها ماطولت وردت البيت . .
اول مادشت شافت سيارة سلطان مصفوفه برى . .السيارة مخفي بالقو يعني ماشي مجال ابد تشوف الي داخل . . عاد فضضول عذاري غير شكل . . تمت تتحايل وتخش راسها فالجامه تبي تشوف كيف شكل السيارة من داخل . . نص دقيقه من المحاولات ونزل لها سلطان الجامه ..
عذاري قفطت وماقدرت تنطق . .
سلطان : دخلي داخل بعد . . تعالي شي مكككان . !!!!
عذاري تمت فاجه عينها وتطالعه " يا لبييه . . شو هالزين يا ناس . . من وين يايب هالجمال ؟ العيون الوسيعه والخششم الطويل والشفايف مرسومه رسسم . . وشعره الاسود يّ لبييه ماروم . . هذا معقوله بششر . . مستحيل . . مسستحيل . .سبحاااان من خلق . . "
سلطان من نظراتها خاف : قل اعوذ برب الفلق . . شفييج
عذاري وهيه تطالع شفاته وهيه تتحرك
سلطان : انتي اييييييييييه . . مسستخفه اشوفج . . شو تطالعين .
عذاري حست ع دمها واطالعت عيونه الي مركزه في عيونها . . " انا يالسه احلم . . هو بشحمه ولحمه يالس يناظرني انا . . ياربي شو ابا اكثر انا شووو ابا اكثثثر . . "
كل الي طلع وياها : يعل الامتحانات ما تخلص . .
سلطان عقد حياتها : نعم ؟
عذاري سمعت صوت امها تزاعق ع الخدامه وووركضضت داخل ! شنطتها كانت مفتوحه وطاح التلفون من ايدها . . بغا يزقرها بس طااارت !! شل التلفون وفره ف السياره عشان يدور طريقه يرده لها !
اتصل ف منصور ومنصور هزبه وقاله يدش الميلس على طول . .
.
.
.
.
روضة : ماااطوولتي ..
عذاري تطالع روضة وتحط ايدها ع قلبها : اااه ياروضه اه . .
روضة : بسم الله عليج شفيج ياحظي . .
تلفون البيت يرن وتقوم روضه ترد عليه
روضة : ممرحبا ؟
مهره : هلا والله . . شحالج غناااتيه
سيف عاقد حياته ويطالعها : تطلع الرمسه الزينه حق ناس وناس اشوف . .
روضة تبتسم : يا حييه . . يغار . .
مهره تضربه ع جتفه بخفيف وتحط صبعها ع شفاتها وتقوله بصوت واطي " اشش" : هلا هههه شخباركم . .
روضة : بخير الحممدلله وانتي شحالج ؟
مهره : طييبه الحمدلله . . منو في بيتنا ؟
روضة : كلنا ف البيت . . ليش بتييين ؟
مهره تبتسم : هييه . .
روضة من الوناسه قامت : حلللللللفي . .قسسم بالله اشششتقنا لشوفتج . .
مهره : هههههه حبيبتي والله . . نحن في راك احين بنزل بيت عموه بنسلم عليهم وبنتغدا عندهم وعقب الغدا بييكم ان شاء الله . .
عذاري تطالع روضه : مهور بتي ؟
روضة تاشر لها ب هيه ! : اوكي حبيبتي نترييياااج لا تبطيييييين
مهره : ان شاء الله . . فمان الله . .
عذاري: عز الله عيل انا نجحت باجر . .
روضة : سيري اسسستغلي الوقت ودرسسسي انزين . . تعالي ماراويتيني الفسستان ؟
عذاري : بوريج اياه بااجر . . يوم العرس . . عششان تتفاجئين مره وحده . .
روضة : زين اي لون . .
عذاري تبتسم : فسسسسفوري يشع . .
روضة : اعوذ بالله . .
قامت عذاري وتوجهت فوق وملامح حبيب القلب مرسومه رسسسم في بالها وخياله ماراضي يفارجها دقيييييقه وحده . .
.
.
.
مهره تعدل روجها . .
سيف يبتسم : يالله خلصينا . .
مهره تطالعه : ليش تضحك . .
سيف يبتسم اكثر : مادري . . يالله نزلي . .
مهره تطالعه : انزيييين اصبر شوي . .
طلعت من الشنطه جحال وتجحلت اكثر . . تعطرت بعطر قوتشي وعطته يتعطر ونزلو مع بعض . .
سيف : عروووس . .
مهره تبتسم بحيا . .
سيف بخبث : امموت انا . .
مهره تقرص جتفه : بسسس عاد
بطل الباب بشويش وشافو محمد وحمد قاعدين ع الغنفه وام خالد تبخر البيت وتهللت مره وحده . .
ام خالد : فدييييت هالشوووفه والله . . فدييت ريحت الغالي وريحت الغاليه . .
سبق سيف مهره وتلصق فامه يحبب فيها ف كل مكان . .
عقب ما شبعها بوسات
ام خالد : بسس اعنبو شوه فيك ولد . . اصطلب . . يوز عني
مهره : هههه . . شحالج عموه
ام خالد تبوسها : بخير يعلج العافيه . .شخبااارج انتي
مهره تبتسم :الحمدلله بخيير . .
مهره يت عينها ف حمد وانقبض قلبها مره وحده . . حمد يطالعها بنفس نظرتها . .
محمد ماعرف كيف يتصرف ولا شو يسوي . .
سيف سار صوب محمد وتخاشم وياه . . وعقبها مد ايده لحمد وسلم . .
محمد : ششحالك ولد العم . . اووب اوب " يطالع مهره " حرمت ولد عمي . . شو هيدا . . " يطالع سيف " هنيا لك ولد عممممي . .
سيف يبتسم : عقبالك عقبالك . .
محمد يحط ايده ع قلبه : اترياها تقول هيه . .
ووووفججججججاه صرخت مره وحده
عنود:سسسسسسسسسسسسسسسسسسسس� �سسسسسسسسسسسسسسسسسسسسسسسس سسسسسسسسسسسسسسسسسيفوووووو وووووووووووووووووو
محمد : يت الخبله
سيف يقوم ويفج ايده وتربع صوبه تحظنه . . : وووووحشششتي يالخسيس ووووووحشششششششششششششتني . .
محمد يطالعها ببنص عين . . وهيه مطنشه . .
ام خالد : خلي اخووج يا بنت . . لعوزتيييه . .
عنود : امايا خليني ولهااانه عليييه . .
صدت صوب مهره . .
عنود : يلي مافيج خييييييير . . يالقاطعه . . اعنبووو . . ربيعتج انا . . اختتتج . . رابين ويا بعض . . خلاااص . . شفتي سيفو نسييييتيينا !!!!!
مهره تبوسها وتمسك ايدها بالقوو : حرام علييج والله . . لاهتنا الدنيا يختي . .
عنود تحط ايدها ع خصرها : حق شوق عندج وقت . .
محمد يكلم سيف : عاد قوم يود الغييره الحين . .
سيف : ههههههههههههههههههه " يطالع امه " امايا حطي الغدا يوعان . .
ام خالد : من عيووني فديتك . .
وقامت عنهم . .
حمد منزل راسه مايعرف شو يسوي ! يشوف اخوه الي متلوم منه ! مع ان كل غلطته حب صادق وعفوي .ّ! ولا يطالع حب حياته الي حرمت عليه . . كل الي قدر يسويه يقوم من مكانه ويرفع عينه يشوفها بنظرة جادة . .
حمد : السلام عليج . .
مهره بعدها ماسكه ايد عنود ورصت عليها من كلمها حمد . . : وعليكم السلام . .
حمد : شحالج مههررره . .
سيف يراقب الموقف بصمت . .
مهره تبتسم بخوف : بخير . . وانته شخبارك . .
حمدد بابتسامه مصنطعه : الحمدلله بخير وعافيه . . يالله لا تستحين البيت بيتج . . خذي رااحتج فيه
مهره تنزل عيونها : مش مستحيه . . " وترد ترفع عيونها تطالع سيف "
حمد : اشوفج ترتجفين . . قلنا عروسس . . بس مصختيها عااد . .
مهره تبتسم اكثر . .
حمد يطالع عنود : قولي حق امايا اني ما بتغدا ف البيت . . بسير عندي كم شغله
حمد : يالله عيل اشوفكم ع خير . .
سيف يقوم : اتريا ! بي وياك . .
محمد توتر يوم شاف سيف قام . . الف فكره تمت ادور ف باله . . سيف شو يبا . . ياترى ناوي ع خير ولا لاء . . شكله ما يطططمننن . .
حمد : يالله مرت اخويه . . " يبتسم بغصه " فمان الله . .
مهره : الله يحفظك . . " وتمشي ويا عنود بيقعدون صوب محمد " . .
وحمد وسيف طلعو برا . .
>
<
>
حمد رد دخل داخل : حممود . .
محمد : هاه . .
حمد : بنطفل وبندش الملحق شويه . .
محمد : والله ما تسستحي . . بيتكم وتستاذني فيه ؟
حمد : مسوييلك قدر عاد شفت كيف . .
محمد : روح اجلب ويهك روح . .
ابتسم حمد وطلع وسارو الملحق . .!
محمد يطالع مهره : شحالج شخبارج . . ؟ شو العرس وياج ان شاء الله تمام . .
عنود تقوم : بسير بييب سلامه وبرد . .
وقامت عنهم . .
مهره : الحمدلله كل شي تمام . .
محمد ارتاح يوم عنود قامت . . : مهره مرتاحه ؟
مهره فاهمه عليه وتطالعه بعيون جادة : وايد . .
محمد يبتسم : الحمدلله . .
مهره : سيف يعرف انك تعرف ؟
محمد :لا ! ولا بيعرف شي . . اصلا . ." يبتسم لها " شو اعرف انا ؟ ماعرف شي . .
مهره : انا حبيت سيف والله . . ووايد حبيته . . اكثر من حمد واكثر من حب هالسنين الي تولعت فيهن لحمد . .
محمد : ادري . . مبين من عيونج . . وهالشي الصح الي سويتيه يا مهره . . لان حتى لو ماحبيتي سيف وكان حمد فقلبج . . مستحيل تحققين حلمكم وتاخذينه . . الا اذا كنتي خرابه بيوت . .
مهره : اكيد . . مستحيل اسويها . . حتى لو سيف طللقني . . ماكنت بفكر مجرد تفكير اخذ حمد . .
محمد : ريحني كلامج . . عين العقل ! وانا وايد وايد " يبتسم بصدق " مستانس لج والله . . ويااالله عاد شششدي حيلج نبا ولد . ؟
مهره تبتسم بحيا : لالا ابي بنت . .
محمد عاقد حياته : شو هالرمسه بعد . . احنا رججججااجيييل نبي رجااال . . نبي محمد . .
مهره : لا والله . . وتتتحراني لو يبت ولد بسميه ع اسمك . .
محمد : وشو فيه اسمي .. ششحلاته . .
تي سلامه وتقودها بالكرسي عنود . . : السلام عليكم ..
مهره تقوم وتسلم ع سلامه : وعليكم السسلام . .
سلامه تبتسم بتعب : شخبارج مهوور ؟ محلووووه . .
مهره : حبيبتي والله . . " تقرص خدودها " وانتي وين خدودج . . موول مختفيه . .!!
عنود : يوووم اقولها ما تصدقني . .
محمد : منو يصدقج انتي . . " يسوي عمره ما يطالعها "
ام خالد : يالله قوومو . . غدى . . وينه حمد وسيف ؟
محمد :يرمسون برع امايا . . انا بقوم بزقرهم الحين . .
>
<
حمد : كنت اترياا اليوم الي تيني فيه وانته هادي وتي ترمسني . .
سيف : انا اسف لو مديت ايدي عليك وغلطت اكثر عن مره فالرمسه . .
حمد : ما الومك . .
سيف : لازم نكسر الحاجز الي انولد بينا . . وانت عضيدي . . مالي غنا عنك . . ولا لك بديل . .
حمد : انته ظهري وعوني . . انكسر نص الظهر بموتت خالد . . ما بغي اخسرك انت بعد . .
سيف يتنهد : الي بيني وبين حرمتي . . كان شي طفولي وانتهى . . اتمنى ينتهي من قلبك . .
حمد : اعتبره انتهى . . انتهى من شفت عيون مهره مغرومه فيك . .
سيف يطالعه باهتمام : مغرومه فيني !
حمد يبتسم : مهره تموت فيك . . " قلبه يتقطع " تحبك موت والله . . من مات خالد وانا ملاحظ الحب فيها . . ماشفت اهتمامها فيك؟ خوفها عليك من الشي البسيط . . وما يخاف عليك الا الي يحبك .. ولا الي ما يحبك ليش بيحاتيك ويخاف عليك ؟
سيف ارتاح : فديتها والله . . " حس ع روحه وطالع حمد وشاف نظراته كان حيل جاده ويرمس بثقه " . .
حمد : صدقني مابشوف مهره الا حرمت اخوي وبعزها معزت الاخوان . .
سيف يبتسم : هذا العشم فيك ياخويه . .
حمد : الله يهنيك فيها ويهنيها فيك . . تراكم " يبتسم بعذاب" لابئين لبعضض كتييير . .
يضحك سيف : هههههه راامي . .
حمد : هيه هههههه كل ماشوفه يقولي مهره وسيف لابئييين لبعضض كتير كتير . .
سيف يبتسم : حليله . .
حمد : شي واحد بس . . طلب ومابيك تردني . .
سيف يحط ايده ع رقبته : سداده لك . . اممر . .
حمد يطالعه : ابيك تسعدها وتعوضها ع ـن العذاب الي عيشتها فيه . . الضرب الي ضربتها فيه والذل والاهاانات . . انت وايد خيبت ظنها وكسرتها . . ماعندك شي تسويه غير انك تسعدها الحيين . .وتعضوها عن الضييم الي شافته منك . . تراها تستاهل كل خير . . اختي واخاف عليها . .
سيف يبتسم : لا توصيني عليها . . خلاص . . عقب اليوم ماشوف غير مهره . . وميثا ما صارت حلالي عقب اليوم . .
حمد : شششصااار ؟؟
محمد يدخل : خبره شصار عقب . . نشو يالله غدا . .
محمد شاف الويوه مستبشرة بخير . . وشكله طاح الحطب . . استانس وايد ! وششق الحلج .
.
.
.

يتبع...