وطت رجلي علي دربه و لا أدري وش نوي فيني

part 46

روضه : شوووووووه ؟ لا ماباااااااااا
عبدالله : ليش ياروضه شو السبب شو الي يخليج ترفضين
ام عبدالله : العمر يمشي يا اميه . . لين متى ؟
روضه : يا اماياااااااا انا قلت عرسس ماباا . .
بو عبدالله : ليش وهو اصلا الريال راضي بـ عيال اخوج ؟
روضه باستغراب : راضي ؟
ام عبدالله مبتسمه : هيه . .
عبدالله : امايا خلوني اشويه وياها . .
بو عبدالله يطالع ام عبدالله : قومي خلي العيال بروحهم . .
وقامو عنهم
عبدالله : خبرته عن شرطج الاساسي وانج ما تفكرين بالزواج ابدا ! والسبب انج تبين تربين عيالي . . وحب هالشي اكثر واصر انه يتقدم لج مره ومرتين وثلاث حتى لو رفضتي .. وقال ما بيحصل حد يربي بنته شراتج ! ومن شافج ف العياده وكيف خليتي راس بنته يلين وهو معجب في ادبج واخلاقج ووده تكونين حرمته . .
روضه بصدمه : في العياده .؟
عبدالله مبتسم : فهد ..
روضه بصدمه اكثر : شوووو . .
عبدالله يبتسم : بو ريم . .
روض
روضه : وكيف . . . " تلعثمت "
عبدالله : صارحني وخبرني ان سار يحجز لنفس موعدج عشان يتلاقى وياج مره ثانيه ! وشاف ملفج وعليه اسمج .! وعرف انج اختي . . وكلمني فالموضوع مباششره
روضه : شهالصدفه !!!
عبدالله يبتسم : هاي مش صدفه . . هذا قدر .
روضه تنزل راسها . .
عبدالله : فهد زميل واعرفه عدل . . وكانت لي سفرات وياه وما عليه لا سوالف ولا حركات . . ريال ماشي سيده .!! وتزوج وماصار نصيب وطلق و الام تنازلت عن البنت وهو رباها . . وبروحج تعرفين كيف تربيه العيال صعبه .!! وانا عارف ومتاكد انج ما راح ترضين تتنزلين عن عيالي . . حتى لي انا . . وانا اشوفلج الحين الريال المناسب الي بيصونج وبيسعدج . . "يبتسم " وما بيقصر ف عيالي بعد "
روضه : ماعرف شقولك . . .
عبدالله : لا تقولين لي اي شي الحين . . قومي الحين قعدي وياهم وفليل صلي لج استخاره . . وان شاء الله الامور كلها بتتيسسر . .
روضه تبتسم : ان شاء الله . .
عبدالله بادلها الابتسامه وقامو مع بعض . .
.
.
.
منصور : شو تسوين اهني . ؟
عذاري تمسح دموعها : اتريا نصور
منصور عاقد حياته : ليش اتصيحين . .؟
عذاري تطالعه : احاتي نصوور وشو بيصير فيه
منصور : ليش شصاير ؟؟
عذاري حظنت منصور واطلقت العنان لروحها . . ماتتحمل زعل سلطان ولا تتحمل فراقه ! كيف قدر ينهي كل شي بهالسهوله . . كيف قدر يشك فيها وف حبها . . !!!
منصور يوخرها من حظنه ويجابلها : تكلممي شو مستوي . ؟
خبرته عذاري كل شي صار ويا ناصر . . وتمو يتصلون فيه اكثر عن مره بس ما يرد !
.
.
.
مهره : كنت تكلم منو ؟
سيف : كنت اكنسل الحجز حبيبي . .
مهره : ليش تكنسله . .
سيف : ما بخبرج شي الحيين بخليها مفاجاه . .
مهره تبتسم : اعرف انك بتجمع اهلي واهلك ! بس ليش كنسلت اليوم . . كنا بنرد نرقد اهناك . .
سيف : تبينا نرد ؟ مش مشكله برد احجز . .
مهره : لا خلاص دامك كنسلته بنرقد اهني . . خبرني شو تخطيطك لبآجر وكيف بتميعهم ؟
سيف : قلتلج خلي كل شي علي وخلاص . .
دخلو منصور وعذاري وويوهم بائسه . .
مهره تقوم : وين نصور ؟
منصور : ما يرد علينا . .
سيف : قوم منصور بنقوم ندوره .
منصور: لا وين ندوره يا ريال . . ما بنحصله . . نصور ما يكون ف مكان معين عسب نروحله . . مادريبه وين سار الحين الله يهديه . .
مهره تحط ايدها ع قلبها : عن يصير فيه شي
سيف يمسك ايدها: ما بيصير فيه شي لا تحاتين . .
ام عبدالله تي صوبهم : شصاير شسالفه ؟
مهره تسير عند امها . . : مافي شي اميه . .
ام عبدالله : داسسسسين عني شووه خبروني
عذاري : امايا ما صااير شي . . " تطالع سيف " سيفوه كان يالس يغايضني وانا كانت نفسيتي تعبانه وعصبت عليه . . . .
ام عبدالله تطالع سيف . . وسيف استغرب من رد عذاري المفاجىء !!!
سيف : آآآآ . .
ام عبدالله : يا ابويه لا تغصص بها . . بروحها وراها امتحان باجر . . خل تخلص ع خير . . يالله قومي سيري راجعي . .
عذاري : ان شاء الله " بصوت واطي ترمس منصور " خبرني لو صار اي شي . .
منصور يهز راسها بمعنى اوكي . .
مرت روضه صوبهم لكن ماعطت المجال تفهم السالفه وشلت اليهال وودتهم فوق وراحت معاهم . .
.
.
.
بعد اذان العشا
سلامه تطالع عنود وعنود تطالع سلامه . .
سلامه : تحسين بلي احس فيه
عنود تغمض عينها : واكثثثثثثثر بعد !!
سلامه : من نفتح عينا الصبح بنملج !!! كل وحده فينا بتكون مالجه !! ما قادره اصصصدق . .
عنود : ششوه شعورج ؟
سلامه تتنهد : ماعرف . .ان شاء الله خير بس ! ابا اغمض وافتح والاقي كل شي معدي بسرعه . .
حمد يدق الباب : ممكن ادش
سلامه : دشش . .
حمد يبتسم : العرايس واعيات ؟
سلامه تبتسم . : بغيت شي
حمد : لا بغيت اطمن اذا انتو بغيتو شي . ؟ ترى باجر الساعه 10 الصبح بنروح المحكمه . . خلكم جاهزات . .
.
.
.
سيف : تعالي معاي !.
مهره عاقده حياتها : شوه إلي طاري عليك تروح ترقد اهناك مش اهني !
سيف ماسك خدها ب كف ايده : هدي حبيبي . .ليش اعصابج متوتره . .
مهره تقوم عنه وتسير صوب المطبخ ويلحقها من غير ما يتكلم . . شلت لها قطعت لوميه وقصت من النص وقعدت تاكلها بشراسه . .
سيف تام يطالعها من غير ما يتكلم . . كلت الاولى والثانيه ويوم يايه تقص الثالثه سار صوبها
سيف : ودريه عنج خلاص . .
مهره : كل ما اكله كل ما ارتااح انا !! خلننني . .
سيف يمسك جتفها : حبيبي ادري تتوحمين عليه بس بزياده لاء . . مش زيين . . ليش معصبه شوه فيج . .
مهره تصد يمين : احاتي نصور . .
سيف : باابا نصور مش ياهل .!! ما يحتاي تحاتينه بيكون بخير
مهره تطالعه : ادري انه مش ياهل بس انا احاتيه ! ومن واجبك ع الاقل اتم وياي ! مش تطري عليك فجاه انك تروح بيت امك وترقد اهناك . .
سيف يطالعها : باجر بيملجون خواتي الثنتين حبيبي . . لازم اكون اهناك وياهم . . حمد بيكون متواجد عسب يقود سلامه بالكرسي .!! وعنود بتم متوتره محتاجه لحد يخفف توترها
مهره عاقده حياتها : ابوك اهناك !
سيف : ابويه كافي يعني ؟اذا اتشوفين ابويه كافي لعنود وسلامه ما بروح مكان . .
مهره تتنهد وتقعد ع الكراسي الي ف المطبخ حوالي الطواله . . : انا ماعرف شفيني . .
سيف يروح يقعد ع الطاوله : ليش هالعصبيه . . ليش المحاتاه ؟ توه مافيج شي . .
مهره : ماعرف شفيني ! ماعرف . .
روضه ادش عليهم : سوري قطعت عليكم الرمسه ؟
سيف يقوم من ع الطاوله : لا لآ . . تعالي شوفي اختج ! مادري شفيها معصبه ووارمه . .
مهره تطالع سيف : ماله داعي يعني . .
سيف يطالع روضه : شوفي كيف تحرج علي ؟ مادري شسويت !!
مهره تطالعه باحتقار وتقوم تطلع من المطبخ : سخيف . .
روضه يوم شافت مهره طلعت ابتسمت : ماعليك . . اعراض الحمل !
سيف يطالع روضه : بس ماكانت جي يوم كنا فالشقه ! مول ما يطلع منها هالاسلوب . .
روضه تبتسم اكثر : تراها فالشهر السادس !! ماشفت شي . .كل شهر بتشوف العجب . .
سيف بتوتر : لا تقولين . .
روضه كانت تمشي حوالي المطبخ وتسوي عصير : والله . . يعني مش بس فالحمل شي اسمه وحام ! فيه اعراض وهرمونات تتغير فيها . .!! في جنين ف بطنها بدى يكبر ويكبر . .بدا الحمل يزيد عليها والعصبيه اتزيييد . .
سيف : دارسه طب ؟
روضه : لا والله بس من المسلسلات وجذه احس ولا يمكن كل الي قلته غلط ماعرف
سيف يبتسم : لا صح . . " ينزل راسه " تعرفين اني توني ادري انها فالشهر السادس ؟
روضه تطالعه وتمد له كوب العصير . .
سيف يكمل : سبحان الله كيف ركضت الايام !! امسسات كنا على خلاف وامسات مشاكل وامسات . .
روضه تقاطعه : كل شي يتغير . .
سيف يطالعها باهتمام : مش ع بعضج . .
روضه تتنهد : ياني خطييب ! " تبتسم " يعني ما سمعت اسم حد خاطبني من 5 او 6 سنوات . .
سيف باهتمام : وشرايج ؟
روضه : ماع ـرف . . متردده . .
سيف : شو الي يخليج تترددين ؟ عيال عبدالله ؟
روضه : هيه . . لكن الي خاطبني راضي فيهم . .
سيف منبهر : عييل! ليش متردده !! وافقي على طول . .مش كل يوم بتحصلين لج حد يرضى بالعيال . .
روضه : ماقدر . . اخاف اظلم عيال اخوي . . اخافهم ما يرتاحون له
سيف يطالعها : رووضه !! خالد اخوي وحرمته توفو بنفس اليوم . . متخيله عيال اخوي نايف وعلي كيف عايشين ؟؟؟ كيف عايشين بلا ام وبلا ام !! متلتهين شوي عند اهل سميه الله يرحمها وشوي عند امي وشوي عند خالتهم وشوي مادري وين !! اهني العذاب . .اهني المـش استقرار !! اهني اليهال يتعقدون ويتعذبون . ! لكن انتي راح تكفينهم وتوفينهم اذا حتى ريلج ما عطاهم حقهم ! لا يقصون عليج ويقولون لج اليهال محتاجين ام وابو . . صح هالنظريه في عقول الناس دوم . ! لكن مرات طرف واحد يكفي ! طرف واحد لو يعطي بضمير راح يسسد عن كل شي . . اتفائلي . . وبعدين هو راضي فيهم اكيد ما بيقصر في شي
روضه تطالعه : تقول يعني . .
سيف يبتسم : توكلي على الله يا روضه . . العمر يركض . . شوفي حياتج . .
روضه : حياتي مع عيال اخوي . .
سيف : لين متى ؟ مصيرهم بيكبرون . .وبيعرسون . وانتي ؟ بتقعدين تنطرين عيال عيالهم وبتربينهم ؟
روضه ابتسمت : لا . .
سيف ابتسم . .
روضه : مشكور . . جد كنت محتاجه اسمع هالكلام . .
سيف :افا عليج . . اي وقت
روضه تبتسم : وتحمل اختي . .تراها تمر فاوقات عصيبه . . ويوم يتعلق الامر ف ناصر . .يزيد كل شي فيها . . انت ماتعرف كيف كانو ويا بعض قبل ما تاخذك ! علاقتهم وايد قويه . .
سيف : ماعليج . . متفهم كل شي . .
>
<
عذاري : انت وين كنت !!!!!!!!! خررعتنا علييييك . .
مهره : عذور روحي درسي وراج امتحان !
عذاري : ماقدر ارركز افهميني مااااقدر " تطالع ناصر " خبرنا وين كنت
مهره : عذاري رووووووووحي وانا بقولج كل شي بعدين
قامت عذاري بعصبيه ودشت غرفتها وصكت ع روحها الباب بقوه
سارت صوب السده وشافت تلفونها .. اتصالات من حصيص ومن سلطان ومسج واحد منن حصيص " لا تتصلين فيني " خافت وتمت افكار تدور فراسها لكن ماقدرت تقول شي . . تذكرت سلطان وتمت تصيح وتنووح بقوه . .
>> ليش يا سلطان ليش !! شو كانت غلطتي ؟؟؟ والله ماسويت شي . .
قربت ايدينها الهنتين من ويهها وتمت تصيح وتصيح بصوت عالي لين ما بح صوتها
.: