وطت رجلي علي دربه و لا أدري وش نوي فيني

part 47

على الساعه 4 ونص الفير . . انتبه سلطان لفونه . . عذاري بعدهآ ع الخط ّ!!! انصصدم بالقو . .
سلطان : عذذوور . .
عذاري . .
سلطان بصوت عالي : نشششي يالله انتي ما ذاكرتي شي امتحااان
عذاري تنقز : شششوووو
سلطان يشوف الساعه من الفون : صااااارت 4 وننص!! انا ما ذاكرت وانتي ما ذاكرتي . . شو بنسوي اليووووم . .
عذاري تثاوب وتشوف الفون يطلع اشاره انه بيبند مافيه جرج . . سحبت الجراجه وركبتها ف الفون . .
عذاري : ديين سهل ان شاء الله وبنحل . . مش مسلم انت " تثاوب "
سلطان يبتسم : اسد اعنبوه . .سكري حلجج . .
عذاري تصد يمين : انت راقد حذالي شو . . " تحط ايدها ع قلبها " الحمدلله . .
سلطان : ههههههه صدق انج مضيعه . .
عذاري : شصار امسس ؟
سلطان : رقدتي ف حظني وع الخط . .
عذاري : . .
سلطان : مش وقت حياج الحيين . . نشي خلينا ندرسس
عذاري : مآآآآبي . .
سلطان : تبين . . يالله بلا دلع بنات
عذاري : تبيني ازعل مره ثانيه
سلطان مبتسم : لا والله ؟
عذاري : المفروض ادلعني واداريني لانك امس مغرقني دموع . .
سلطان : ورااانا امتحان يا بنت الناس
عذاري . . : . .
سلطان : . . .
فتره هدوءءء . .
عذاري: تفكر بلي افكر فيه . .
سلطان يغمض عينه بقوه : افكر . .
عذاري : اليوم اخر يوم اكلمك فيه ؟
سلطان : . . .
عذاري تعض ع شفايفها بقوه : انا ماا اقدر . .
سلطان " ولا انا اقدرررر " : يلاا بلا دلع . .
عذاري : مافيك احسساس
سلطان : ابد . .
عذاري مبوزه : حتى قلبك ما يعورك لانك اليوم اخر يوم بترمسني فيه ؟
سلطان " يعورني يا غناتيه موت " : لا
عذاري : كيف بتوووواصل معاك ؟ كيف برمسسك . ؟ كيييييييف بعرف اخبارك . .
سلطان : . . .
عذاري تمتزر عينها دموع : ماروم اتحممل
سلطان : شفييييج بعد . . ليكون بتصيييحين
عذاري تنزل دموعها : . .
سلطان يتنهد " يرحم والدينج لا تصيحين . . لا تخليني اضعف " : بس عااد .. !! بتهون وبتعدي
عذاري : ماقدر اتحمل فراقك . ! ولا اقدر اتحمل دقيقه بدون لا اسمع فيها صوتك . .
سلطان " عيل انا الي اتحمل ؟ " : ادررري . .
عذاري تعض ع شفايفها : واي يااااااااا جفاك وبروووووووودك . .
سلطان يبتسم : . .
عذاري : يالله خلاص قوم ادرس وانا بقووم ادرس بعد . .
سلطان : زين درسي وخلج ع الخط ! مش لازم نبند . .
عذاري استانست بس ما بينت . .
سلطان : حلجج وصل لين بيتنا . .
عذاري : شووو
سلطان مبتسم : بتحلفين انج ما تشققتي من الوناسه
عذاري : آآ قوم قوم خل نصليي وعقب بدقلك وبندرس سوا . .
سلطان مبتسم : عياااره . . يالله اوكي . .
عذاري : باي . .
سلطان : يقولون مع السلامه ما يقولون باي . .!!
عذاري :ان شاء الله . .
سلطان : عفيه . .
عذاري : يالله بباي
سلطان : شششششقول توني . .
عذاري : اووه نسسسسسسيت . . خلاص خلاص مع السلامه !!
سلطان : مع السلامه " حبيبي " عذور . .
عذاري : بششتاقلك
سلطان مبتسم : خل عنج . .
عذاري : والله بشتاااقلك !!
سلطان " الله لا يحرمني منج ولا من شوقج " : بنشوف . .
عذاري : يالله " بصوت دلع " مع السسلامه
وبندت ّ!
سلطآن حب نبرتهآ ومن شاف انها بندت : ححييوآنه !َ
.
:.
.
على الساعه 7 ونص . .
سيف : ألوووو ؟ هلا امايا . . هييييه بي ان شاء الله .. لااا ما قومتني . . خلاص قلتلج بنشش امايااا . . مع السلامه . .
صد يمين ويسار ّ! ما شافها حواليه . . اسستغرب . .
سيف : مهـــــــــره !
قام من مكانه ودخل الحمام " الله يعزكم " سبح ع السريع وطلع . . شافها توها داخله الغرفه بصينيه ريووق متوسطه الحجم . .
سيف مبتسم : الله الله . . كل هذا حقي . .
مهره مبتسمه : هيه . .
سيف يفتح ايدينه : صباح الخييييير . .
مهره تسير صوبه : صباح الورد حبيبي . .
سيف يحظنها . . : شفيه الحلو . .
مهره تجابله : انا اسفه . .
سيف مستغرب . .
مهره : مادري شصار فيني امس .!! يوم نشيت عنك امس وسرت اييب لي ماي شفت روضه وقالتلي انه اسلوبي معاك كان مش حلو مول . . وقالتلي انه من الحمال وانـه مش بالشي الي اقدر اتحكم فيه . . " تنزل راسها " قلبي تم معورني ما رمت ارقد والله . .
سيف يبتسم ويرفع راسها ب صبعه الابهام : ما رقدتي وقلبج معورنج علي . .؟
مهره تطالعه : ماحب اضايق فيك . . ولا احب اعصب عليك . . مادري امس كيف . .
سيف يقااطعها : اششششش . . " يمسك بطنها " يوم بتطلع انا براويها هالهرمه . . هيه مخلتنج جي . . " يمسك ويهها بايدينه الهنتين " انا اعرف انتي مالج ذنب بشي . . كله منها هيه السوسه . .
مهره بنظرات جديه تطالعه . . : اتحملني . .
سيف : شو هالكلام مهووور !
مهره تطالعه : اتحملني لا تطفر مني . . انا ماعرف كيف وضعي بيكون باجر والشهور الثلاث الييايه . . اخااافك تطفر ..
سيف يطالعها بنظرات جديه : طفرتي مني يوم وريتج العذاب ؟ طفرتي مني يوم جرحتج ألف مره ؟ طفرتي مني يوم ودرررتج ورحت عند ميييثا ؟ طفرتي مني ؟؟
مهره : لا تقول هالرمسه . . مستحيييييل اطفر منك مسسسسسستحيل . .
سيف : وانا مستحيل اطفر منج . . مسستحيل . . " يرص ع خدودها " انتي كل شي بحياتي كيف اطفر منج . .
مهره تمسك ايده : تعال خلني بريقك . .
سيف مبتسم : ياويلي على الي بيدلعوني . .بس خليني ألبس ع الاقل " يطالعها بخبث " ولا ؟
مهره تدز صدره : حمممممار .. ألبس يالله !
سيف : اتريي قبل لا البس بقولج شي " يبتسم " تعالي
" cut"
.
.
.
منصور يتثاوب : يالله فكييييييييينا
عذاري : لا تذذذذذلني على اخر يوم . .
منصور : احمدي ربج اليوم بملج وناش متعني عششان سواد ويهج واوديج الامتحان . .
ام عبدالله : شوي شوي على بنتي . . لا تتهندق عليها ّ! بروحها اليوم اخر يوم . . بترتاحون منها . .
عذاري تغمض عينها بقوه : لا تقولين اخرررررر يوم قلبي يعورنننننني . .
منصور : يالله امشششي خلصينا . .
عذاري تبوس راس امها : دعواتج اميييه . .
ام عبدالله : الله يوفقج يااارب ويسهل عليج . .
روضه تنزل بحماس : صباح الخييير " تطالع عذاري " موفقه اختتتتتتتتتتي . .
عذاري تسحب منصور : يااااااالله اخرررررررررتنا . .
يسحب منصور كوب القهوه وياه ويطلع وياها . .
" بعد ما ركبو السياره و مشو شوي "
منصور يذكر : شووو ما قلتي لي شقالت امس سلامه علشان تقولين omg
عذاري : اليوم بتملجون وبتقعدون ويا بعض وخل تقولك . .
.منصور : لا تتناااااحسسسسسين وقوووولي . .
عذاري : مممممممممابا " تقرا الكتاب " اسكت يالسه اراااااجع
منصور : اوكي عذور اوكي . . كنت بخبرج شي عن سوسو لكن الحين لو ادقين راسج فاليدار ماقولج
عذاري تصد صوبه : قالت حبيبي والله
منصور مافهم : شووو ؟ شوفيج
عذاري : يالله خبررررررررررررني عن سوسو
منصور : . . لا تجذبين اول شي
عذاري : والللللللله قالت حبيبي والله لانك دافعت عنهااااا
منصور يبتسم : فديييتها
عذاري : يالله قوووووول لي
منصور : اترياه يخلص اليوم وانا بمر عليه بوديه الدوام
عذاري تطالعه بصدمه : اي دوووووووووام ؟
منصور : محصل له وظيفه ف مصرف يديد . . ومعاششاتهم وايد قويه . .
عذاري تبلع ريجها بصدمه : احلف منصور . .
منصور يطالعها : شفيج يالخبله .؟ انتي بتتوظفين ولا هو . .
عذاري : اتصل فيييييييييه خبره الحين . . عشان يحل عدل فالامتحااان
منصور : لا يوم بيطلع احسن عشان تكون مفاجئه . .الحين مالها طعم
عذاري كانت طايره من الوناسسسسسسسسه ما قادره تستوعب بعدها . .تحس انها بطيييييييير من الوناسسسسسسسسه لكن ماتعرف تعبر وتحاول قد ما تقدر تكتم فرحتها علشان منصور ما يستغرب . .
منصور : اااخ لو انتو مالجين ع الاقل . . جان ف المنتجع اتجمعنا وياه اليوم . .
عذاري تطالعه وماسكه قلبها : اي منتجع بعد ( وفخاطرها تقول " بسني اخبار حلوه ، قلبي بينطر " )
منصور يطالعها : يويلج لو خبرتي مهور ! سيفوه مسولها مفاجئه . . كلنا عقب ما نملج بنروح نحتفل اهناك . . وبنتم 3 ايام . .
عذاري : ياسسسسسسسسسسسسسسسلااااااا اااااااااااام . .
منصور يبتسم . .
عذاري : مش مشكله لازم بتعزمه لو يوم يعني . .
منصور :يالله انزلي انزلي . . وركزي ف امتحانج . . اكتبي اسمج عذاري مش سلطان !
عذاري تبتسم ودق ع صدرها بقو : افا عليك ذييبه ما ينخاف علي . .
منصور : اكيد ما ينخاف عليج . . ينخاف منج !
عذاري تنزل : دعواتج اخييييييي . .
منصور مبتسم : الله يوفقج . .
.
.
سيف : بسسسسني خلاصصصص شببببعت
مهره :اخرررررر لقمه خلاصص . .قول آآآه
سيف : والله مااااااقدر . .
مهره : يالله عاااااد حبيبي اخر لقمممه والله
سيف " يسحب اللقمه من ايديها ويحطها ف حلجها " : يم يممم بالعافيه عليج . .
مهره شرقت وتمت تكح . .
سيف : بسسسم الله عليج " يشربها ماي " صحه صحه ..
مهره تطالعه : مش من قلبك اللقمه صح . .
سيف : حرام عليج . . " يبتسم بخبث " اراويج كيف من قلبي
مهره : لا خلاصصص خلاص . ." تبتسم وتطالع عيونه "
سيف ابتسم : ليش ما واعييتيني اول ما قالتلج امايا ؟
مهره : كنت ابا ازهب لك الريوووق وجيه عقب اواعيك ع راحتي . .
سيف يبتسم ويحط ايده ع بطنها : وينها ؟
مهره تمسك ايده وتحرك ع بطنها : مادري مالها حسس . .
سيف يحط اذنه ع بطنها : انا بدورها . .
وتام يحوس ع بطنها ويرمس ويستهبل
مهره : خلاص يوووووووز عني لعوزتني . . يمكن راقده . .
سيف يقوم : شو يرقدها من الحيييييين . . " بوز " كنت بسلم عليها . .
مهره تحط ايدها ع بطنها : كانت واعيه يوم اسويلك الريوق . . يمكن غفلت . .
سيف يبتسم : حبيبتي . .
مهره تبتسم : انا ولا هيه . .
سيف : وهقه . .
مهره تبتسم : قول قول الصدق . . حق منو قلتها . .
سيف : حقققققج
مهره : جذاب حقها . .
سيف يمسك ايدها : ماشي فرق بينج وبينها . . كلكم حبايبي . .
سيف يطالع الساعه . .
مهره : شو ترتييبك الحيين
سيف : الله يسسسسلمج بروح اشل خواتي . . لالا حمد بيشلهم . . ممممم
مهره تطالعه : ممم ؟
سيف : يا بركب ويا ابوي وبنسير المحكمه . . يا ابوي يركب وياي ونسير المحكمه
مهره تطالعه بنص عين : عن السخافه
سيف يبتسم : شسوي محمد ف بيتنا كيف ما تبيني استوي سخيف ؟
مهره فاجه عينها : حرام عليييك . . والله انه خفيف دم وظريف . . وحباااب وعسل
سيف يطالعها : والله ؟
مهره ببراءه : هييه والله . .
سيف يبتسم ببرود : وانتي وين تعرفين خفت دمه ان شاء الله . .
مهره ارتبكت . .
سيف يطالعها يترياها ترمس . .
مهره : ترى يوم نروح اهناك . . وبعدين عنود تقول لي سوالفه دوم . .
سيف يطالع عيونها : بس ؟
مهره تطالعه بارتباك : هيه . .
سيف متشكك : محمد يعرف شي ؟
مهره تقوم وتشل الصينيه : يعرف شو . .
سيف ينزل الصينيه من ايدها ويمسك ايدها بقوه : اككككككككككلمج طالعيني
مهره تطالعه بخوف . .
سيف بصدمه : مححححححححمد يعرف !!!
مهره نزلت راسها . .
سيف : كيف عررف ؟
مهره : انت عن شو ترمسس
سيف : لا تلفين وادورين ارمسي" يمسك ايدها بقوه "
مهره تطالع ايدها : عوووورتني . .
سيف بصوت عالي : ارررررررررررررررررررمسسسي شو الي يعرفه محممممممممد
مهره تطالعه وبحزززم : احنا مش ف شقتنا . . لا تصاااارخ !! الصوت يسري والكل ف البيت
سيف يكتم غيضه ويررص ع عيونه بقو : اتكلمي . . !!!!!!!!!!!!!!
مهره تفج ايده بقوه وبعصبيه : يعررررف اني كنت احب حمممممممد . . اررررررررتحت ؟؟؟؟؟
سيف مسسك جتفها بقوه علشان ما اطيييح و عطاها طرااااااااااااااااق بكل قوه عنده . .
سيف يتنفس ب تعب : حقــــيره
وهد جتفها وطلع !
اما مهره قعدت ع السرير وهيه ماسكه صفعه سيف . .!!
>> ليش جي سويت يا سيف ؟ لييش ؟ ما كنت ابي اقول مش لاني ابا اجذب عليك . . بس ماكنتتتت ابي اذكرك . . مول ماله داعي نطري شي محيناااااااه باييدينا الهنتين . . تضربني ؟ تضربني عاااد ؟ تضربني ع شي صار واتفقنا نمحيييه . . " تغمض عينها " لا حول ولا قوه الا بالله العلي العظيم . . يآآآ الله طلبتك تررررحمني برحمتك . .
>
<
>
<
روضه تشوف سيف طالع : سسيف !
بس سيف مارد عليها وطلع من البيت . .
ام عبدالله : شوه فيه ؟ شو مسستوي ؟؟؟؟ سيري شوفي اختتتج
روضه سارت صوب مهره بسرعه وشافتها متلحفه . .
روضه : مهور . !
مهره : سكري الليت الله يخليج ! وخليني ارقد . . امس ما رقدت عدل . .
روضه ماعرفت شترد . ! بس خلت مهره وسوت الي قالته وردت لـ امها . .
ام عبدالله : شووو ؟ اتكككلمي ؟
روضه : مادري امايا يمكن اضاربو . .
ام عبدالله : استغفر الله . . و وينها اختج الحين ؟
روضه : قالتلي انها تبا ترقد
ام عبدالله : ها سيف غبي ؟؟؟ حمممار ؟؟ مافيييه مخ ؟؟؟؟ مايعرف انها حامل ومش زين عليها ترقد وهيه زعلانه . . حسبي الله ونعم الوكييييييييييييل . .
بو عبدالله يي صوبهم : شوه فيكم ؟ يالله صصصباح خير . .
ام عبدالله تطالع روضه عشان تسكت وما تقول شي . .
بو عبدالله يطالعهم : انطقوو . .
روضه : آ آآ آبويه . . آنآ وآفقت " تنزل راسها "
بو عبدالله مبتسم : والله ؟؟
ام عبدالله تهللت : عيييييييييين العقل يا بنتي . . ألف ألف مبروك . . هاي الاخبار الحلوه والي تونس الواحد من الصبح . .
.
.
.
سلطان : شسويتي فالامتحان ؟
عذاري : صصصصصصعب " تحط ايدها ع ويهها" مول ما حليت شي
سلطان : وين الي قالت " يعيب عليها وعلى صوتها " انت مش مسلم ؟ ما يباله الدين شي
عذاري تبتسم : يعني انت الي حليت ؟؟
سلطان : هيه وايد سسسهل . . الحمدلله
عذاري: يالله اهم شي انت تيب النسبه . . انا مش مهم
سلطان : كيف مش مهم بعد | .؟ ليش ما عندج طموح ماعندج احلام ؟ ماعندج هدف
عذاري : للاااااا ابا اخلص وايلس فالبييييت اترياك تي تخطبني . .
سسلطان : بالله عليج ؟ لا اسمحيلي . . مش مستعد ارتبط بوحده ماعندها هدف فالحياه . .
عذاري : انت هدفي . .
سلطان : . . . .
عذاري : قلبي يعورني . . كيف ما بكلمك انا . !!
سلطان مبتسم : ماترومين ع بعدي
عذاري : والله ماروم ع بعدك . .
سلطان : فديتني والله . .
عذاري : بدال لا تتفداني !!
سلطان " فديت روحج " : اتفداج اونه . . استريحي . .
عذاري : جاااامد شو بيطلع منك . .
سلطان مبتسم : ممم . .مش المفروض تكون هالمكالمه الاخيره ونودع بعض الحين ..
عذاري : ماقدر سلطان . .
سلطان : لازم تقدرين . .
عذاري : انت بتروم . . ؟ بتتحمل . .
سلطان : انا ما قلت اني بروم . .
عذاري : ولا قلت انك ما بتروم !! خبرني عن احسساسك . . لين متى بتم كاابت . . ابا اسمع حرام عليك بنحرف اخر شي و انت السسسبب
سلطان : ردينا ع الكلام الزززفت
عذاري : شو سسسلطان صدق .؟ تباني ادور الكلام الحلو من حدددددددد غيرك يعني ؟؟
سلطان : ترومين ؟ سويها اشوف . . يالله . . تبيني اييب لج ارقام شباب ؟ ارقام ششباب يصفون لج الرمسسسسه الحلوه ويدلعونج . . سسسجلي عندج . .
عذاري تقاطعه : ايييييييييييييه . . انت ليش تفهم كلامي بطريقه غلط
سلطان : شمعنى كلامج
عذاري : انا اقولك تبيني ادور عند حد ثاني ؟ ما قلتلك انا بدور . .! انا يالسه اسالك يالسه اتحاور وياك . . يالسسه افهمك واوريك انك انت الي لازم ادللني . . انا ما قلت ابا ولا قلتلك بكلم وباخذ من حد غيرك حنان وكلام حلو . . لو ابا !! ما بقولك وبخلي غيرك يششبعني
سلطان : خرى عليج . .
عذاري : ابااا منك كل شي . .ليش تحرمني
سلطان : خلاااااص !! فضضيها سيره . .!
عذاري : بفضها سيره . . " تبتسم " اتحمل ع روحك . . وحط ف بالك اني بشتاقلك وااااااااايد . . واني بترياك ع احر من الجمممر . . واني بتم افكر فيك طول الوقت ومحد بياخذ نص تفكيري غيرك . .
سلطان : ناويه تبندين يعني بهالطريقه ؟
عذاري : هيه . . قلت كل شي عندي . . تبي تقول شي ؟
سلطان يرص ع شفايفه بقهر : لا . .
عذاري تبتسم : خلاص . . مع السسلامه . . وماوصيك . .
سلطان " دخيلج لا تبندين " : مع السلامه !
عذاري : . .
سلطان : بندي اشوف !
عذاري : مممممممممممممممممماقدر . .اوووووف . . ماكسرت خاطرك توني
سلطان ابتسم غصب : يعني هاي تمثيليه . .
عذاري : احاااااااااول اكسر خاطرك . . اعنبووووووو قلبك حجر ؟ لو حجر جان ذاااب . .
سلطان : اونج قويه يعني . .
عذاري مبوزه : اوووووووف متى بسمع كل شي حلو منك متى !!
سلطان : قريب ان شاء الله
عذاري بلهفه : يعني متى . . اليوم ولا باجر . .
سلطان : نسيتي انه اليوم اخر يوووم .؟؟
عذاري تبوز : ما انسى كيف انسى . .
سلطان يبتسم : احبج . .
عذاري حطت الفون ع الطاوله الي مجابلتنها وانسدحت ع السرير مره وحده . .
سلطان : ألووووو ؟ يّ هبله وينج !!!
عذاري ما تسمعه لانها منسدحه ع السرير وعايشه جو الكلمه !
وبعدها بدقايق سحبت الفون
عذاري : الووووووووو
سلطان : توني ببند !
عذاري ابتسمت : والله حلوه منك . . ليتك دوم تقولي اياها
سلطان : يوم بنعرس . . بخليج تملين منها
عذاري : قول واللللللللللله
سلطان : ما بقول
عذاري : شفت يعني ما بدلعني .! صدقني لو مادلعتني فالعرس بتزوج عليك
سلطان : هيه خير ان شاء الله . .
عذاري : احبك . .
سلطان : . .
عذاري : والله العظيم احبك . . احبك لو كنت قاسي وجافي وقلبك حصصا . . بتم احبك . . وما بكون مثلك ! بكون احسسن عنك وبشبعك من الكلمه . . ما بخليك تتلهف عليها شراتي ! لانه شعور يتعب . .
سلطان حس بنغزاتها لكن ما علق : انغزي اكثر اكثر . .
عذاري تبتسم : . .
سلطان : ممم . .
عذاري : ممم . .
سلطان : خلاص ؟
عذاري تتنهد : لو تباه يكون خلاص بخليه خلاص . . وننهي المكالمه . .
سلطان : ما اوصيج على روحج . .
عذاري : . . . .
سلطان : يالله عاد لا تبوزين . . مش راكب عليج . .
عذاري : . . ماقدر على بعدك . . شو بيصبرني ؟؟؟
سلطان يفكر . .
لحظه هدوووء . .
سلطان : ممم بيكون بينا مسجات يوم فالاسبوع . . شرايج ؟
عذاري : موووووووووووووووووووووووا فقه . . المهم اطممممممممن عليك واعرف اخبارك لو يوم فالاسسسسسبوع والله راضيه . .
سلطان مبتسم " حبيبتي والله " : مفجوعه عافان الله !َ!
عذاري : هيه هيه ! مفجووووووعه فيك . . كيفي احبك !!
سلطان " وانا اموت فيج والله " : حبتج العافيه ّ! المهم ما علينا . . متى تبينه ؟ اي يوم ؟
عذاري : الي انت تختاررره انا راضيه . .
سلطان : وانتي ماعندج شور يعني ؟ ماعندج راااي ! ارمسسي قولي
عذاري : كل خميسس . . شرايك ؟
سلطان : لاء . . كل سبت . .
عذاري : يوم انت ما بتاخذ رايي حق شو تسالني . . المهم موافقه . .
سلطان ابتسم بانتصار : حبيبتي والله . .
عذاري بصدمه : هاه ؟
سلطان : كل خميس . . يالله عاد شفتي كيف انا طيب . . خليه يبين ف عيونج عاد . .
عذاري مبتسمه : والله يبين ف عيوني . . وف قلبي وف كل مكان . .
سلطان : . . .
عذاري من غير ما تحس : حبيبي ، منصور خبرك عن الوظيفه . .؟
سلطان قلبه يدق ع الكلمه الاولى ! بس حاول ما يبين : هيه . .
عذاري ابتسمت : اسستانست ؟؟
سلطان " طرت من الوناسه " : عادي . .
عذاري تبتسم : عاد شششد حيلك !! ولا تلعب فالمعاشش . .
سلطان " من غير ما تقولين " : على كيفج ؟ من الحين بديتي تتحكمين ف معاشي اشوف . .
عذاري : مممما اقصد . .!!!
سلطان : اتاسفي!
عذاري : اسسسفه
سلطان : انتي حماره ؟ كم مره قلتلج لا تستسلمين بسرعه . . دافعي عن نفسج . .
عذاري : مابي . . احب اسمع كلامك . .
سلطان " وانا احبج يوم اطيعيني " . . : هيييه بس الحين . . عقب ما نعرس لسانج بتمدينه لين اهناك . .
عذاري : قصصه . . وبتر لساني بعد . . اهم شي تكون راضي !
سلطان يبتسم . .
عذاري ابتسمت اكثر وحبت يوم قال " عقب ما نعرس "
سلطان : يالله . . لازم ننهي هالمكالمه الحين . .
عذاري : بشتاقلك وايد . .
سلطان " وانا اكثر " : اتحملي ع روحج . . وعن الشطانه . .
عذاري :ان شاء الله . . وانت تحمل ع روحك بعد . . وودر عنك الدواخه !
سلطان : بحاول . .
عذاري : انا مطنشه موضوع دواختك ترى ! وبتريا اليوم عـ نار الي تيني وتقولي انك ودرت . .
سلطان : وايد سوالفج طويله . . من نص ساعه اقولج هل نبند !
عذاري : انزييييييييييييين
سلطان : لا اطولين لسسسسسانج ولا تصارخين !
عذاري تحط ايدها ع شفاتها : اسسفه . .
سلطان : يالله " غناتيه " عذور . . مع السلامه !
عذاري وقلبها ينعصر : مابيك تبنننننند . .
سلطان : . . . . " ولا انا ابا ابند . . اترجيني . . قوليلي لا تبند ووالله ما ببند "
عذاري : مع السسلامه . .
سلطان : . .
عذاري : سسسلطان .
سلطان يغمض عينه : لبيه . .
عذاري :احبك . .
سلطان " احبج اكثثر " : اعرف ! كمم مره تقولين . .
عذاري تبتسم : الحين خلاص . . صدق مع السلامه . .
سلطان بنبره هاديه : مع السلامه ..
وبندو . .
.
.

يتبع...