وطت رجلي علي دربه و لا أدري وش نوي فيني

part 62

منصور : الحلوه بعدها راقده ؟
سلامه بإرتباك : انت يييت ؟
منصور : هييه . . " عقد حياته " انتي واعيه ؟
سلامه تسوي عمرها تثاوب : لا راقده . . حسيت عليك بس يوم دشيت وقمت . .
منصور مبتسم : يالله نششي بسج كسسل . .
سلامه : انت روح اسسبح يالله عشان احين بيحطون الغدا . .
منصور : اوكي حياتي . .
وراح عنها . .
قامت سلامه ووخرت اللحاف عنها وفرت العباه الي كانت ملحفتنها عـ السرير وحطتها فالغسيل . .
سلامه تاخذ نفس " هدي بالج . . هدي بالج . . ما شك ف شي خلاص . . "
سارت صوب فونها ومسكته وشافت واصلنها مسج " مشكورة . . اليوم كان واو . . جد ونسسستينآ . . يا ليت تتكرر من نفسسج !!! "
مسحت المسسسج بسرعه وخشت الفون فالسده . . وقامت بدلت ملابسها . . .
رن فون منصور وشافت المتصل ناصر . . بندت فويهه ومسحت رقمه . . رد يتصل ناصر وردت تبند فويهه . .
طلع منصور من الحمام وهو يدندن . .
سلامه تبتسم : نعيما حبيبي . .
منصور مبتسم : الله ينعم عليج فديتج . .
منصور ييلس ع السرير ولام ايدينه ع ويهه . .
سلامه تسير صوبه : شفيك ؟
منصور يطالعها : مش مرتاح سلامه . . اول مره امي تزعل علي . . انا ماتعودت ازعلها
سلامه : احنا شـ قلنا امسسس . ؟ احين انا ما اسدك ؟
منصور : محد قال انج ما تسديني . . بس هاي اميييييييي
سلامه تتصنع دموعها . : روحلهممم روح . .
منصور : ليش ليش الصياح حبيبي ليش . . " يتقرب منها "
سلامه تدزه : لا تلمممممممسني . . روحلهم . . الحين انا اقولك هم سفلو فيني ووانت على طول جي بتروحلهم . ؟؟ على الاققققققل ازعل شوي . . اتغلى عشان يحسون ع دمهم . . انت اذا رحتلهم بيكبر راسهم وبيبطرون علي اكثر واكثر . . " تسوي روحها تمسح دموعها "
منصور : صدقج . . الي تشوفينه حياتي . . اهم شي انتي . .
.
.
.
عذاري : انت ليش معصب علي الحين !
سلطان : صخي عني لا اييج واعطيج طراق . .
عذاري مبوزه : ول . . ليش . . قلتلك امي ماعندها حد . . انا وناصر مجابلينها عشان ما تحس بالوحده . . والله امي وايد تستوحش . . وتعودت ع الحشره واللمه ّ ! مره وحده صصصخت عليها الدنيا . .
سلطان : . .
عذاري : سلطووووون . . هاي رواض اختي ع الخط . . بطالع شفيها وبرد ادقلك
سلطان : باي . . " بند "
عذاري : ياربي من هالرياااااااااااال . . !!!!!!!!
وردت ع الخط . .
روضة : شحالكم ؟ شحال البيت . .
عذاري : بسرعه بسرعه بعطيج الملخص . . توا سلطان حرج وبند معصب فأبأ أرد أدقله . .
وخبرت عذاري روضه بكل شي صار فالبيت وكيف امها تعبانه نفسيتها والبيت خالي عليها
روضة : يا بعد عمري . . انا عشان جي دقيتلج . . سمعت صوتها ما عيبني . . قلت اكيد في شي . . يالله خلاص سيري راضي ريلج وانا بتصرف . .
عذاري : اوكي . .
ردت تتصل حق سلطان مره ومرتين وثلاث وما يرد عليها . . طرشتله مسج
( رد علي عااد . . راع ظروفي ع الاقل )
دقالها على طول من قرى المسسج . .
سلطان: من ظروفج هاي انا مالي دقيقه من وقتج تفضين لي فيها من غير ما ترمسين عن اهلج والمشاكل وووووووووكل شششي . .
عذاري انصدمت . .
سلطان : ما تردييييييين ؟
عذاري : سلطان انا ماعديتك غريب . .
سلطان يقاطعها : وانا مششش غريب . . محد طرا القرب والغرب الحين
عذاري : لانك قريب اخبرك بلي يصير ف بيتنا والمشاكل الي تصير مادريت انه هالشي يضايقك والله
سلطان : . .
عذاري : جان قلتلي من زمان . . كنت ما ببطل حلجي بكلمه والللللللللله . .
سلطان بدا يهدا : عذاري خلاص . .
عذاري مندفعه اتكمل : مافيها ششي ترى والله . . انا ادري اني لغايه ووايد ارمس . .بس كنت ابا اشاركك الي يصير ودايما انت تلاقي لي حلول ولو ما لقيت لي كفايا اني اشتكيلك وارتاح . .
سلطان : يا عذاري خلاص
عذاري : فاجئئئئئئئئئئتني . . انا متفاجئئئئئئئه وايد منك ما توقعت انك طوووووووول هالفتره مضايق من هالشششي انا كنت حاسه انه فيك شي بس مادري انه من شكوتي الزايده جي صارلك
سلطان بعصبيه وبصراخ : عذوووووووووور !!!!!!!!!!
عذاري تمسح دمعه نزلت : والله مافيها شي شفيك . . ها رايك ومن حقك . .
سلطان : لا إله إلا الله !!!!!!!!!!!!!!! عذاري وبعديييييييييين معاااج ! خلاص قلتلج
عذاري : ان شاء الله . .
سلطان : . .
عذاري : انا ببند الحين وبروح اقعد ويا امي . . بكلمك ان شاء الله بعدين . . يالله فمان الله
سلطان : لحـ . .
بس قاطعته وبنندت ..
سلطان فر الفون بقوه ع السرير : افففففففف . . افف . .
.
.
.
روضة تبتسم : اييب لك جاي ؟
فهد مبتسم : لا فديتج . . تعالي يلسي اهني . . " يأشر لها ع الغنفه الي حذاله "
ويلست حذاله . .
فهد : الغدا اليوم رهييب . . تسلم ايدج . .
روضة : الله يسلمك يارب . . بالعافيه عليك . .
فهد يلعب بشعرها : ليش زعلانه ؟
روضه تطالعه : انا مش زعلانه . .
فهد بنص عين : علي انا . . يبين من عيونج . .
روضة : ماعرف شقولك والله
فهد : قولي قولي . . جني واحد من ربعج . .
روضه : ههههههههههه
فهد يبتسم . .
روضة : امايا تعبانه شويه . . البيت كان زحمه وربشه ومره وحده خف عليها . . وعذور اختي تفول ان نفسيتها كل ما ياها وتتعب من خلو البيت . . ماعرف شو اسوي . .
فهد : ممممممم " يفكر "
روضة تطالعه . .
فهد : وإلي ييبلج حل وبيساعدج شو بتسوين له ؟
روضة فاجه عينها : عندك حل . . قوووووول قول
فهد : اول قولي شو بتسوين له ؟
روضة : إلي تباه والله
فهد : برياني . . شرات البرياني الي سويته ذاك اليوم وقلتلج عيبني
روضة تأشر على عيونها : من هالعييييييين . . يالله قول
فهد يبتسم : اسسمعي . .
.
.
.مهره تتصدد يمين ويسار . . سيف قالها تتريا اهني عقب ما تخلص صلاه وماتتحرك . . تحس بدوار وتعبت من الحر والشمس الي ضاربه ع راسها . . شوي وياها ومسكها من خصرها