وطت رجلي علي دربه و لا أدري وش نوي فيني

part 57

:

تدخل وهيه تحس بخطواتها صعببببه . . تفرض ع روحها خطوه خطوه وهيه تحس بألم بس مقآومه الالم وتمشششي . . سألت عن غرفته وقالولهآ وين . . .
مسكت ايده بلهفه وبدموع غرقانه : انتتتتت بخيييييييير ؟
منصور فاج عينه بتعب : انتي كيف يييتي اهني . . منو يابج
سلامه حطت راسها ع صدره : والله خفت عليك موت والله
منصور يبي يسحب ايده ويربت فيها ع راسها بس شاف انه ايده عليها المغذي والايد الثانيه هيه طايحه عليها وقابضه اصابعه . .
منصور يبتسم بتعب : دخيلج قومي شوي . .
قامت بسرعه :شفيك ...؟؟؟؟؟؟ شي يعووورك . . ايييب لك شي ؟ ازقر لك النيرسس ؟؟
منصور فاج عينه : كيف يييتي اهني جاوبيني . .
سلامه تطالعه : ويا الدريول
منصور يطالع ـها . .
سلامه نزلت راسها : بصعوبه فدرت . .
منصور يبتسم بتعب : راويني دخيلج . .
سلامه تبتسم : مش وقته
منصور : يالله علشان اطيب بسسسسسرعه
سلامه وقفت روحها بشويش ومشت لييين ما وصلت الصوب الثاني من السرير . . كانت شوي تتقبض ف السرير وشوي تعتمد ع ـنفسها . .
منصور يغمض عينه : اللهم لك الحممد يااااااااارب . . اللهم لك الحمد والشكر . . " يفتح عينه " والله لو ان المغذي مش ف ايدي جان قمت وسجدت . . .
سلامه تقعد ع السرير : انا ما حسيت كيف قمت من الكرسي وكيف لبست عباتي وكييف قلت للدريول واللله ما حسسسيت بشي مول . .
منصور : لو ادري جان طحت من زمااااااااان
سلامه : يالله عاد لا تقول جي . .
منصور : مستانس مووت ماقدر اشرحلج كيف انا مستانس . .
سلامه مبتسمه : كله بفضل الله ومن ثم من فضلك . .
منصور : وفضلج . . كله من ارادتج وعزيمتج
سلامه : كله لانك تعبت وياايه . . من ترد من الدواام ليييييييين الليل
منصور : لا وكنت ماخذ اجازه اليوم عشان اي اشلج ونبدا من الصبح . .
سلامه تبتسم
منصور : قربي قربي خدج خليني ابوسج واباركلج
سلامه بحيا: لا شو . . استحي
منصور : يالله عاد . . والله ببوسج ع خدج بوسه صغيره
تقربت سلامه بهدوء وحبها منصور برقه وابتسم وهو ما يردد غير " الحمدلله يارب "
.
.
.
عنود : والللللللللللللللللله واللله جي انا من الصدمه تميت بس اطالعها
محمد مبتسم : مثل العاده ترى . . جنج بقره شايفه حريجه . .
عنود : حممممممممممود
محمد : هاااااااااه . .
عنود : الشره علي يييت اخبرك ومسوتلك قدر وقلت زوجي العزيز لازم يعرف . .
محمد مبتسم : انزين بالبركه والله فرحتلها . . . يالله فارجي ورايه شغل
:: اسستاز محمااد . .
محمد يتعمد :ابووي انا . . امري . .
عنود عاقده حياتها : محمد فذمتك انت قد هالحركه ؟
محمد : شفييييج يا بنت الحلال . . اسوي سوالف
عنود عاقده حياتها اكثر : انزين حمود حسابك يوم بترد البيت
وبندت فويهه . .
طرشلها مسج " يا بنت الناس ، نغايضج بس . . شفيج انتي . . ترى هاا ما برد البيت . . يازينهن اللبنانيات هوون . .اقصد اهني "
ما ردت عليه وانقهرت اكثر وفرت الفون . . شوي ورد دقالها
عنود : هاااااااه
محمد : احين في وحده مالجه وداقلها ريلها تقوله هاه . . ؟ بدال لا تدلعين لي وتدللين ؟ تقولين لي هاه ؟
عنود : حمممممممود
محمد : ياعيون حمود " يبتسم " ككككككلب حمود . .
عنود : كلببببببب ؟
محمد : قلب . . منو قال كلب بعد . .
عنود تتنهد : اخ منك . .
محمد : زعلان الحلو ؟
عنود : هييييييييييه
محمد : احسسسن . . حسبالج داق اراضيج ؟ داق اتشمت اصلا . . يالله جلبي ويهج خليني اكمل شغلي
عنود تبتسم غصب : انت تعرف شووووووو
محمد يبتسم : زوجج العزيز بعد شو . .
عنود : فارج فارج . .
.
.
.