وطت رجلي علي دربه و لا أدري وش نوي فيني

part 48

:

حمد يتخاشم ويا منصور : ألف مبررررؤوك . .
منصور يبتسم : الله يبارك فيك . .
محمد : وانا محد بيتخآشم وياي شوووه ؟ " يطالع سيف "
سيف بدون نفس سلم عليه وباسه ع خده : مبروك . .
محمد حس ان سيف مش ع بعضه ابدا ! وان في شي وهو له علاقه لكن تجاهل !
محمد يطالع عنود ويبتسم بخبث : ماشي من الحين مالك خص ومالك خص . . وانته بعدك ما استويت ريلي . . بالخيزرانه . .
حمد يضرب جتف محمد : ابن عممممممي . . بالبركه حبيبي
منصور يسير صوب سلامه . .
محمد مبتسم : استحي يارييال . .
عنود تسويله مالت . .
بو خالد يحظن بناته الهنتين ويباركلهم . . وعقب مشى شوي بعيد عشان يعطي المجال حق منصور . .
منصور يبتسملها وينزل ع الارض علشان يساويها وهيه قاعده ع الكرسي : مبروك . .
سلامه مبتسمه : الله يبارك في حياتك . .
منصور : مستانسه ؟
سلامه ماردت عليه ونزلت راسها . .
منصور قبض ايده وفخاطره " الحمدلله يارب . . الحمدلله " يرص على ايدينها بقوه : واخيرا . .
محمد ياشر ع منصور : شوف شوف . . من الحين بدا بالمنكر . . هذا الي مش شايف خير . .
حمد يطالعه : لازم . . ما يشوف حرمته في البيت وياه 24 ساعه . .
محمد يطالعه : عن النغزات اوكي . .
سيف : يالله نروح . . " يشوف الساعه "
محمد : انزين على طول المنتجع ولا ؟
سيف يطالعه : امش وياي شوي ابغيك ف رمسه . .
محمد عاقد حياته ومستغرب . . ولحقه
منصور يطالع سلامه : نتلاقى اهناك " يبتسم " . .
ردت له الابتسامه . .
>
<
>
في السياره . .
محمد يتريا سيف يرمس . .
سيف يدق ع السكان بقوه . .
محمد عقد حياته واطالع سيف : ما بترمس ؟؟؟؟
سيف يطالعه : شوه الي تعرفه عن مهره وحمد . .
محمد ببرود : مش بالشي المهم . .
سيف يصارخ : عنديييييييييييي مهم !!!!!!!
محمد عاقد حياته : قصر حسك . . لا اطول صوتك اكثر عن جي . .
سيف يطالعه . .
محمد : شوه سيف ؟ بعد رديت تنبش فالموضوع ؟؟؟؟ تراك رديت حق حرمتك ؟ واعتقد ردت الثقه بينكم ؟ ليش ترد تنبش فالموضوع
سيف يحاول يكتم غيضه : رد على سؤالي . .
محمد : ماعندي شي اقولك اياه . .
سيف : . .
محمد : شوف سيف . . انا اعرف سوالفك قبل ما تعرس . . واعرف مغامراتك وتهوراتك وصياعتك وكنت لك دوم العون والايد اليمنى الي تخلصك من مشاكلك بدقيقه . . وبعد سسسترت على بنت الناس ميثا . . " يبتسم باستهزاء " حرام اوصخ لساني فيها . . وكنت انا الي احجز لك فنادق واوصلها لك وايييبها وماقصصر فيكم . . ماله داعي اذكر اشياء وذكريات وصخه . .!! لكن عمرررررررك ما سمعت حرف طلع مني . . ولا حد يعرف شي عنك . . كنت لك الغططططططا . . ما فادت نصيحتي وياك لكن كنت استر عليك . . " يطالعه عين بعين " اخوك حمد اقربلي من نفسي . . . من فتحت عيني ع الدنيا وهو اخ قبل لا يكون ولد عم وصديق . . اسرارنا وحده . . ونفهم بعضضضضضضضض بنظرررررره . . لكن عمري ما طلعت له حرف واحد عنك . . امك كانت تحاتيك و حمد يحاتيك وخواتك يحاتوني وانا اعرف انت وين لكن لسسسساني ابد ما نطق بمكانك او بأي شي اعرفه . . وفوق هذا ادافع عنك لو طروك بالسؤوء . . انا كنت لك انت بعد الصديق قبل ولد العم . . ونفس الشي لحمد . . لا تتوقع ف يوم اطلع اي شششششششششي قاله لي حمد ف يوم . . واي ششي صااار . . " يطالع سيف " الا بششرط واحد !!!
سيف يطالعه باهتمام : وإلي هو ؟
محمد : اخبر سوالفك كلللللللللللللها لحمد ! واخبر كله شي اسود صار فالماضي ! وبعدها راح اقولك كل شي عن حمد . .
سيف يتنهد : الامر يختلف . . انا معرس وحمد لاء . . ومن حقي اعررررررررف عن حرمتي
محمد عاقد حياته : اعتقد عرفت المهم . . ماله داعي الفروع التافهة . . دامك رضيت بالامر خلاص . . ماله لزززمه كل فتره ترد ترجع للماضي وتعاقب نفسك وتعاقبها وياك . .
سيف : . . .
محمد : وعلى فكره . . مع انه المفروض ما اقولك . . لكن مش بالشي الكبير الي يخليك توسوس وتحاتي . .
سيف يطالعه : . .
محمد : حمد غيير عنك بوايد . . ف لا تحط ف بالك ابدا ان حمد ضر مهره او كان لهم ماضي منحط وسافل . .
يبطل الباب بينزل من السياره . . لكن سيف مسك ايده : لحظه
محمد يطالعه : . .
سيف : انا اسف . .
محمد : ما اعتقد انا الي لازم تتاسف لي ..
سيف تم يطالعه . .
ربت محمد ع جتف سيف وابتسم : نتلاقى اهناك . .
وننزل من السياره . .
.
.
.
قامت مهره من النوم على حشره فظيعه فالصاله . .
طلعت وشافت الكل مرتبش وشنط طالعه والخدامات يزاعقن ع بعض . . وامها تعابل فالصاله وتحط الجدور والصحون ف كراتين عوده . .
مهره : وين رايحين . . شسالفه ؟
روضه عاقده حياتها : انتي لين الحين ما لبسسسسسستي . . يالله مهور لا تضيييعين اليوم . .!!
مهره : اي يوم . .شو السالفه خبريني . .
منصور : ما خبرج ريلج ؟
مهره : ما خبرني . .
منصور : تراه حاجز لـ 3 ايام لاهلي واهلج . . بمناسبه ان عذور خلصت وعشان ملجت خواته . . الي من بينهم " يبتسم " حرمتي . .
مهره ابتسمت بدون نفس : ايووا . .
منصور : يالله سيري زهبي حالج وزهبي شنطتج ماشي وقت . .
راحت مهره ودخلت غرفتها . . زخت تلفونها وطرشت مسج لعنود وسلامه وباركتلهم . . ودقت على شوق . .
شوق : حييييييي الله القاطعه . .
مهره تنسدح ع السرير : شحااالج شوووووقي . . وحشتيني . .
شوق : والله انتي اكثر .. مصختيها متى بتردين دبي ؟
مهره : عقب اسبوع ان شاء الله . . .
شوق : شفيه صوتج ؟ احسج ضايجه ؟
مهره تتنهد : سيف رد يضربني شوق . .
شوق عاقده حياتها : وليششششششش ؟؟؟
مهره : آآآه . . مادري . . سألني عن محمد وشو يعرف . .
شوق : وشو قلتي له ؟؟
مهره : قلتله ان محمد كان شاهد على حبي لحمد وعطاني طراااق بالقو . .
شوق : المفروض ما تقولين جيه . . جان يبتيها باسلوب ثاني . .
مهره : كيف باسلوب ثاني ..
شوق : يعني كيف كنتي تتريين منه غير الطراق مهور ؟ جان قلتي له مثلا يعرف الي كان بيني وبين حمد . . كيف تقولين له شاااهد على حبييي لحمد . .
مهره : شوق ما فكرت . . السالفه صارت بسسسرعه وكل شي بسرعه ما لحقت افكر . . وكان يستفزني ومعصصب . .
شوق: ياربيه . .بعد سيف شحقه يرد يرمس فالموضوع ؟
مهره : ماعرف . .
شوق : شو ناويه الحين . .
مهره : تخيلي من متى كان خاطري نجتمع كلنا ونستانس . . واخيرا صارت الجمممعه لكن مع الاسسسفّ . . ان وهو اضاااربنآ . . كيف بروح وانا مضايجه ومالي خلق لشي . . " تمسك بطنها " وتعبانه . . بطني كل ما يكبر كل ما اتعب انا . .
شوق تبتسم : حبيبتي والله . . ماعليه ام هدآيه . . كل شي لعيون هدآيه يهون . . وودري عنج الدلع . . وصالحي سيف بطريقتج ! ادلعي شوي وراضيه . .
مهره : فهالامور ماشي دلع ما دلع . .
شوق : منو قالج ؟ شغلي مهاراتج شويه . . راضيه باسلوبج . .
مهره تغمض عينها : بروحي تعبانه ماشي اسلوب ماشي مهارات . .
شوق يبتسم : ممماعليج . . . سيفوه ما بيصبر عنج وبيراضيج . .لكن اهم شي ! ريحيه فهالموضوع وبردي فضوله وخبريه . .
مهره : بسس ..
شوق : لا بس ولا شي .. صح فالبدايه بتعوره . . لكن مجرد ما يعرف . . بيخوز فضوله وتفكيره فالموضوع وبينساه مثل ما نسيتو وايد اشياء . .
مهره : تقولين يعني . .
شوق : هيه حبيبتي . .واهم شي خلج صريحه وواضحه . . وااذا في شي مني مناك . . طرشيلي مسج . .
مهره مبتسمه : ماعرف بدونج شوه بسوي انا .!
.: