وطت رجلي علي دربه و لا أدري وش نوي فيني

part 56

مهره كانت حاطه راسها ع الجامه ونايمه بعمق .. ناصر شربها ماي فيه حبه ترقد . .
وصله مسج " وينكم "
ناصر رد عليه بمسج " وصلت ، وآنتو "
" احنا بعد . . يالله كيف راح ادخلها ؟"
ناصر " انت وينك ؟ "
حمد " احين بودره وبروح "
ناصر " خلاص هيه راقده وانا بشلها بوديها داخل . . خل الباب مفتوح "
حمد " تمام "
سحب ناصر رااسها بشويش عن الجامه عسب يروم يفتح الباب . . وعقب سار صوبها وفتح الباب وشلها . .
اتوهق ما رام يطلع الفون ويسأل حمد عن مكان الشقه . . لين ما شافه رامي ويا صوبه وانتبه لمهره وعلى طول خبره المكان . .
دخل ناصر وشاف بايبن مفتوحين . . باب الشقه . . وباب الغرفه . . عرف انها غرفتهم لان شاف عالسرير موجوده عبايا . . نزلها بـ هدوء وشغل المكيف وطلع وصك الباب وراه . . ومن طلع شاف حمد فويهه
حمد يسلم عليه ويتخاشمون . .
ناصر يتنهد : احس اني امثل فيلم . .
حمد يبتسم : ماشي الا هالطريقه عشان يلين راسهم هم الاثنين . . جو بيتكم ما يساعد ان سيف يجبر بخاطرها ويراضيها . . اهني انا متاكد انه بيقدر يطلعها من الي هيه فيه . .
ناصر يربت ع جتف حمد : ماقصرت . . وانا اثق بكلامك ولا ما بييبها اهني . . مع اني شايل على سيف
حمد بغصه : مهره اختي . . وسيف اخوي . . وانا اعرف شكثر كل واحد فيهم ما يستغني عن الثاني . . " يبتسم " قوم خلني اعشيك على حسابي . .
ناصر يبتسم : يالله . .
.
.
.
سلطان : اترييييي شوي انزييين ما يطيع يفتح
عذاري تامه على اعصابها . .
سلطان : مبرووووووك . . نجحتتتتتتتتتتتي . . يبتي 70 . .
عذاري فاجه عينها :أحلف
سلطان : والله . .
عذاري : وانتتتتتتتتت
سلطان : اصبري . .
عذاري : يلاااااا شوووو . .
سلطان مبتسم : مبيض الويه طبعا . . 85 . .
عذاري تصارخ : مبروووووووووووووووووووووو ووووووك . .
سلطان : الله يبارك فيج . .
عذاري : يالله برووووح ابششششر اهلي . .
سلطان مبتسم : اوكي
وبندت عنه وهيه تركض تحت . . اول ما نزلت شافت منصور . .
عذاري شاقه الحلج تطالعه : انا نجحتتتتتتتتتتتتتتتت
اما منصور بادلها نظرة الـ عدم اهتمام .. وتجاهلها ومشا عنها . .
عذاري سارت صوبه وجابلته : منننصور . .
منصور : ارجوج . . لا تكلميني . . انتي خنتي ثقتي فيج . . " يبتسم " والوقاحه وقووووووت العين انج للحين ترمسينه . . " عاقد حياته " حتى لو يا وخطبج ترااااه مش محلل عليج لين الملجه . . وانا . . مش راضي عليج ولا برضا . .
عذاري تبلع ريجها . .
منصور : استغلييتيني . . " يبتسم بحسره " قصيتي علي . . خليتيني مصخره جدامج وجدامه . . كنت مأمن فيكم . . بس حسافه . . ماتوقعت منج انتي بالذات . .
ومشا عنها . . خلا دموعها تنزل بغزره بهدوء . . وتلاشت فرحت النجاح والنسبه . .!
.
.
.
محمد : مطوله ؟
عنود تجابله : ليش تبانا انرد ؟ انزين محد اتصل يعني محد حاس بغيآبي وغيآبك .ّ! وبعدين امايا قالتلك انها بترقد واكيد ابويه بيرقد دامها بترقد !! وسلاموه راده تعبانه وراقده بعد ! وحمد وسيف محد . . شحقه خايف ؟
محمد يطالع عيونها : خايف ؟ " يدق راسها بشويش " شوووفي الساعه كم ؟ السساعه 1 . . !!!! جنيه انتي ؟
عنود تبتسم : طالعه عليك . .
محمد تجاهل ابتسامتها : يالله خلينا نروح . .
وعطاها ظهره بيمشي وحظنته عنود بقوه من ورى . . مما خلاه يرجف ومايقدر ينطق غيييير
محمد برجفه : عـــنود ّ !
عنود : لا تتحرك . .
محمد ماقدر يتحرك اصلا . . حمد ربه انها حاظنته من ورى عشان ما تشوف ملامحه كيف تلخبطت مره وحده وتلعثم ولا قدر يسوي ولا يقول اي شي . .
عنود تغمض عينها : حلو كلامك الي قلته فالسياره . . كل حرف يدور ف بالي مره ومرتين . . ما توقعت انه ف داخلك كل هذا . . . كنت اشوفك واحد غييير . .
محمد : . . .
عنود : حمود . . .
محمد يرص ع عينه بقوه وفخاطره " دخيلج لا تقولينها "
عنود بنبره تذبح : انا احبك . .
ماقاوم محمد الكلمه وجابلها وعلى طول مسسك راسهآ وؤؤؤؤؤؤؤؤؤؤ
"cut"
.
.
.
على الساعه 3 الفير . . قام سيف وطلع من غرفته . .
>> ليش قال لا تطلع لين اييك ؟ شو الرمسه الكبيره الي يبا يقولي اياها ؟ شو المهمه الي كل شي بينحل فيها . . صارت3 وهو للحين ماشرف . .!! وانا وراي دوام عقب كم ساعه
صب له كوب مآي بآرد من البرآده وسحب الكوب معاه لين الغنفه . .
سيف يطالع غرفتها ويبتسم بتعب : لو رجعنا اهني مع بعض . . بيكون الحال وايد غير . .
ينزل راسه : يارب . . مالي غييرك يارب . . العصبيه عامتني . . يارب سسساعدني . . ساعدني يارب
بطلت باب غرفتها بشويش . . وانصدم سيف من الي يفتح الباب ومركز عينه ع الباب وهو ينفتح وبس . .
مهره تطالعه وقابضه الباب بتعب : انا شسوي اهني . .
سيف تم يغمض عينه ويرد يفتحها مش مصدق . . الباقي من الماي صبه على ويهه وبعده يطالعها . .
على طول مششى وسار صوبها : انتيي . . انتي اهني " مسك جتفها عشان يساعدها ع الوقفه "
مهره توخر ايده : لا تلمسسني . . " من غير ما تطالع عيونه دفرت ايده بقوه " انا شسوي اهني . .
سيف : انا بروحي ماعرف . . انا مادري انج اهني بالاساس . .
عطته ظهرها وردت دشت غرفتها وبغت تسكر الباب لكنه ماعطاها المجال و زخها . .
مهره بصوت عالي : قلللللتلك لا تلممممممسني . .لاتلمممممممممممسني . .
سيف سحبها لصدره وحظنها : اهدي . . انتي بين احضاني . . . اهدي
مهره بلعت ريجها بحرقه . . وتمت تنزل دموعها : انت حقييييير
سيف : ادري . . ادري اني حقير
مهره تغمض عينها وتخلي العنان ينزل لدموعها : ليش سويت فيني جذي ليش . . ما سكرنا ابواب الضرب والعنف . .
سيف يرص عليها بقوه : مش بايدي . . ماعرف شصار فيني حبيبي ماعرف . .
مهره تحاول تقوم عنه : لا تقولي حبيبي . .
سيف وخرها وخلاها تجابله : انتي حبيييببي وحياتي وعمممممري وانتي كل شي . .
مهره تصد عنه : عفتك . .
سيف : ماتقدرين
مهره دزت ايده وعطته ظهرها : اطلع برا . .
سيف : مآ رآآآح آطلع . . ومآرآح آخلييييييييج دقيييقه تسمعين ولا لاء . ؟ والي تبين تسوينه سويه . .
مهره : طلللقنيييييييييييي . . انا مااا اباك خلاصص . .
سيف : لا تقولين هالكلمه . . لا تتعودين عليها . . لآآآ يا مهره لآآ . . انتي مش جيييي . . آنتي آرقى من آنج تتلفظين بكلمه طلآآق كل شوي على لسآنج . . كل زوجين يمرون بخلآفآت لو على كل خلاف بيطلقون محد بيتم متزوووووووووج . .
مهره : انا صبرت عليك وايد . . وهذا مش خلافنا الاول . . انت ما تصطلب ولا تعتدل . . دوووووووم تجرح فيني وتعورني . . انا من اليوم ورآيح مآ رآح آكون مهره الضعيفه الي بس تصيح وتسكت وتبلع . . لآآآآآ . . انت ذبحت بنتتتتتتي . . بنتي الي شفت فيها كل حلم . .
سيف يقاطعها : وانا شفت الحلم وياج . . ورسمناه سوووووووووى . . تتوقعين اني بغيتها ترووح عن هالدنيا بهالسهوووله ؟؟؟؟ تتوقعين فرقاها عندي سسسسسهل . . والله مش سهل وانا تعبان اكثثثثثثثثثثثر عنننننننننج . . لا تتوقعيني راح انسى الي سويته . . ماراح انسسسسسسى . . " ياشر ع قلبه " الشي بيتم اهني وراح احاسب عمري عليه طول ما اناا عايش . .
مهره تهدى وتقعد ع السرير : اطلع برى . .
سيف : حلالج . . تبين تذلييني ؟ تبين تعذبيني ؟ رآضي . . إلي بتسوينه سويه . . انا استآهل كل شي . . لكن مآ رآح آتنآزل عنج . . ولا رآح آطلقج . . ولا رآح آخليج تعيشين بدوني ولا انا راح اعيش بدونج . . لين ما الله ياخذ امانتي . . " ابتسم بتعب "
مشى بيطلع من الغرفه وقبل لا يطلع شل مفتاح حجرتها علشان ما تقفل البآب وسكر الباب . .
اما مهره لمت ايدينها الهنتين على ويهها وتمت تصيح بدون صوت . .
لين ما نآمت على هالصيآح . . وسيف بالمثل . . ع الغنفه طايح مجابل غرفتها . . تم يتأمل وتنزل دموعه لين ما رقد . .
تعبت من الزعل منك تعبت من العتب وياك
تعبت اتجاهل اغلاطك تعبت احسسك فيـــــها
تعبت اموت فصدك تعبت احيى على رجواك
تعبت اضحك على نفسي في وعودك واعزيها
غريبه رغم ماتنسى وعودك عجـــــزت انساك
عجزت اسلا عن ايامك عجزت انهيك وانهيها
لاجيت انهي الماضي بقلبي تشتعل ذكراك
وتمطر دمعة عيوني ليالي كنت ناسيــــــــــها
ليالي كلها دمعه بعـــــيني تنـــــــتظر لقيــــــاك
تجمع وقتنا اضايع علــــى سكـــــه تماديــــــها
ادور موعود مفقود وضيعته على مســـــراك
قتلته يوم دنيا الحــــب مدت بــــك اياديــــــــها
تعال من الحزن بسمه تنسيني جميــع اخطاك
تعال من الوهم مثل الوهم الحقيقه في مياديها
تعال ابغي اعترفلك مستحيل اقدر على فرقاك
خلاص ابغي اعترفلك واجرح اسرار مخفيها
حياتي كلها لجلك حيــــاتي كلهـــا تفــــــــــداك
حياتي كلها ليله قضى عمري وانا ارجيها
تعال وخذ حياتي كلها ادفعهامهر لرضاك
خلاص يكفي حزن ملت عيوني من لياليها