وطت رجلي علي دربه و لا أدري وش نوي فيني

part 52

:
:

منصور يي صوب سلامه وشآف عذاري ويآهآ وآطالعها عين بـ عين . .
منصور يكلم سلامه : ابيج فـ رمسه خآصه . .
عذاري تلومت وابتسمت بحيآ : يالله سلآمه بروؤح . . بييج عقب . .
وركضضت بسرعه . .
سلامه عاقده حياتها : شفيك عليهآآآآ ؟؟
منصور : شحآلج ! شي عورج يوم طحتي ؟
سلامه : توك افتكــــــــــرت !!!!!
منصور يغمض عينه : دخيلج سلامه . . انا مابي انطر عليج . . الي فيني مكفيني
سلامه تنزل راسها : ندمت صح ؟
منصور يطالعها باستغراب : ندمت على ششو!
سلامه ترفع راسها : على زواجك مني !
منصور يرفع راسها ويتافف : انتي ويييييييييييييييييييين وانا وين !
سلامه تطالعه : شفت الشي بعيونك. . شفت تهربك ومشيك بعيد عني
منصور يسير صوب سلامه ويمسك الكرسي بقوه : انتي ماتعرفين اي شي . . دخيلج لا تزيدين الطين بله . .
سلامه عاقده حياتها : احين انا ازيد الطين بله ؟
منصور : اسسستغفر الله . .
مسك تلفونه واتصل لعنود . . : عنود ممكن تيبين عبآه سلامه ؟ انآ معآهآ في قسمكم برى لكن ماقدر ادش اخاف حد من البنيآت اهنآك . . آوكي . . اتريآج لا تبطين . .
سلامه تطالعه : عبآيتي ليش ؟
منصور يطالعها : لان من اليوم بتبدين العلاج !
سلامه : شوووووو . .
يت عنود وهيه تركض : تأخرت ؟
منصور ياخذ العباه : لآ . .
تم يلبسهآ العبآه وبدلت شيلتهآ البيضآ ب شيله سودآ . . وقآدهآ منصور وطلعو من المنتجع . .
.
.
.
عذاري تغمض عينها : حآآآآآآآآآآقرني . . ولآآآآآآ كني موووووووووجوده
سلطان يغمض عينه : وانا دقيت له بند فويهي . . لييييييش جيه صار ليش . . ليش يوم تسهلت الامور ويييت بخطبج كل شي تعررررررررررررقل
عذاري بصدمه : لحظه لحظه . . شـ تقوووول ؟؟؟؟
سلطان : انا كلمت منصصصور ! وقلتله اني اباج . . وقلتله يحجزج لي . . و ريل اختج !
عذاري باستغراب : سيف ؟
سلطان : هيه . . بيسلفني 400 ألف . . !!!!! وقالي على رآآآآحتك متى مآ تقدر سددهن . . وآخطب عذاري بآقرب وقت
عذاري توقف من الصدمه : سسسسسسسسسيف . . !
سلطان : هيه . . سيف الي حلمتي فيه انه يساعدج ! وسبحان الله تحقق حلمج . .
عذاري : انا مش مستوعبه . . " تغمض عينها وتنزل دموعها " ماقادره افرح . . قلبي متحطم على منصصصصصصصصصصصور . .
سلطان : شكثر اتمنيت هاليوم ! شكثر اتمنيت اني ادقلج وابشرج بهالخبر . .
عذاري : شكثثثثثثثثثثثثثثر اترييييييييت اسمعهآآ وششششششششكثر حلمت وفكرت كيف بتكون ردت فعلي وشكببببببببر فرحتتتتتتتي . .
سلطان : ما قادر استانس
عذاري : ولا قادررررررررررررره ابتسسسسسسسم
سلطان : خسرت اعز صديق
عذاري تنزل دموعها بغزره : خسرت اخويه . .
سلطان : شلي سوينآه يآ عذاري شوه
عذاري : انا السبب . . " تغمض عينها بقوه " انا السبب ف كل شي . .
سلطان : . . .
عذاري : انا الي اترجيتك اكلمك لين الامتحانات وانا الي دقيت لك بعد الامتحانات مع ان خلص الاتفاق . .
سلطان " انا يا عذاري ألي مآطلت ورديت عليج مع اني كنت اقدر اطنش ومارد عليج . . لكن ماصدقت الفررررررررصه يتني ودقيتي . . " : ماعندي كلام اقوله
عذاري : شسوي سلطآآآن شسسسسسسوي
سلطان : مآدري عذآري . . مآآآآدري !!
عذاري تصيح بانهيار : مابي اخسر اخوووووووي . . مابي اخسر منصووووووور . . هذا منصور مننننصصصصصصور الي شاركني كل شي
سلطان : خلاص اهدي " حبيبتي " عذور . . كل شي بينحل . . عقب ما تطلعون من المنتجع انا بي اخطبج . .
عذاري : وبسسسسسس . .! بتنحل المشششكله !!!!
سلطان : يمكن ما تنحل كامله ! لكن بتنحل نصهآ . . ارجوج " وسكت لانه اترجآهآ ما حب الكلمه تطلع منه ابببببدا "
عذاري سكتت وماعرفت شـ ترد !
سلطان يتنهد : عشآن الغلآ الي تغليني آيآه . . لا تكدرين روحج . . انتي يايه اهني تستآنسين وتغيرين جو . . . وانا اقولج . . كل شي بينننننننحل . .
عذاري : ان شاء الله
سلطان : احبج يا حماره
عذاري حطت ايدها ع قلبها . . ما حست فالكلمه . . ولا حست بشعور الفرح ولا حست بأي شي . . تحس ان كل شي فيهآ عند منصور . . ماتقدر تعيش جوك المتأخر يآ سلطآن !
سلطان حس وعرف واضايق اكثر : يعني منصور بيكدرج هالكثر . . وانا قاعد اقولج احبج ما تأثر فيج !
عذاري : تأثر فيني . . وأشكرك عليهآ . . لكن بآلي فـ المشكله وحجمهآ . . ترآهآ مش بسيطه يا سلطان والله مش بسيطه . .
سلطان : تبيني اي واخطبج الحيييييين ؟
عذاري نزلت راسها . .
سلطان : شفتي كيف؟ انا عارف انها مش بسيطه وماتنحل ف دقيقه .. لكني معاج . .وببقى واقف وياج لين نعدي هالمشكله مع بعض . . خلآص ؟
عذاري : ان شاء الله
سلطان ابتسم : ايوووا خلج عذاري حبيبتي
عذاري فجت عينها
سلطان دق يبهته بايده " اوف شفيني " : ماسمعتي صح
عذاري تبتسم : سمعت . .
سلطان : طلعت بالغلط
عذاري : المهم طلعت . . سمعت شي حلو ع الاقل
سلطان : إلآ كلمه حبيبتي شو الحلو فيهآ
عذاري : كفايا انها منك . .
سلطان " دوم تسكني هالبنت " : اسميه الا لسانج متبري منج . .
عذاري : لييش لاني اقولك الصدق ؟ واقولك شكثر كل شي تقوله يعنيلي ويهمني . .؟
سلطان مبتسم : اصلا اعرف من غير لا تقولين . .
عذاري : من اليوم ورايح ما بقول
سلطان باندفاع : يوووويلج . .
عذاري عاقده حياتها : الحبيب حآبني اليوم
سلطان : يويلج لو فكرتي تقولين اقصد ! يعني صح مثل ما قلتي لا تقولين . . ولو قلتي يويلج ! ليش تفهمين الاشياء غلط ؟
عذاري : الحمدلله اني فهمتك يا سسسلطان . . وصرت عارفتنك عدل . .
سلطان : لا والله . . وشلي تعرفينه ؟
عذاري : انك تحبني بعد شو
سلطان مبتسم : ودامج تعرفين ليش ذالتنا قول احبك وقول احبك . . خلاص اهم شي تعرفين
عذاري : البنت مثل غرشه البيبسي . . لازم تمزرها بالكلام الحلو ! وعقب تشرب البيبسي يآ تخلصه في دقيقه يآ تخلصه ف نهايه اليوم يآ تشرب كل يوم شوي وتخلي البآقي حق الايام اليايه . .
سلطان : وشوه الفرق ؟
عذاري : يعني اعتبرني غرشه بيبسي . . وانت مزرتني ف الكلام الحلو . . يمكن هالكلام يريحني لكني خلصته مره وحده . . ف ابا اتم اسمع واسمع . .كل ما يخلص اريد امزره !
سلطان ابتسم ع تشبيهآ آلغبي : انزين وانتي اي نوع عآد ؟ إلي لآزم غرشه البيبسي نمزرهآ كل شوي ولا كل يوم ؟
عذاري : انت امزرني لين النصصصصصصصص وانا بسكت ما بقول شي . .
سلطان : هههههههههههههههههه
عذاري ابتسمت من قلب .. نآدرآ مآ تشوفه يضحك ! وحبت ضحكته المفآجئه والي طلعت من خاطره . .
سلطان : انزين يا غرشه البيبسي . . يالله قومي ورؤوحي قعدي وياهم برآ
عذاري تبوز : مابي . . خلني اهني مرتاحه ويآك . !
سلطان يتثآوب : فيج نوم ؟
عذاري : انت فيك نوم ؟
سلطان : هيه
عذاري : خلاص انا فيني نوم بعد
سلطان ابتسم " فديتج " : يالله عيل قومي قفلي باب غرفتج عسبت محد يدش بعد !!! وتعالي خليني اشيلج بحظني وارقدج ..
عذاري مبتسمه ونشت قفلت الباب بسرعه وطبت ع السرير بالقو : كآني يييييييت
سلطان : غمضي عيونج " حبيبي " عذور . .
عذاري : ان شاء الله " بصوت واطي " حبيبي . .
سلطان انقرص قلبه بقو وعقب هدوء بسيط : قلتي شي ؟
عذاري : لا اقولك بناام . .
سلطان مبتسم : زين يالله . . غمضضي . . ولا تتحركين عشان انا من لفحه هوا اقوم !
عذاري : ان شاء الله . .
سلطان " احبج . "
عذاري : احبببببك . . يالله خلاص بسكت وبنام . .
ابتسم سلطان وغمض عينه . .