Part 95
မိသားစုခွဲထွက်ကြစဥ်က သူမ ကြက်များမလိုချင်ခဲ့သော်လည်း ယခုမူယူနိုင်သည့်အခွင့်အရေးရှိလာပြီဖြစ်၍သေချာပေါက်ကိုယူမည်ဖြစ်သည် ။ ခြင်းအားအိမ်တံခါးအပြင်တွင်ချထားခဲ့ပြီး အိမ်ထဲပြန်ဝင်လာခဲ့သည် ။
ကြက်များလန့်သည့်အသံကြားသောအခါတွင် အိမ်ထဲရှိလူတိုင်းထွက်လာကည အခြေအနေကိုစပ်စုကြလေသည် ။
ဟန်ကျင်းယု ထွက်လာသည့်အခါတွင် လင်းလန်က သူ၏ပါးအားခပ်ပြင်းပြင်းတစ်ချက်ရိုက်ချရင်းပြောလိုက်သည် ။
" နင်ကမှကျေးဇူးမသိတတ်တဲ့မြေခွေးမ ငါ့ယောက်ျားရဲ့ပိုက်ဆံတွေကိုလဲ နင်တို့တစ်မိသားစုလုံး ကသုံးသေးတယ် ငါ့အကြောင်းကိုလည်းနောက်ကွယ်မှာမကောင်းပြောနေသေးတယ် နင်တို့တစ်မိသားစုလုံးကမှမြေခွေးတွေ "
" နင်...နင် ငါ့ကိုရိုက်ရဲတယ် "
ဟန်ကျင်းယု ကလင်းလန်ကို ပြန်ရိုက်ရန်ကြိုးစားခဲ့သော်လည်း လင်းလန်၏ပြိုင်ဘက်မဟုတ်ခဲ့ပေ ။ ပထမချွေးမဟန်က ဝင်ကူညီမလိုမကူညီရမလိုနှင့်တွန့်ဆုတ်နေခဲ့ကာ ကလေးများကတော့ သူမ၏နောက်တွင်ဝင်ပုန်းနေခဲ့ကြသည် ။
လင်းလန်က ကျင်းယု အားစိတ်ကြိုက်ရိုက်နှက်ပြီးသည့်နောက်တွင် ခြင်းအားဆွဲကာ ကြက်ဥများယူရန်ဝင်သွားတော့သည် ။
" မိသားစုခွဲတုန်းက ကြက်တွေနဲ့ကြက်ဥတွေကို မိသားစုတွေစားဖို့အတွက် ငါယူဖို့မတောင်းဆိုခဲ့ဘူး ဒါပေမဲ့ ငါ့သားကိုတောင်ရိုက်ရလောက်တဲ့အထိ စတုတ္ထလေးက ငါတို့မိသားစုကိုအလွတ်မပေးနိုင်သေးဘူး ငါ့လမ်းကိုလာပိတ်နေတဲ့လူဆိုရင် သေတာထက်ဆိုးအောင်ခံစားရမယ်လို့ ငါပြောထားပြီးသား "
ကြက်များအားယူပြီးသော်လည်း လင်းလန်သည်ဒေါသမပြေသေးဘဲ နံရံပေါ်တွင်ချိတ်ထားသည့် ပုဆိန်အား တွေ့သွားခဲ့သည် ။
" တတိယလေးရဲ့ဇနီး... "
ဒုတိယချွေးမဟန်က အိုးများအားလိုက်ခွဲလိုက်မည်ကို အလွန်လန့်နေခဲ့သည်။ သူမကိုယ်တိုင်လည်း ဝင်မတားရဲသောကြောင့် ပထမချွေးမအားပြောလိုက်သည် ။
YOU ARE READING
၇၀ခုနှစ်များဆီမှစည်းကမ်းကြီးသည့်ဇနီးသည်
General FictionTitle - Strict Wife of the '70s Manages the Household 💥Description လင်းလန် နိုးလာချိန်တွင် သူမသည် ပိုးသတ်ဆေးသောက်ထားသည့် အိမ်ထောင်ရှင်မတစ်ဦး၏ ကိုယ်ထဲသို့ ကူးပြောင်းသွားသည်ကို သိလိုက်ရသည်။ မူလကိုယ်သည် သူမခင်ပွန်း၏ ကောင်းမွန်သည့်အနာဂတ်ကို ဖျက်စီးလိ...
