Part 26
ပထမချွေးမက မီးမွှေးနေတုန်းမှာဘဲ အစ်ကိုကြီးဟန် ကရောက်လာကာပြောခဲ့သည် ။
" တတိယလေးပြန်ရောက်လာတာဆိုတော့ ဟင်းပွဲများများပိုပြင်လိုက် အသီးအရွက်နဲ့ ကြက်ဥကိုသုံးဖို့မနှမျောနဲ့ ဒီညတတိယလေးနဲ့ အရက်သောက်ပြီး စကားအကြာကြီးပြောရမယ် "
အဖိုးကြီးဟန်က လဲထပ်ပြောလိုက်သည် ။
" ပြီးတော့ ဦးလေးတို့ကိုလဲ စကားအတူပြောဖို့သွားခေါ်လိုက်ဦး "
အဖွားကြီးဟန်သည် စိတ်အေးလက်အေးဖြစ်နေသည့်သားဖနှစ်ယောက်အား လက်ခါကာဒေါသတကြီးပြောလိုက်သည် ။
"အဲ့ဒါတွေ အသာထားစမ်းပါဦး အိမ်ကသူခိုးကိုနှင်ထုတ်ဖို့ကိစ္စကို အရင်ဆွေးနွေးရမှာပေါ့ "
အဖိုးကြီးဟန် နှင့် အစ်ကိုကြီးဟန် တို့က အိမ်မှာဘာတွေဖြစ်ခဲ့လဲအခုထိမသိသေးပေ ။ ပထမချွေးမက ဟန်ချင်စုန့် ကိုတစ်ချက်ခိုးကြည့်လိုက်ပြီး လင်းလန်က လက်ထပ်စာချုပ်ကိုယူကာ ငွေသွားထုတ်သည့်အကြောင်းကို တိုးတိုးလေးပြေ ပြလိုက်သည် ။
အဖိုးကြီးဟန် ကအံ့သြလွန်း၍ ပါးစပ်ပင်မစိနိုင်တော့ပေ ။ တတိယချွေးမမှာ ဘယ်လိုသတ္တိမျိုးရှိနေတာလဲ...
သူမက လက်ထပ်စာချုပ်ကိုခိုးပြီး ငွေသွားထုတ်တယ်!
အဖိုးကြီးဟန် ၏အမြင်တွင်တော့ တတိယချွေးမကပြဿနာသာရှာတတ်သည့်သူဖြစ်သည် ။ ကိစ္စများကိုပြန်စဥ်းစားကြည့်လျှင် အကြီးဆုံးချွေးမက နှစ်ကူးအတွက် အန်ပေါင်းများကိုခွဲ ဝေပေးချိန်၌ အကြီးဆုံးချွေးမနှင့် ဒုတိယချွေးမတို့က ငါးယွမ်စီရရှိခဲ့ပြီး သူမကသုံးယွမ်သာရခဲ့သောကြောင့် သူမကိုသေလူဟုသတ်မှတ်ထားသလောဟု တစ်အိမ်လုံးကိုကျိန်ဆဲနေခဲ့ကာ ဟန်ချင်စုန့် သည်လည်းမလွတ်ခဲ့ပေ ။ သူမသည် ဟန်ချင်စုန့် ၏အာရုံစိုက်မူကိုရစေရန် အမျိုးမျိုးကြိုးစာနေခဲ့ပြီး နောက်ဆုံးတွင်သတ်သေရန်ပင်ဝန်မလေးခဲ့ချေ ။
အဖိုးကြီးဟန် အနေနှင့် သတ်သေ သည့်အဖြစ်၏နောက်ကွယ်က အကြောင်းအရင်းကိုမသိခဲ့သော်လည်း အဖွားကြီးဟန်က ယခုလိုပြောခဲ့သည် ။
VOCÊ ESTÁ LENDO
၇၀ခုနှစ်များဆီမှစည်းကမ်းကြီးသည့်ဇနီးသည်
Ficção GeralTitle - Strict Wife of the '70s Manages the Household 💥Description လင်းလန် နိုးလာချိန်တွင် သူမသည် ပိုးသတ်ဆေးသောက်ထားသည့် အိမ်ထောင်ရှင်မတစ်ဦး၏ ကိုယ်ထဲသို့ ကူးပြောင်းသွားသည်ကို သိလိုက်ရသည်။ မူလကိုယ်သည် သူမခင်ပွန်း၏ ကောင်းမွန်သည့်အနာဂတ်ကို ဖျက်စီးလိ...
