" បញ្ឈប់ការទាមទារចង់បានចំណាប់អារម្មណ៍ពីយើង ទៀត វាគ្មានបានផលឡើយ ចំជាឆ្កួតមែន" នាយស្រដីតែប៉ុណ្ណេះក៏ត្រលប់ដើរចូលទៅខាងក្នុងបាត់ទៅ បន្សល់ត្រឹមរាងកាយតូចស្ដើងដង្ហក់ដង្ហើមសឹងមិនដល់គ្នា។
" អូនមីន...!? " បងជីលី រត់ចូលមកជួយលើកយ៉ាងលឿន បន្ទាប់ពីឃើញរាងតូចដួលនឹងដីយំសោកដូច្នេះ!
" អ្ហឹក គាត់មកវិញហើយ ហុឹក យ៉ុន គេមកវិញហើយ ហុឹកហុឹក" ជីមីនដង្ហក់យំកាន់តែខ្លាំង ខណៈជីលីធ្វើអ្វីមិនបានក្រៅពីអោបលួងលោមប្អូន
ដោយក្ដីនឹកអាណិតជាពន់ពេក។
........
" ទៅវិញ!! " យ៉ុងគី ស្រដីទៅកាន់កូនចៅដែលចាំខ្លួននៅចំណតឡានរួចជាស្រេច។
" បាទ! ចៅហ្វាយ" ចប់ប្រយោគឡានសេរីទំនើប បោលចេញទៅយ៉ាងលឿនស្លេវ ។ ផ្ទៃមុខរាបស្មើរងាកមើលទៅទេសភាពទីក្រុងសេអ៊ូល ទាំងនឹកឆ្ងល់នៅក្នុងចិត្តពី មនុស្សម្នាក់ដែលមកអះអាងថាខ្លួនឯងជាប្រពន្ធរបស់នាយ?!
" ហុឹស ជាពពួកឆបោកសមជាង!!" រាងសង្ហាអស់សំណើចចុងមាត់បន្តិច ខណៈនឹកឃើញពីសកម្មភាពមុននេះរបស់រាងតូចធ្វើអោយហួសចិត្ដមិនស្ទើឡើយ សង្ឃឹមថានឹងមិនជួបមនុស្សប្រភេទអញ្ចឹងទៀតទៅច៎ុះ។
ថ្ងៃថ្មី
រាងតូចគ្រងឈុតពណ៍ខ្មៅរឹបចេញរាងស្រលូនស្អាត បោះជំហានចូលទៅក្នុងក្រុមហ៊ុនផលិតកម្ម KYEntertainment ។ ផ្ទៃមុខស្លក់បន្តិចមែនតែមិនបានធ្វើអោយអាប់អោនដល់សម្រស់ របស់គេឡើយ។
[KY Entertainment ស្ថិតក្រោមការគ្រប់គ្រងរបស់ត្រកូល វុិចតូរៀល]
" អូនមីន បងខំតែខលទៅ ស្មានតែអូនមិនមកទេ " អ្នកចាត់ការ បោះដំណើរមករកកាយតូច ទាំងទឹកមុខញញឹមពព្រាយ ដ្បិតប្រសិនបើរាងតូចមិនមក ថតម៉ូដែល បន្តទេ គេប្រាកដជាអ្នកមានបញ្ហាត្រូវដោះស្រាយមិនខានឡើយ។
" គឺខ្ញុំគេងខកតិចតួចប៉ុណ្ណោះ " ជីមីន ពោលកុហកមិនសម ភ្នែកគេបង្ហាញយ៉ាងច្បាស់ថាយប់មិញគេគេងយំពេញមួយយប់ទៅហើយ! ធម្មតាមនុស្សដូចជារាងតូចមិនងាយខកផ្ដេសផ្ដាសឡើយ!!?
" Emm មិនអីទេ ពួកយើងឆាប់ទៅ"ជីលី យល់ពីស្ថានភាពជីមីនច្បាស់ទើបមិនចង់ដេញដោលច្រើន!
YOU ARE READING
បង្ខាំងចិត្ដស្នេហ៍ បង្ខំចិត្តស្អប់🔥(complete ✅)
Romansaសួរស្តីអ្នកអានជាទីស្រលាញ់។ ដោយសារតែទូរស័ព្ទអេតមីនខូច ធ្វើឱ្យរលុបបាត់អាខោនចាស់ ដូច្នេះហើយអេតមីននឹងបន្តរឿង បង្ខាំងចិត្ដស្នេហ៍ បង្ខំចិត្តស្អប់ នៅអាខោនមួយនេះ ចាប់ពីភាគ26-ឡើងទៅ។💕
