Expedallion Crusader: JAGUAR

CHAPTER 5

Hindi ko mapigilang pagpawisan habang naglalakad patungo sa Building nila Cygnus. Binibinilisan ko na nga ang lakad ko dahil kapansin pansin ang tingin ng mga estudyante sa amin ni Ruckus.

Speaking of him.

Siya ang may choice na sumama sa akin baka daw awayin ako nila Cygnus. Mas mabuting may kasama daw ako.

Kung tutuusin kaya ko namang mag isa. Minsan na akong nakapunta sa Building ng mga taga-Business Ad kaya hindi ako maliligaw.

Bakit nga ba kami pupunta doon?

Simple lang. Kakausapin ko si Cygnus na iurong ang paghahamon niya ng laban kay Timotheo. Ako nalang ang magbabayad sa nasira nito. May pera naman akong naipon. Kaya kong bayaran kung magkano man ang singilin sa kanya ng Ungas na si Cygnus.

Huwag lang sanang sobrang laki.

"Bro, bagalan mo naman ang lakad mo. Hinihingal na 'ko." Rinig kong reklamo ni Ruckus.

Natigilan ako at nilingon siya. Napangiwi naman siya sa akin.

"Marami pa tayong oras. Huwag ka magmadali." Dagdag pa niya bago sinulyapan ang kanyang wrist watch na suot.

"Baka kasi hindi natin makita si Cygnus doon. Ang alam ko, madalas siyang hindi pumasok ayon sa mga tsismis na nasasagap ko o baka naman umuwi na siya."

Maraming kumakalat na tsismis tungkol kay Cygnus dito sa school. Palibhasa, sikat siya kaya marami nagkakainteres sa kung anumang issue o kwento patungkol sa kanya.

Isa na ako dun. Pero dati yun. Hindi na ngayon.

"Bro, sure ka na bang kakausapin mo siya tungkol sa problema ni Tim?"

Walang pag aalinlangan akong tumango at muling lumakad. Agad naman siyang sumunod sa akin.

"Paano kung hindi siya pumayag?"

"At bakit hindi siya papayag?" Balik kong tanong.

"Bro, kinalat na nila sa buong school ang magaganap na race sapagitan natin laban sa sa grupo ni Cygnus. Hindi na yun basta iuurong."

Napailing ako sa narinig. Kahapon lang naganap yung pag uusap naming magkaka-klase tungkol nga sa nagawa ni Timotheo sa kotse ni Cygnus. As in kahapon lang yun pero mabilis na kumalat sa buong school ang tungkol dun.

"Tangina. Instant sikat tuloy tayo. Tignan mo." Patuloy ni Ruckus at inginuso ang mga estudyanteng nakakasalubong namin na kakaiba ang tingin na ipinupukol.

Sa totoo lang kaninang umaga pa sila ganyan. Kung makatingin. Wagas. Hanggang sa kumakain kami kanina sa Cafeteria panay ang bulong bulungan nila.

Letse talaga.

"Hayaan mo na sila." Sabi ko nalang.

Tanging tango lang ang isinagot ni Ruckus sa akin. Halata ko sa kanyang mukha na hindi siya kumportable sa atensyon na ibinibigay ng mga taong nakakakita sa amin. Ngayon nga ay naka-kapit pa siya sa backpack ko na akala mo batang takot mawala.

Nang tuluyan kaming makarating sa building nila Cygnus ay agad namin itong hinahanap.

Nakakamangha ang building nila dahil sa malawak at medyo yayamanin ang buong paligid. Ang lakas pa ng aircon. Maganda pa tignan ang mga uniporme nilang suot. Mahahalata mong private talaga itong school namin.

Dahil sikat si Cygnus. Hindi kami nahirapan na mahanap siya.

"Yan na yata yung classroom nila." Inginuso ni Ruckus ang bukas na silid sa tapat namin.

Dumoble ang kaba ko nang marinig ang ingay ng mga taong nasa loob. Dagdag pa dyan yung mga nandito sa labas na halata mong nakikitsismis lang. Diretso na akong naglakad palapit doon. Syempre nakasunod pa din si Ruckus sa akin. Dahan-dahahan kaming dumungaw sa pinto na tila may sinisilip.