Expedallion Crusader: JAGUAR

CHAPTER 12

Malalim akong napabuntong hininga habang nakatitig sa kabuuan ng silid na aking kinaroroonan. Dito ako dinala ni Haruto. Ito daw ang magiging kwarto ko habang na nandito ako sa kanila ng isang buwan.

Hindi na masama dahil malawak naman ang silid. Simple lang ang disenyo pero maganda naman. Pasok na sa taste ko.

"Ipapatawag ka namin kapag ready na ang dinner." Biglang sabi ni Haruto na nagpabalik sa akin sa kasalukuyan.

Humarap ako dito sabay tango bilang tugon. Ngumiti ito dahilan para makita ko ang lalong pagsingkit ng kanyang mga mata.

"Welcome pala sa Mugen Family. Sure akong mag e-enjoy ka dito." Patuloy nito.

Peke akong ngumiti sa kanya.

"Sana lang."

Bahagya siyang natawa bago tumalikod na at lumakad palabas ng silid. Muli akong napabuntong hininga tapos ay napatitig sa luggage kong nandito sa gilid ng kama.

Napapitlag ako sa gulat nang marinig ang pagtunog ng cellphone ko. Nang kunin ko ito sa bulsa ng suot kong pants. Literal na napangiwi ako dahil sa pangalan ng tumatawag.

Si Lotus.

"Anong problema mo?" Bungad kong tanong.

"Yo." Bati nito.

Napasimangot ako.

"Napatawag ka?"

Dahil nangangalay na ang mga binti ko ay naisipan kong maupo sa kama.

"Sayang hindi kita naabutan. Umalis ka na daw dito sa HQ?"

"Oo, bakit?"

Gamit ang isang kamay ay hinimas himas ko ang malambot na kama. In fairness, mas malambot ang kutson nito kumpara sa kama ko sa HQ.

Ano kayang brand nito?

"Syempre magpapa-alam ako sayo. Mamimiss kaya kita." Rinig kong sabi niya sabay tawa.

Nanatili ang simangot sa mukha ko dahil sa iritasyon. Halata sa tawa niyang hindi siya seryoso sa sinabi niyang mamiss niya daw ako.

"Kung tinawagan mo ko parang maangasar. Pwes, tantanan mo 'ko. Naniningkit mata ko sayo, 'eh."

Muli na naman tumawa ang Gaga dahilan para mapailing nalang ako.

"Joke lang. Ang main reason kaya kita tinawagan ay dahil may itsi-tsismis ako sayo."

Napataas ang isang kilay ko dahil dun.

"Tungkol saan?"

"Ngayon ay nakatanggap kami ng message kay Miss Karin. May emergency meeting mamaya pagtapos ng last race."

"Meeting? Para saan?"

Nakarinig ako ng ilang ingay sa kinaroroonan niya.

"Hindi ako sure pero ayon sa hula ni Mazda. About daw ang meeting sa malaking pagbabagong magaganap sa Death Race."

Kumunot ang noo ko.

"Ang daya. Bakit ngayon kayo mag me-meeting kung kailan wala ako?"

Alam ko na ang tungkol dun. Pero hindi ko ine-expected na mangyayari yun agad.

"I don't know. Pero malaki ang posibilidad na tama ng hula sila Mazda na palalawakin ni Boss Cosimo ang grupo natin. To make it short, mag da-dagdag siya ng racer."

Napatulala ako sa narinig. Bigla akong nawalan ng gana.

"Namataan ni Mclaren na dagdagan yung mga alaga ni Boss Cosimo. Base sa mga aura nito. Natitiyak nilang mga racer ito. Balak ka na yatang palitan, Jaguar."