لحبها حكايه

7

.
عند كارما

كارما : انا عاوزه تليفون

الكبيره : الحاجات دي مش مسموح بيها

كارما : ي كبيره .. يعني عاوزه تقوليلي انك مش معاكي تليفون هنا

الكبيره بحذر : اني معايا بس مش هينفع حد يشوفك بيه

كارما : خلاص متخافيش انا هروح هتا كده ف الجمب ده

و ادتها الكبيره تليفون زراير قديم من وسط هدومها

كارما راحت ف جمب و حاولت تكتب رقم دكتور كمال و فعلا رنت عليه

كمال : الو .. مين

كارما بلهفه و صوت واطي : دكتور كمال .. انا كارما

كمال بدهشه : كارما

ادم جمبه : شغل الاسبيكر علشان تسمعها

كمال : انتي فين ي كارما

كارما بصوت واطي : انا لسه ف البتاع ده التخشيبه زي ما بيقولي مكاني متحركتش

كمال : طب خلاص احنا لقينا حل متخافيش

كارما : طب و هتطلعوني من هنا امتي

ادم : بكره بالكتير ي كارما بس لازم تسمعي كل ال هنقول عليه

كارما : تمام ، انا هضطر اقفل دلوقتي ، سلام

كمال : سلام

______________________ عند ادم و كمال

ادم : هنروح فين دلوقتي ي دكتور

كمال : هنروح العياده علشان اقفلها و اخد المفاتيح ، ربنا يستر انا سايب ديمه و مالك هناك ي رب ما يكونو ولعو ف العياده

ادم بضحك : لا خير .. خير

ف العياده ~

ديمه : ي تري ايه ال حصل

مالك : علمي علمك

ديمه : ربنا يستر ، نتصل بيهم ولا ايه

مالك : لا انا كلمت ادم و هو قال إنهم راجعين ف الطريق

ديمه : قالك اي حاجه عن كارما

مالك : لا ، وبطلي زن بقا علشان انا دماغي صدعت

ديمه : ده انت بني آدم سئيل و بارد و مستفز
انا غلطانه اني سألتك اصلا

وقامت ديمه و هي متعصبه و كانت راسها هتتخبط ف رف الملفات ال فوقها بس مالك لحقها

مالك بعصبيه : مش تركزي ي غبيه انت ، كان ممكن تفتحي دماغك

ديمه : انت بتزعقلي ليه ، وانت مالك اصلا افتح دماغي ولا لا يخصك ف ايه

مالك و هو بيهدي نفسه : احم ، انا اسف اني اتعصبت عليكي ، بس كان لازم تركزي شويه

ديمه كانت متعصبه و مضايقه و مردتش عليه

مالك: خلاص بقا ي حجه متعمليش فيها مقموصه

ديمه : اخرص ي مالك بدل ما ادخل فيك السجن

كمال : لا ي شيخه بالله عليكي بلاش السجن

مالك : دكتور كمال ! انت جيت امتي

ادم : و ديمه بتقول انها هتدخل فيك السجن

كمال : كنت متأكد انكم اكيد بتتخانقوا ، انتو مش هتكبرو خالص

ديمه : ها ي دكتور ايه ال حصل مع كارما

كمال : للأسف هتفضل انهارده ف الحبس، لغايت ما نتصرف

ديمه بصدمه: ف الحبس!!

ادم : هو الحوار طويل بس الملخص بتاعه انها متهمه ف جريمه قتل جدها و هتفضل لغايت بكره ف الحبس
بس الحمد لله لقينا حل و هتخرج ان شاء الله

مالك : جريمه قتل جدها ازاي اصلا و هو مات و ادفن و هي مش هناك

ادم : ما هو كان ميت قبل بيوم من ما ادفن فيه، في بقا تفاصيل كتير احنا مش عارفينها

ديمه باستفسار : طب و مين ال رفع عليها القضيه دي

كمال : محمود ثروت

مالك بصدمه : والدها

ادم : للأسف

ديمه : كارما كانت طول الوقت كتومه و مش بتحب تحكي اي حاجه بتحصل ف حياتها الشخصيه و انا بدوري مسالتش عن أي حاجه من دي

كمال : المشكله ان كارما مش بتحب حد يعند قصادها
و ال انا فهمته انها رفضت تسلم له الورث لانه اتحداها انه هيحبسها

مالك : قام نفذ تهديده بجد و حبسها

ادم : بس انا عندي نقطه صغيره كده لسه واخد بالي منها
هو رفع عليها قضيه و علشان يرفع قضيه لازم يكون معاه ادله علشان يتم القبض عليها

كمال : لا ، هو رفع قضيه عليا انه شاكك انها قتلته ف بالتالي هي بتتحبس ع ذمه القضيه لغايت ما يجمعو ادله او يشرحو الجثه ، الا لو سحب هو البلاغ

ادم : طيب ما هي مقتلتهوش ف لو طلعو الجثه و اتشرحت هيبان انها مش هي ا قتلتو ف بالتالي مش هتضطر تتنازل عن ورثها

كمال : دي وجه نظر ولاكن هل انت تضمن شخص زي ده انه ميزورش التقارير او مثلا هو يكون سبب اساس ف موته اصلا علشان تكون جريمه كامله

مالك : دكتور كمال معاه حق .. شخص زي ده محدش يقدر يثق فيه

ديمه : المهم من ده كله ان كارما تطلع بخير من هناك

كمال بغموض: هو ده ال هنعرفه بكره

ادم : بس ده لو هي قبلت تتنازل عن الورث و البني آدم التاني ده مستفزهاش

مالك : ربنا يستر

_________________________________________

ملحوظه

اي معلومات قانونيه قضائية او اي معلومه عامتا اتذكرت ف الفصل او اي فصل تاني ده لها علاقه بالسجن الحاجات دي ف هي غلط او انا عامتا مش عارفه ايه أساسها من الصحه . دي بس بهدف الحبكه الدراميه و انا بشوف كده ف المسلسلات، ف نعديها ي شباب 😅