مالك : انتي موافقه بجدد ..
ديمه بهدوء و خجل : ايوه موافقه بجد
مالك مكنش مصدق ال هي بتقوله ، هو كان متوقع انها يغني ممكن تقول هافكر او اي حاجه تانيه غير لنها توافق بالسرعه دي
ديمه : انت بتعزم عزومه مركبيه و لا ايه ، انت مكنتش عاوزني أوافق يعني
مالك : انا بس مصدوم انك وافقتي بالسرعه دي انا متوقعتش الصراحه
ديمه : انت رجعت ف كلامك ولا ايه
مالك : طب انتي موافقه معناها انك بتحبيني انت كمان و لا معناها انك موافقه ع الجواز
ديمه : مالك انت كويس ولا انت اتجننت وراحت منك
يعني انا لو مش بحبك هوافق اتجوزك ليه اصلا
مالك : ده معناه انك بتحبيني
ديمه بخجل بتحاول تخبيه: يعني.. حاجه كده
مالك بفرحه : طب يلا نتجوز
ديمه : لا خول ولا قوه الا بالله ، طب اقولك ايه بس
مالك : قولي انك موافقه بس
ديمه : موافقه ، ها و بعدين
مالك : يلا بقا هنكسب الكتاب زي ادم و كارما
ديمه : يبني افهم ، طب و اهلك..
مالك اتصل بجده ساعتها ..
ديمه : لا ده انت كده اتجننت رسمي بقا
مالك : انت لسه شوفتي حاجه
الجد ف التليفون: انت ي باف انت بكلمك مش بترد عليا، امال متصل ليه ، ابو شكلك عيل عره
ديمه مش قادره تمسك نفسها من الضحك
مالك : شكرا ي حج
الجد : العفو ، قولي بقا ي متعوس انت عاوز ايه
مالك : طب ممكن منغير شتيمه ي حج وانا هاقولك كل حاجه
الجد : ما تخلصني ي واد انت انا ورايا مشاغل
مالك : مشاغل ايه جدي ،انت عندك اهم مني
الجد : اه ، وخلصني ي اما و رحمه جدتك لاقفل ف وشك
مالك : خلاص متتعصبش هاقول اهو ،
احمم انا عاوز اتجوز
الجد : انت ي متعوس عاوز تتجوز ، طب لقيت واحده تبصلك
مالك : ي جدي حرام عليك هو انت لقيني قدام باب جامع
الجد : اه هو انت لسه جاي تعرف دلوقتي ، المهم مين ال امها داعيه عليها ف ساعه فجر دي
ديمه : انا ي جدو
الجد : انا عارف الصوت ده كويس اوعي تكون ا ف دماغي
ديمه بضحك : ايوه انا ي جدو
الجد : سيبك من مالك ده و تعالي و اتا هاجوزك سيد سيده
مالك : هو انت جدي ولا جدها هي
الجد : اخرص و مسمعش لك نفس ، عيل لقيط ، وبعدين انا بعمل ال عليا و احذرها من ال هي داخله عليه
مالك : هو انا هاكولها
ديمه : طب خلاص ي جدو انا غيرت رأيي و هبقي اجي ف الاجازه تشوفلي عريس ع زوقك
الجد : خلاص ع بركه الله
مالك : لا والله ع اساس ان انا كيس جوافه يعني
قاطعهم ادم : من ناحيه كيس جوافه ف انت حتي مش محصل كيس جوافه ضاربه
كارما : انتو بتكلمو جدو منغيري ، خيانه
الجد : وحشتوني ي جزم ، كده حتي مش عارفين ترفعو سماعه التليفون و تسالو عليا ، هنت عليكم
كمال : جيل عاق ي حج
الجد : معاك حق والله ي دكتور ، ربنا يكون ف عونك قاعد معاهم ،ده انا جدهم و مستحملتش
كمال بضحك: مجنني الاربعه والله
الجد : ده انت لك الجنه انك مستحملهم
ادم : ده احنا عاملين حس ف العياده بدل ما هو منه لأربع حيطان كده
كمال : لدرجه ان الجيران اشتكت
كارما : المهم دلوقتي ان انا سمعت كده و السمع خير ان في اتنين ناقر و نقير عاوزين يتجوزو
ديمه : اوشاعات ، دي كلها اوشاعات
مالك : كدابه، دي هتموت عليا
ديمه: والله ، انا ال هموت عليك برضو ، بذمتك انت مصدق نفسك
ادم : ده انتو لو اتجوزتو هتطلقو تاني يوم
مالك: يخي فال الله ولا فالك
الجد : و عاوز تتجوز امتي بقي ي استاذ مالك
مالك : دلوقتي
ادم: نا تتقل ياض انت شويه
مالك : ما تخلنيش اسيح بقا
ادم : انت هتهددني يعني
مالك بسماجه : اه
ادم : وريني
مالك : مش عاوز اقول انت خليتني اقول ايه لجدي اليوم اياه
كارما بفضول : يوم ايه
مالك: لا خلاص هو بقا يبقي يحكيلك بنفسه
ادم : والله لوريك ي مالك الكلب
كارما : ما تفهمني ي ادم بقا بدل ما انا عامله زي الأطرش ف الزفه كده
ادم : هفهمك ف البيت ، وانت حسابك بعدين ي مالك
مالك بضحك : ماشي ي روميو
أنت تقرأ
لحبها حكايه
Roman d'amourعشقت عيناك كأني تائهٌ في بحرٍ.. فكانت هي منارتي لطريق عشقك ♡ روايه باللهجه المصريه
