لحبها حكايه

20

عاهدت قلبي انت تظل جامدةً حصونه .. واخلفت وعدي عندما رايته
عاهدت قلبي انني للحب في يومٍ لن اسلمه .. واخلفت وعدي عندما عرفته

كارما كانت بس مصدومه حاسه ام في حد ضربها بخنجر ف قلبها .. الضربه دي بتوجع اكتر بمليون مره من الجرح بتاعها

الجد : ايه ي ادم انت مش مبسوط ولا ايه

علياء قربت منه و قالت : لا طبعا ي جدو ده اكيد مبسوط

كارما كانت هتنفجر من الغيظ و قالت ل ديمه : انا حاسه ان احنا المفروض منبقاش هنا يلا خلينا نمشي ي ديمه

ديمه باستغراب : اشمعنه

قلطعهم ادم و هو بيشيل ايد علياء اى حتطها عليه و قال : انا اسف ي جدي بس انا مش موافق اتجوز علياء

علياء انصدمت و اتعصبت ازاي يرفضها كده قدام الكل

الجد : ليه بقا انشاء الله ، انت خلصت تعليم و عندك شقه و بتشتغل ليه مش عاوز تتجوز

ادم : انا مش رافض الفكره نفسها انا رافض الشخص نفسه

علياء : انت بترفضني انا ي ادم

ادم ببرود : ايوه برفضك .. برفضك لأنك انسانه متستهليش .. علشان حاولتي تقتلي كارما امبارح بس علشان غيرتك منها و شويه حاجات فارغه ف دماغك

الجد : ايه ال انت بتقوله ده ي ادم

ادم : اسألها كده

الجد موجه كلامه ل علياء : صح الكلام ال هو بيقوله ده

علياء بتوتر : لا .. لا ي جدو طبعا انت هتصدق واحده زي دي و تكذبني انا

ادم : كارما مقالتش حاجه انا ال بتهمك و ردي بقا و قولي الحقيقه لو تتجرأي، كل ده بس علشان انتي انسانه حقوده و غلاويه

علياء بشر: ايوه بقا انا ال عملت كل ده امبارح و كنت هقتلها لولا انك لحقتها ع اخر لحظه ... هي تستحق

ادم : انسانه مريضه

الجد بعصبيه: انت ال عملتي كل ده ... ي خساره تربيتي فيكي .. طلعتي حيه بنربي فيها علشان ف الاخر تلدغنا

ادم : دي مفيش فايده ف الكلام معاها دي شيطانه

الجد: طب انا بقا هتصرف معاكي بطرقتي و هربيكي من اول و جديد

علياء : ده كله علشان واحده زي دي متستاهلش

الجد : اخرصي واوعي اسمع لك نفس تاني ..

كانت كارما مصدومه من ال حصل .. ليه كل الصدمات دي بتحصل معاها ..وكأنه اتكتب عليها تعيش كده طول عمرها .. بس هي مش هتنكر انها فرحانه.. فرحانه انه ادم مش بيحبها و انه رفضها و خد حقها ..

لميا : كارما احنا اسفين عن كل ال حصل ده .. انا بجد بعتذر لك بالنيابه عنها

كارما : انتو ملكوش اي ذنب ف ال حصل ده كله .. و هي اكيد هتتعاقب ال عقاب ال تستحقه

علا : الحمد لله انك لسه بخير، انة بجد مش عارفه اقولك ايه عن ال حصل ده

كارما: ده مش ذنبك اي حد فيكم و انا بجد مش مضايقه منكم ولا ده هياثر ع علاقتي بيكم

الجد : انا اوعدك ي بنتي اني هاخد لك حقك منها ولو انه متأخر و مش هيعوضك عن ال حصل

كارما: كفايه وقفتكم معايا ف الايام ال فاتت دي بالنسبالي كبيره جدا

الجد بابتسامه : طب حيث كده انت مستعده تسمعي طلبي منك

كارما بابتسامه : انا موافقه عليه من قبل ما تقوله

الجد : طب مش تسمعي الأول

كارما: اتفضل ي جدو

الجد : بما انك دلوقتي كويسه ف انا حابب استغل الفرصه دي و اطلب ايدك ل ادم ابننا

كارما اتوترت و احمرت كده و معرفتش ترد

مالك بضحك : والله العظيم ده لو ادم قاعد ع راسك ما هتعوز تخلص منه باي شكل كده

الجد : لم نفسك ي ابو لسان و نص انت بدل ما شوف هلسوعك بالعصايا زي ما كنت بعمل و انت صغير

ادم: ي لهوي ع الكسفه

ديمه : شكلك بقا وحش اويييي

للجد : لا ده لسه في حكاوي كتييير، بليل هبقي اقعد احكيلكم كده ع رواقه

ادم : ايه ي جدي .. انت هتحكيلهم عن طفولتنا المشرده و عاوزها توافق عليا

الجد : انت حد طلب رايك انت ، ممكن تخليك ف حالك و متتكلمش

ادم : حاضر

مالك بضحك : خلاص ي جدي انت كده جيت عليه اوي و الواد عريس لازم تديله برستيجه

الجد : قال برستيج قال

لميا : طيب مش تسمعو رأي العروسه الأول، اقصد رأي كارما الأول

كانت كارما ساعتها بتتمني الارض تنشق و تبلعها من كتر الاحراج

الجد: ها رايك ايه ي بنتي

كارما : انا .. انا .....