لحبها حكايه

11

ف العياده تاني يوم

كمال : مالك انت هتيجي معايا المخزن هنجيب شويه ملفات مهمه، و انتي ي ديمه هتودي الملفات دي الأرشيف ال هنا ، ادم و كارما هيكملو شغل هنا ف المكتب و هيجهزو الملفات المهمه و الأوراق ال هناخدها معانا ، مفهوم

الكل : تمام ي دكتور

راح مالك مع كمال و ديمه راحت بالملفات الأرشيف و ادم و كارما كملو شغل و تنظيم الملفات و الورق

بره ف الريسبشن عند السكرتيرة

السكرتيرة: طيب اهدي حضره لحظه واحده هنادي الدكتور

الست بانهيار : بسرعه بالله عليكي ابني بيموت خلي اي حد يلحقه

ادم و كارما جهم ع صوت الست دي

ادم بجديه : هو فيه ايه ايه الصوت ده

الست : الحق ابني ي دكتور ، ابني مش راضي يفوق . . بالله عليك شوفه

كارما : اهدي ي مدام ابن حضرتك هيكون بخير ان شاء الله

نقل ادم الطفل ع الاوضه و كارما هدت الست و راحت له

السكرتيرة: متقلقيش ان شاء الله خير ، اتفضلي اشربي

الست بدموع : لا شكرا

بعد فتره خرج ادم و كارما من اوضه الكشف و دخلت الست بلهفه

الست بلهفه : ابني كويس ي دكتور

ادم : الحمد لله هو دلوقتي بخير ،محتاجين بس شويه اشعه علشان نتطمن ان كل حاجه كويسه ، بس كان ايه سبب الخبطه دي

الست بحزن : هو كان بيلعب ف الشقه و انا ماخدتش بالي و وفع من ع السلم و لقيته قطع نفس ف جريت بيه ع هنا ع طول

كارما : الحمد لله هو بخير دلوقتي و ان شاء الله يقوم بالسلامه

الست : شكرا بجد ع ال انتو عملتوه ده ، ده جميل مش هنساه طول عمري

ادم : علي ايه ، ده واجبنا ك دكاتره

كمال رجع هو و مالك

كمال : ايه ي كارما ال حصل انا سامع دوشه من وانا ف المخزن

كارما : كان فيه طفل تعبان جه العياده لسه و لحقناه الحمد لله ع اخر لحظه

كمال : الحمد لله ، و هو عامل ايه دلوقتي

كارما : ادم خده اوضه الاشعه علشان يطمن عليه

كمال : كويس ، انا فخور بيكم ي ولاد انكم عرفتو تتصرفو

كارما : تلامذتك ي دكتور

بعد شويه خرج ادم و معاه الطفل ووالدته

ادم بابتسامه : حمد لله ع السلامه

الست بابتسامه متعبه : الله يسلمك ، وشكرا بجد ع كل ال عملتوه

ادم : العفو حضرتك

كمال بابتسامه : ياااه الايام عدت والواحد كده بقا يقدر يعتمد عليكم ي دكاتره

ادم بابتسامه : كلو بفضلك ي دكتور

كمال : بفضل ربنا اولا ثم بفضل شغلكم و تعبكم كل السنين ال فاتت كلها

مالك : انا ع طول كده باجي متأخر

ديمه : ملحقتش اشوف ال حصل

كمال : و من هنا حابب اقولكم تاني و افكركم بالقسم ال اقمسمتو بيه ، الإنسانيه اولا و بعدين كل حاجه
اوعو تيجو ف يوم ع حد او تبيعو ضميركم و انسانيتكم علشان الفلوس او علشان اي حاجه تانيه

الكل : اكيد ي دكتور ، مفهوم

كمال : طب يلا بقا احنا خلصنا انهارده وانا عازمكم ع الغدا

مالك : ايه الكرم ده كله ي دكتور

ادم : يعني مش هتيجي

مالك بضحك : لا طبعا هاجي

ديمه : طفس

كارما : ربنا يهديكم ي جماعه والله

_____________________________ ف المطعم

كمال طلع من جيبه ظرف ابيض كبير و حطه ع الترابيزه

مالك: احنا هنشتغل تاني ولا ايه ي دكتور ، انا كنت حاسس والله

كمال : لا ي ظريف

و فتح الظرف و قال : دي تذاكر السفر و كل الورق ال هتحتاجو معاكم..

كارما : طب وايه الأوراق دي ي دكتور

كمال : دي أوراق فيها المواعيد و العناوين ال هنحتاجها هناك و طبعا كرت الفندق و كل الحاجات دي

ادم: احنا كده هنسافر بعد تلت ايام مظبوط كده

كمال : مظبوط ، جهزتو كل حاجه

كارما : انا جهزت كل حاجتي

مالك : انا جاهز لو هنمشي بكره

ديمه : هو احنا هنفضل هناك قد ايه كده ي دكتور

كمال : مش كتير يعني حوالي ٥ ايام

ديمه : بس

مالك بضحك: انتي مش عاوزه ترجعي البيت ولا ايه

ديمه بصوت هادي و حزن : ي ريت

مالك : انتي بتقولي ايه

ديمه بتوتر : هاا .. ولا حاجه

مالك باستغراب : مالها دي !!؟

_________________________________________