بعد يومين
كمال : جاهزين
كارما و ديمه : جاهزين ي دكتور
كمال : طب يلا علشان نلحق الفرح
بعد فتره وصل كمال هو و ديمه و كارما ل الصعيد
المحافظه بتاعه مالك و ادم
علشان يحضرو فرح اخت مالك و اخو ادم ال هما بالمناسبه ولاد عم
ديمه : ياااه اخيرا وصلنا
كارما : انا مش قادره الطريق كان طويل قويييي
ادم : حمد لله ع السلامه
كمال : الله يسلمك
والد ادم : نورت الصعيد كلياتها ي دكتور
كمال : الصعيد منوره بأهلها ، هنضطر احنا بقا نمشي نروح دلوقتي و هنيجي ان شاء الله ع الفرح
والد ادم : عيب ال انت بتقوله ده والله ي دكتور ده احنا مجهزين لكم الاوض ف البيت
كمال : كده كتير والله ملوش لزوم
والد ادم : لا والله ابدا عيب ال انت بتقوله ده ، يلا ي واد انت و هو هاتو الشنط دي و اتفضلو معايا
ف بيت ادم
مامت ادم سلمت ع كارما و ديمه و قالت : اهلا بيكم نورتو الدنيا كلها
كارما : بنور حضرتك
مامت ادم : انت كارما صح
كارما بابتسامه : ايوه ي طنط
مامت ادم : اهلا بيكي ي بنتي اتفضلو ارتاحو بقا من السفر
كارما : عن اذنك ي طنط
بليل
نزلت ديمه و كارما علشان يتعرفو ع بقيه العيله و يقعدو مع ستات العيله
مامت ادم : اعرفكم .. دي كارما الدكتوره ال مع ادم و مالك ف الشغل ، و دي ديمه الدكتوره التانيه
البنات : اهلا بيكو
مامت ادم : دي بقا لميا اخت ادم
دي عُلا العروسه اخت مالك
و دي بقا علياء بنت عمتهم و آخر العنقود رائد الولد الصغير ال كان بره
كارما و ديمه بابتسامه : اتشرفت بيكم
لميا : اهلا ي جماعه، ادم و مالك كانو بيكلمونا عنكم كتير و عن دكتور كمال
ديمه : بيتكلموا علينا بالخير اكيد
علا بضحك : طبعا طبعا ، كل خير
كارما: اشك ف دي الصراحه
علياء بقرف : وانت بقا كارما
كارما بصت باستغراب
علياء : طب هستاذن انا بقا علشان ارتاح
لميا: دي ي جماعه علياء محدش ياخد ع كلامها هي بس مش بتتعود ع الناس بسرعه
أنت تقرأ
لحبها حكايه
Romanceعشقت عيناك كأني تائهٌ في بحرٍ.. فكانت هي منارتي لطريق عشقك ♡ روايه باللهجه المصريه
