لحبها حكايه

21

كارما باحراج : انا .. انا...

لميا : ما تقولي ي بنتي ، انت ايه ها

كارما : مش عارفه يعني الموضوع جه بسرعه انا بس محتاجه افكر

علا بخبث : لا واضح الصراحه انك محتاجه تفكري

لميا : العرض ساري لفتره محدوده فكري كويس ي بنتي قبل ما حد تاني يلحقه

ادم : بس انت و هي هو انا كيس شبسي بتعملولي اعلان .. احترموني ع الاقل

مالك : كيس جوافه قاعد

ادم : والله هقوملك

الجد : اسكت يلا انت و هو هو انا مش قاعد ولا ايه
المهم ، فكري براحتك ي بنتي و خدي وقتك

كارما ابتسمت و استأذنت تطلع فوق

ف الاوضه

كارما مع نفسها : انا طبعا مش هوافق بسرعه كده بقول ايه هموت عليه ... لا طبعا لازم اتقل شويه و هو ال يحفي علشاني ...
با ي بت ي كارما ما هو كده هيفتكر انك مش موافقه ف هيقوم راجع ف كلامه تاني ...
فكري كويس ي كارما .. فكري كويس .. ي ربي اعمل ايه دلوقتي اوريهم وشي ازاي بس
ايه ال انا بقوله ده هو انا عامله عامله ..
هو ايه ال انا بعمله ده اصلا .. اخرتها بقيت اكلم نفسي زي المجانين .. ايه ال حصل ي بت ي كارما

ديمه : كااااارمااااااااا

كارما : نعمم نعم .. انت بتنتهي ع عيل ضايع

ديمه : بقالي ساعه بنادي وانت حتي مش بتردي عليا و عماله راحه جايه ف الاوضه زي المفتش كرومبو 

كارما : ايه عاوزه ايه

ديمه بخبث : مين ال شاغل عقلك ي حلوه هااا .. مين

كارما : لو تبطلي سماجه

لميا : ايه ي جماعه مالكم صوتكو جايب اخر البيت ليه كده

ديمه : لا مفيش بس شكل فيه فرح قريب

علا : ي صلاه النبي ..

لميا : مش بقول شكلها واقعه خالص

كارما :طب اتفضلو بلا مطرود عاشان انا عاوزه اريح شويه .. يلا مع السلامه

علا : هي بتطردنا

لميا : شكلها كده

ديمه : لا دي بتطردنا بجدددد

كارما  : ايوه  انا بتطردكم بجد .. يلا مع السلامه خدو الباب ف اديكم

لميا : خلاص ي بنات سيبوها براحتها بقا علشان تعرف تفكر ف حبيب القلب براحتها

علا : اااه اذا كان كده ماشي يلا ي ديمه احنا

كارما : ي مصبر الوحش ع الجحش، اللهم طولك ي روح

خرجو البنات من الاوضه بيضحكوا و كارما متغاظه جوه

بليل قررت كارما تطلع تشم هوا ع السطح و تفكر بهدوء

طلعت كارما و قعدت تتأمل النجوم و تفكر ف كل الأحداث ال مرت بيها ، لطالما كانت حياتها ممله رتيبه مفيش فيها أي أحداث تذكر لغايت السنه دي ، السنه ال شقلبت حياتها بالكامل

ادم جه وراها منغير  ما تحس بيه و قال : متفكريش كتير و متشغليش بالك باي افكار فضي ذهنك من كل حاجه ممكن تعكر صفوك ... فكري بس ف المستقبل و سيبي الماضي بكل الحاجات ال حصلت فيه مهما كانت

كانت كارما بتسمعه و هي مثبته نظرها ناحيه السما و بتبص ع النجوم ف هدوء ..

كارما بهدوء : بحاول اتخلص من كل مخاوفي ال مقيداني .. بحاول اتخلص من كل حاجه مخلياني خايفه من المستقبل و خايفه من ال ممكن يحصل بكره

ادم : مهما كان الماضي مهم ف الحاضر اهم منه
متسمعيش لحد بيقول الماضي هو ال بيبني المستقبل
انت ال بتبني المستقبل .. فكري كويس ف كل خطوه
بس متخليش التفكير الزياده يضيع عليكي حاجات كتير حلوه ف حياتك
و كمل بضحك : زيي كده انا فرصه اوعي تضيعها

كارما ابتسمت ع ال قاله : اكتر واحد متواضع شفته ف حياتي 

فجأه سمعو صوت دبه ع الارض

راحت كارما وآدم يشوفو صوت ايه ده
لقو ديمه و علا و لميا وقعين فوق بعض

ادم : ممكن تفهموني ي اساتذه بتعملو ايه

كارما و هي بتكتم الضحك : خليهم بس يقومو من ع الارض الأول

لميا و هي بتقوم و تنفض هدومها : احمم.. احنا .. احنا بس كنا ب. .ب..

كارما : ب.. ايه

علا : كنا بس بنشوف كارما فين مش اكتر ..صح ي بنات

ديمه : ايوه ،ايوه .. صح طبعا .. احنا كنا بس بندور ع كارما يعني رحنا الاوضه ملقناهاش

ادم: اها طب اظن انتو عرفتو هي فين دلوقتي يعني تقدرو تشوفو مشاغلكم

لميا بسرعه : اه .. ايوه صح يلا بينا ي بنات نشوف احنا راحين فين ..

ضحك ادم و كارما عليهم و نزلو هما كمان ...

تاني يوم

الجد : ها ايه رايك ي كارما ي بنتي

كارما بخجل : ال حضرتك شايفه ي جدو

الجد بابتسامه: خلاص ع بركه الله ، الشيخ محسن المأذون جاي ف الطريق انا كنت عارف انك هتوافقي

كارما و ادم بصدمه : هااا !!!