لحبها حكايه

19

كان ادم معدي بالصدفه قدام اوضه كارما و سمعها

ادم بعد ما دخل الاوضه : كارما ..

كارما فاقت مخضوضه و هي بترتعش

ادم و هو بيطمنها : اهدي ي كارما اشربي مايه

شربت كارما المايه و هديت شويه

ادم : ف ايه ، انت كويسه دلوقتي

كارما بدموع : انا عاوزه امشي من هنا ، انا خايفه

تدم بيهديها : ايه ال حصل بس ي كارما احكيلي

كارما بدموع : انا افتكرت كل حاجه حصلت

ادم بفضول : ها ايه ال حصل، مين ال عمل كده

كارما بدأت تتنفس بسرعه و هي بتفتكر الأحداث

ادم : اهدي و خدي نفس و لو مش قادره تحكي دلوقتي مش مهم

كارما بصت ناحيه الحيطه بشرود و بدأت تحكي كل حاجه من غير ما حتي تبص لادم ف عينه ...

فلاش باك **

كانت كارما بتظبط الفستان و خلصت و نازله ع السلم
سمعت صوت حركه جاي من تحت ، بصت حواليها مكنش فيه اي حد موجود ف البيت
نزلت كارما ع السلم و مخدتش بالها من ال كان محطوط ع السلم .. اتزحلق كارما و رجليها اتلوت حاولت تمسك ف ال حروف بتاعه السلم بس معرفتش
و اتدحرجت ع السلم و خبطت ف حرف ترابيزه كانت موجوده و بدأت تنزف ، بعدها شافت شخص معرفتش تركز ف ملامحه كانت ساعتها بتفقد الوعي تدريجي
ندهت ع حد علشان يساعدها بس مفيش فايده
شافت الشخص ده و هو بيمسح السلم مكان الحاجه ال كان حاططها و قرب من كارما و قال حاجه هي مسمعتهاش كويس و سابها و مشي
باك **

ادم بغيظ : والله ما حسيبه ال عمل كده ، انت مش عارفه مين ا عمل كده

كارما بتوتر : ل.. لا .. مش فاكره

ادم بشك : كارما انا عاوز اساعدك، لو عارفه مين الشخص ده بس قوليلي

كارما : انا مش بوقع بينكم .. بس انا عارفه مين ال ممكن تعمل كده ، انا بس مش عاوزه اشك ف حد و اطلع ظلمته ف الاخر

ادم : تعمل كده !! و مين دي بقا ؟؟

كارما: علياء

ادم باستغراب : علياء !!

كارما : انا مش متأكده انا بس احساسي بيقولي كده ، انا سمعت نفس صوتها ساعت ما وقعت بس انا مفهمتش هي قالت ايه

ادم بتفكير : طب متقلقيش انا هتصرف

كارما : لاا ، انا مش متأكده و مش عاوزه اظلمها

ادم : انا اكيد مش هاروح اجيبها من شعرها يعني ، انا بس عاوز اتأكد

كارما بحزن: و جودي هو السبب ، هي عملت كده بسببي انا ، انا المشكله

ادم : متقوليش كده ي كارما ، انت مش السبب

كارما : لا انا السبب ، لو سمحت ي ادم روحني من هنا انا مش عاوزه اسبب اضرر لحد اكتر من كده

ادم : كارما ممكن تسكتي ، انت ازاي مسببه ضرر لحد و انت ا ف المستشفي .. اذيتي مين علشان تقولي كده

كارما بدموع : اذيت اخوك .. واذيت علا ال كان فرحهم امبارح و اتقلب غم بسببي انا

ادم : انا قولتلك مره ده مش بسببك ، ده بسبب حد تاني و انا هاعرف اتصرف معاه و لوسمحت متلوميش نفسك و تحمليها فوق طاقتها اكتر من كدا

كارما مسحت دموعها

ادم : و بريت تبطلي عياط بقا و زن زي الأطفال، و يلا بقا كملي نوم علشان قدمنا يوم طويل

كارما بابتسامه: تصبح ع خير

ادم : وانت من اهله

و راح ادم و ساب كارما ف دوامه من التفكير ..
ي تري ليه ممكن علياء تعمل فيها كده ..
هي عملت فيها ايه علشان تستحق انه فيها كده ..

تاني يوم الصبح *

ادم: انت ممكن تخرجي انهارده من المستشفي بس طبعا هتقعدي هنا شويه لغايت ما تخفي خالص

كارما : اخيرا ، طب يلا خرجني بقا انا زهقت من المستشفي دي

ادم ساعد كارما و رجعها البيت

ف البيت **

كارما : انا تقلت عليكم اليومين ال فاتو دول ي جماعه
انا اسفه جدا ، بس انا لقيت فندق قريب من هنا و هقضي فيه اليومين ال جايين دول ع ما اخف و اقدر اسافر تاني

والده ادم : و انت فاكره بقا ان انا هسيبك تمشي وانت كده

كارما : انا بجد مش هاقدر افضل اكتر من كده ، انا حاسه ان انا تقيله عليكم

لميا : انا مش هرد عليكي ع فكره بس ابقي قابليني لو عرفتي تمشي من هنا

علا : لا طبعا تمشي ايه .. انا تخفي الأول و بعدين احنا ملحقناش نقعد معاكي حلو

كارما : انا مش عارفه اقولكم ايه الصراحه .. بجد شكرا

الجد: حيث بقا ان الكل متجمعين ف انا حابب اقول حاجه

علياء ابتسمت بخبث و شر

الجد كمل كلامه و قال : انا قررت اجوز ادم ل علياء بمناسبه انه هنا و انه مش بيجي كتير ف دي مناسبه كويسه

ادم سكت من الصدمه و مش عارف يرد
هل هيرفض كلام جده علشان حبه
ولا هيتخلي عن حبه علشان جده ؟؟