لحبها حكايه

14

عند ديمه و مالك

بدأت الحته تمطر تلج و هوا شديد

ديمه : هو ده ال كان ناقص ي ربي

مالك : كده كملت ..

و فجأه التليفون رن

ديمه بلهفه : رد بسرعه ي مالك .. اكيد كارما او حد

مالك رد ع التليفون

مالك : الو ي دكتور ..

كمال : انت فين ي مالك و اتاخرت كده ليه

مالك : احنا كنا ف السوبرماركت و بعدين مكناش جايبين معانا الورقه ال فيها العنوان بتاع البيت معانا و قعدنا نلف و مش عارفين نرجع

كمال : طيب اهدي و ابعتلي مكانكم بالضبط و انا جاي

مالك : تمام ي دكتور

بعد شويه وصل دكتور كمال عند مالك و ديمه

كمال : اركبوا بسرعه

مالك : الحمد لله انك وصلت ي دكتور

ديمه و هي بترتعش : انا هموت من البرد و بقالنا ساعه بنلف لغايت ما رحلي ورمت

كمال : طب يلا

ف البيت

كارما : اتاخرتو ليه ي جماعه

ديمه : الاستاذ نسي الورقه ال فيها العنوان

مالك : و ليه متقوليش ان انت ال نسيتي ي فالحه

ادم : خلاص انتو الاتنين اغبيا ة نسيتوا

كمال : يلا ادخلو كل واحد يروح اوضته يغير علشان ميتعبش ، و علشان هنروح المؤتمر

ادم: هو احنا هنيجي معاك ي دكتور

كمال : هتيجو معايا تشوفو الدنيا و الناس ال هناك و تخرجو شويه

كارما : تمام ي دكتور

________________________ ف المؤتمر

ادم و كارما و ديمه و مالك كانو قاعدين مع دكاتره شباب و بيتكلموا معاهم و يتناقشو ف مواضيع و كذا

و بعد فتره خلصو ومشيو

ادم : خلينا نروح كافيه او حاجه قريبه

مالك : يلا

ديمه : عارف الطريق ولا هتسوحنا تاني

كارما : ي شيخه اتنيلي ع اساس ان انت ال رجعتيه ما انتي بتغرق ف شبر مايه انت كمان

ادم: طب يلا ي جماعه و نبقي تشوف الحوار ده بعدين

ف الكافيه **

مالك : حد هيشرب قهوه

ادم : انا

ديمه: وانا كمان

كارما :انا برضو

مالك : خلاص حدي يجيب ليا معاه

ادم : ي اخي بقا مش هتبطل حركاتك دي ، يلا هز طولك و قوم هات قهوه

ديمه : جايبه لنفسك كده كل مره

مالك : طب يلا ي اختي اتنيلي تعالي معايا اكيد مش هشيل الليله لوحدي

يدوبك ديمه و مالك مشيو و جت واحده بتتدلع و تتمايل لغايت الترابيزه و قالت ل ادم بالانجليزي

البنت بدلع : انا معجبه بيك اوي ، مش عاوز تخرج الليله دي معايا نسهر

ادم بحده : لا .. و ممكن تبعدي شويه

البنت بدلع : هنسهر سوا سهره عمرك ما هتنساها

كارما بحده و عصبيه : هو مش قالك مره لا ولا انتي مش بتفهمي

البنت بعصبيه : وانتي مالك انا بكلمه هو

كارما بعصبيه و هي برزقها بعيد : وانا بكلمك انتي
يلا هو قالك ابعدي مش عاوز يجي معاكي

البنت بعصبيه و هي بتمسك كارما : هو عاوز يجي معايا .. بس انت السبب ابعدي انت

قام ادم و بعد البنت دي عن كارما و زقها بعيد و خد كارما قاعده ع الترابيزه

ادم : اهدي ي كارما، لازم تتعاملي بهدوء مع الأشكال دي

كارما : أشكال ايه وزفت ايه ع المسا انت شايف شكلها عامل ازاي و جايه بتقولك ايه

ادم : طب اهدي

كارما بعصبيه : ما ان هاديه اهو هو انا بشد ف شعري
ولا انت كنت عاوز تروح معاها البت ام فستان شبه مفرش السفره دي ..

ادم : انت بتقولي ايه انت كمان ، دي لو اخر واحده ع الكوكب مش هاروح معاها ، ويلا اقعدي بقا بدل ما يطردونا من هنا

كارما : قال يطردونا قال ، يطردوها هي أشكال زباله
كتهم القرف كلهم

ادم بضحك : خلاص كده هديتي

كارما : بتضحك ع ايه انت دلوقتي ، يعني انت فرحان انها بتعاكسك وانا قاعده

ادم : لا طبعا ، بس يعني اول مره اشوفك متعصبه كده

كارما : طب اسكت بقا دلوقتي علشان متعصبش اكتر

ديمه بعدم فهم : هو ايه ال حصل ي جماعه ، مان فيه خناقه ولا ايه

ادم : لا مفيش

مالك : انتو مالكو ي جدعان ، حد اتعرضلكم و لا ايه
قولولي بس وانا امسكه انفخه

ادم : لا كتر خير ،متتعبش نفسك

ديمه : طب كفي نفسك بقا واقعد علشان انا مش عاوزه اقولك حاجه كده ولا كده

مالك : لا ي شيخه قولي

كارما بعصبيه : لو مسكتوش انتو الاتنين هروح راميه القهوه دي ف وشكم

مالك ل ادم : انت عملت ايه، اكيد عصبتها

ادم: والله ي ابني ما عملت حاجه

كارما : خلصو بسرعه علشان انا عاوزه اروح مم هنا

ديمه باستغراب : حاضر ، بس انت كويسه ي كارما

كارما : مالكم ي جماعه ف ايه هو انا مجنونه بشد ف شعري قدامكم ولا ايه ؟؟؟

مالك بضحك : حاشا لله ، ادم هو ال مجنون

ادم بضحك : ايوه ايوه ، انا المجنون

كارما : انت فرحان كده ليه ده بيقول عليك مجنون

ديمه : لا حول ولا قوه الا بالله انتو كلكو كويسين انهارده ولا المانيا جننتكم ولل ايه ي جماعه!!