لحبها حكايه

31

كارما و هي بتضحك : انت صدقت (:

ادم : لا طبعا هو انا ساذج اوي كده

كارما : اممم ، لا طبعا

ادم بغمزه : طالما انت صاحيه بقا ما تيجي نتكلم ها

كارما بضحك : ايه رياكشن حمدي الوزير ده

ادم : طب ايه بقا

كارما : طيب تصبح ع خير ي حبيبي انت تعبت انهارده اوي ولازم ترتاح

ادم : انت قولتي ايه

كارما : تعبت ولازم ترتاح

ادم : قبلها

كارما : انت هتعملي زي الافلام ما تقول انت عاوز ايه وانا اقوله تاني

ادم: هارسود ، ايه مفيش سنس ، مفيش ذره رومانسيه متجوز اسطي عبده انا ، ي شيخه روحي كده

كارما بسماجه: طب تصبح ع خير  ي حبيبي 

ادم : لا معتش بياكل معايا

كارما ببراءه  : طب ي حبيبي تصبح ع خير

ادم : كده فرقت يعني

كارما بالصوت الشتوي : خلاص بقا انت زعلت ولا ايه .. ياااا استااااذ ادممم

ادم بضحك : حركات ياسمين عز دي مش بتاكل معايا خلي ف بالك

كارما : طب اعملك ايه طيب ..

ادم : نامي

كارما بسماجه  : طب تصبح غ خير ي ح بي بي

ادم غطي راسها بالمخده : نامي بدل ما..

كارما بسرعه وضحك: خلاص خلاص مش هقولها تاني

تاني يوم **

كارما مانت بتفكر تروح ل نور بس شافت حاجه غريبه
والدها كان خارج من عند نور

كارما باستغراب : هو بيعمل ايه عند نور

طلعت التليفون و عملت مكالمه و دخلت البيت

دخلت كارما البيت و خبطت غ شقه نور

نور بدلع : انت جيت تاني ولا ايه 

كارما  : انا كارما ي نور

نور بتوتر : كارما

كارما : مش هتدخليني ولا ايه

فتحت نور الباب و هي متوتره و قالت .. ادخلي ي كارما

كارما دخلت و هي بتحاول تتصرف بطبيعيه قدامها
بس انصدمت من اللبس ال كانت نور لبساه و منظر الشقه

كارما: كان عندك ضيوف ولا ايه

نور بتوتر: ضيوف ايه ي بنتي لا طبعا ، انا بس .. انا بس كنت ..يعني انا قاعده لوحدي ف بلبس ا انا عاوزه مش اكتر

كارما بشك: اها .. المهم انت عامله ايه

نور : كويسه.. الحمد لله

كارما: الحمد لله

نور : هو انت جايه ف حاجه مهمه ولا ايه

كارما بجديه : لا مش حاجه محدده بس انا كنت عاوزه أسألك شويه حاجات عن يون وفاه جدي

نور : اشمعنه دلوقتي

كارما : لا مفيش هي شغلت بالي فجأه مش اكتر يعني 

نور : و هي ايه دي بقا الحاجات ال شغلت بالك

كارما : يوم وفاه جدي عرفتي ازاي انه مات يعني مين ال راح له

نور : ما انا قولتلك انه جدي راح لقاه ميت نقلناه المستشفي و دفناه بسرعه زي ما قولتلك

كارما : اها .. يعني يوميها مكنش واخد جرعه زياده علشان يموت وانا مش ف البيت و انا محدش بالي انه اخد دوه جرعه زياده يعني

نور بتوتر اكتر : انت قصدك ايه ي كارما انا مش فاهمه انت عاوزه تقولي ايه بكلامك ده

كارما : انا كلامي محدد و مفهوم جدا ي نور ، انت الشريك السري انت ال كنت بتلعب ع الجنبين كنتي عامله فيها حبيبتنا و انت اكتر واحده بتكرهينا ...

نور : انت بتقولي ايه ي مجنونه انت

كارما ببرود : انا مش مجنونه انا عارفه انا بقول ايه كويس .. الاستاذ محمود ثروت بيعمل ايه ف بيت مدام نور ف وقت زي ده وانت لابسه كده

نور بتوتر : هو بس..

كارما : كل حاجه اتكشفت انا عرفت كل ال حصل و محمود ثروت هو ال قالي بنفسه ، انت فاكره مثلا انه بيحبك و مش هيعترف عليكي ، ابداا ده انسان ملوش عزيز .. رمي بنته و قتل والده و استولي ع ورثه مستنياه يحمي واحده قذره زيك

نور بحده : لا بقا ، انا سكتلك كتير ،و كملت بغل و قالت : انا ال عملت كل ده ، انا ال جبتله العلاج و انا ال اديته الجرعه الزياده و طبعا استاذ محمود هو ال خطط لكل ده ، وانت مش ف ايدك اي حاجه ، جدك مات هتعرفي ترجعيه حتي لو عملتي ايه ؟؟ ها ردي عليا هتعرفي ترجعيه

كارما ببرود : ليه؟ ليه عملتي كده ، انا اذيتك ف ايه علشان تحرقي قلبي عليه و تسهري تطبطبي عليا
اذيتك انا ف ايه هاا ؟؟

نور بشر : هو السبب ف كل ده وانت كنتي غلطه بس مكنش هينفع ابوظ خططي كلها بسببك ، هو ال خلاني ابعد عن محمود رغم انه كان بيحبني ، هو ال حرق قلبي عليه و بعده عني

كارما : ساذجه ، انت اكتر انسانه ساذجه شوفتها ف حياتي ، هو انت فاكره ان جدي اصلا كا يقدر يمشي اي كلمه ع محمود ده ، الاستاذ ضحك عليكي و غفلك و الف القصه المريضه دي كلها بس علشان تشوفيه مظلوم مش اكتر وانت زي الهبله صدقتي و اديتي له كل ال عاوزه منغير مجهود حتي، مش بقولك ساذجه

نور بهستيريا : قصدك ايه بالكلام ده .. يعني كل ده محصلش

كارما: الاستاذ محمود اتجوز من واحده غنيه علشان ياخد فلوسها بعد ما اوهمها انه بيحبها ، اتجوزو الاتنين و يشاء القدر يجيبو طفله غلطه للحياه ، نصب عليها ف فلوسها وهي رمت البنت و سابته و سافرت بره البلد كلها و كأنها مكنتش ام .. والف القصه المريضه ال بيضحك عليكي بيها علشان ياخد منك كل ال عاوزه
وانت زي البقره مشيتي وراه ، انت بجد صعبانه عليا

نور مانت مصدومه من كل ال سمعته، دي ضيعت نفسها و مستقبلها و قتلت شخص علشان بس تثبتله انها لسه بتحبه و مخله له و هو بس استغلها كأنها عروسه مريونت بيحركها بصوابعه
نور مقدرتش تسمع اي حاجه تانيه من كارما و بدأت تعمل تصرفات غير متزنه و مسكت السكينه ال كانت مع طبق الفاكهه و فجأه...