الفصل الواحد والعشرون
وثارت القلوب
ميروو ام سراج" مروة حمدى "ومنى عبد العزيز
الخاطرة بقلم المبدعه ملاك نورى
يتمني كل إنسان أن يجد بجانبه شخص يكمل ما ينقصه ويكون له نصفه الأخر ... ويشعره بأهميته.. لذلك يظل يبحث عنه..
فالحب الحقيقي يأتي فجأة، و بدون أي مقدمات...
فيجد الإنسان نفسه منجذبا لشخص.. و قد يأتي هذا الإنجذاب من نظرة عين فقط... أو لقاء روح بروح دون أن تراه العين.
____________________
بعد رحيل كارم وعلياء يتلفت خالد خلفه لايراها
خالد :ودى راحت فين دى كمان ليااتيه صوت قادم من المطبخ ليتوجه بحزر ينظر داخله ليفتح فمه بصدمه وهو يراها تجلس وقد كشفت عن كل الحقائب التى أحضرها عمها وزوجته تاكل بشراهه فمها ممتلئ تمسك بيد إحدى قطعه دجاج وباليد الأخرى قطعه من الشيكولا
خالد بتقزز: انتى بتعملى ايه
ملاك تنظر له تتحدث بصعوبه من فمها الممتلئ :باكل يابابى
خالد بإشمئزاز :حد ياكل بالطريقه دى
ملاك :جعانه
خالد : ماهى طفاستك دى ال مودياكى فى داهيه
ملاك تاخد حته
ليخرج خالد من المطبخ يضرب كف بالاخر هتشل هتشل
لتنظر فى أثره باستغراب لترفع كتفيها لأعلى وتعود مرة أخرى إلى الطعام تاكل بنهم وخالد بالخارج يحدث نفسه اوف ايه الزهق ده مش طايق نفسى محتاج اخد شور وارتاح شويه ليضحك بسخرية هتاخد شور وتلبس ايه ليرفع يداه لأعلى
خالد:منك لله يا ملاك انتي وال في بالي ليضيق عينه وابتسامه ماكرة تلوح علي وجهه ليهمس لنفسه وماله فيها ايه نجيب هدوم جديدة وناخد الشور
ليتجه الي مكانه المفضل علي كرسيه الهزاز يجلس باريحيه ولازالت تلك الابتسامة الماكرة علي ثغرة يضع اللاب توب علي قدمه ويبداء في التصفح بحثا عن موقع لمحل شهير قريب منه يتعامل معه منذ فترة ومشهود له بالالتزام والسرعه في مواعيد ارسال الطلبات يبحث بين المعروضات عما يريد ليختار مجموعه من الملابس الداخليه والبيتيه المريحه بعد الانتهاء منها تصفح يبحث عن انواع والوان البدل ليختار مجموعه من البدلات يدقق في أثمانها لينتقي اغلاها واجودها ليملأ بيانات الطلب وذكر عنوانه لإرسال الملابس وإرسال ملاحظه بإرسال الفواتير لمكان آخر يذكر لهم العنوان وهو يضحك بصوت عالي لتظهر أمامه رساله إذا أراد تاكيد الطلب ام لا وقبل الضغط يأتيه صوت ملاك المتساءل
ملاك :بابى انت بتعمل ايه
ليرفع رأسه ليري الواقفه أمامه ممسكه بطعام في يدها تقترب منه لتجلس جواره ليهب واقفا يمسكها من يدها بتقزز بعد أن وضع اللاب توب مكانه يسحبها خلفه متجها الي الحمام
خالدبتعنيف طفيف : انتي ازاي تخرجي كده بالاكل وبقك ووشك كله شكولاته ليمسك منديل ويقترب منها ممسك قطعه الدجاج من يدها ويرميها في سله المهملات وقام بغسل يديها ووجهها كأنها طفلة في السابعه .
وسط تزمرها
ملاك :بابي انت رميتها وانا لسه جعانه .
خالد : جعانه بقالك ساعه بتاكلي ولسه جعانه الاكل ده كله بيروح فين لاوفراخ وشيكولاته مع بعض ازاى عايز افهم
ملاك تنظر له وهي ترفع يدها أمام وجهه : خمسه ووخميسه عليا الله واكبر في عنيك .
خالد / ايه ال بتقوليه ده ازاي تعملي بايدك كده .
ملاك / انطى علياء وانا باكل كانت تقول لصالح متقولش كده علي ملوكه قول الاول الله اكبر وداده كانت تقول خمسه وخميسه عليكي .
خالد:امم يعنى ده طبع مالهوش علاقه بطفوله ومراهقه لازم كنت افهم انك تربيه علياء صبرنى يارب أنا دماغي هتفرتك محتاج اعمل كوبايه قهوة
ليذهب باتجاه المطبخ وهى خلفه ليقف ينظر لها رايحه فين
ملاك :معاك
خالد لا اطلعى بره كفايه كده
ملاك تقف أمام المطبخ وهي تشير بيدها ممكن يابابي تجبلي وتش معاك لسه جعانه
خالد : ينظر لها بقله حيله يومي براسه ليدخل المطبخ يقف مزهولا وهو ينظر الاكياس التي معظمها فارغ من محتوياته علي الطاوله ليضحك بسخرية خالد :وبتقول خمسه وخميسه وجعانه دي فاضل بس تاكلني ليلفت نظرة علبه طعام لا زالت مغلقه ليفتحها ليجد ساندوتش برجر ذو حجم كبير ليسيل لاعابه وهو يتحسس بطنه ليمسكه بيده حتى يأكله ليري ورقه مكتوب بها موكه حبيبتي ده مخصوص عشانك عارفه انك بتعشقيه انطك علياء .
خالد بضيق: لا بقي دي قصدها بجد ده شغل حموات عالي .
ليضحك وهو ينطق حماتى اخ يانى لازم اسمع الكلام
خالد :ملاك خدى ده من انطك علياء
ملاك بفرحه يس كان نفسى لتاخذه من يده وتجرى خارجا
خالد بعد ذهابها محدثا نفسه اكيد في حاجه تانيه تتاكل في الاكياس دي ليصل الي أنفه رائحه ما ليبحث عنها بين الاكياس وهو يشتنشقها بتلذذ معقوله يكون ال في بالي ليمسك بأحد الأكياس لتصدح صوت ضحكاته فور وقوع عينه علي محتويات الكيس .
خالد وهو يضرب كفيه ببعضهم الله يكون في عونك يا خالوا .
ليحضر طبقا ويأخذ كميه منه ويجلس يأكله بتلذذ امم والله انتي بنت حلال لو كنتي تعرفي الاكله دي وحشاني قد ايه .
لتلوح ذكرى علي خاطرة مرت عليها سنوات يتذكر شقيقته حنان وهو يقشر لها الجمبري ويطعمها بفمها .بيديه
خالد بكسرة وحزن أخذ نفس عميق لو تعرفي انا محتاجك قد إية يا حنان أكتر حد فهمني أنا محتاج أخرج ال جوايا من غير ما أتكلم محدش كان بيفهمني من نظرة عيوني غيرك أنا مش عارف اعمل إيه أنا جوايا متلغبط محتار تعبان تعبان اوى
ليلفت انتباهه هدوء في الخارج لينحني ينظر أمام المطبخ لا يجدها ليعتدل مرة أخري ويتجه الي الموقد ويعد القهوة خاصته .
لينتابه الفضول من سر هذا الهدوءليترك ما بيده علي النار ويقترب من باب المطبخ ليسعق وهو يري ملاك جالسه مكانه ليلتف داخل المطبخ فور سماعه صوت سقوط القهوة بعد فورانها علي النار ليسرع لإنقاذ ما تبقي منها ليلمح خيال خارج النافذة المطله علي الحديقه الخلفيه للمنزل ليسرع في رفع النافذه ليتأكد مما راء ينظر خارجها لا يجد شئ لينتابه القلق ويخرج سريعا مناديا علي ملاك .
بينما ملاك بعد خروجها الي الرسبشن ذهبت للجلوس مكان خالد ينتابها الفضول لمعرفة ماذا كان يفعل خالد باللاب توب
تنظر بإشمئزاز هي تري مااختاره خالد من ملابس .
ملاك / ياع ذوق وحش أوي يا سي بابي ايه ده كله إسود لتصفق بيدها وهي تري عدم تاكيده للطلب.
ملاك وهي تنظر في إتجاه المطبخ تبتسم بمكر وهي تختار مجموعه إخري من الملابس العصريه والشبابيه الجديدة ذات ألوان وأشكال مختلفه
وتضغط علي الموافقه علي الاختيارات لتضع اللاب توب سريعا فور رؤيتها لخالد يخرج من المطبخ مناديا عليها بصوت عالي لتعتدل قليلا في جلستها وهي تحرك قدميها ويدها ليقترب من مكان جلوسها وعينها لتجوب عينيها بالمكان بعيدا عنه تنظر له خفيه تجده يقترب منها لتتهرب بنظرها مرة أخري الجهه المعاكسه وهي تعتصر يدها .وخالد ينتابه القلق من حالتها ويدها التى تفرق بها وتهز قدمها يضيق عينيه وهو يري تهربها بعينيها كلما اقترب منها .
خالد :يضع يده علي خصره والاخري ممسكا بذقنه هو ليه انا حاسس انك عامله مصيبه
ملاك ببراءة تشير علي نفسها وتتكلم بصوت هادئ : أنا يا بابي .
خالد :لا ده كده انا اتاكدت مليون في المئه انك عملتي كارثه .
ملاك تزم شفتاها بطفوله وتهز راسها وتحرك كتفها ابدا ابدا أنا معملتش حاجه.
خالد / بغيظ من طريقتها اقطع دراعي لو مكنتيش عملتي مصيبه .
ملاك / بتهرب بابي انا زعلت منك ومخمصاك ومش هكلم معاك تاني قالتها وهي ترحل من أمامه و تكتم ضحكاتها بيدها لتدخل الغرفه وتطلق ضحكه عاليه يسمعها خالد من الخارج
خالد اوف ناقص قلق انا لياتيه صوت جرس الباب ليفتحه يجد شخص يحمل بيده مجموعه كبيرة من أكياس الملابس .
الشخص :الدكتور خالد الخديوي
خالد /ايوة أنا .
الشخص / الاوردر ال حضرتك طلبه اهو اتفضل والفاتورة وصلت العنوان ال حضرتك أكدت عليه
لتخرج ملاك من الغرفه بخفه وهي تستمع الي كلام خالد ومن معه لتصفق بيدها بحماس وهي تري الاكياس التي بيده .
شكر خالد الشخص وأخذ منه الاغراض ليغلق الباب ويلتف خلفه ليفزع عائدا للخلف وهو يري من تقف خلفه دون أن يشعر بقدومها لينتابه الريبه من تلك الابتسامه والفرحه الظاهرة علي وجهها
ملاك : تتقدم ناحيته وتمد يدها أساعدك يا بابي قالتها وهي تاخذ من يده بعض الاكياس وترحل في اتجاة غرفته
خالد وهو يمشي خلفها الي غرفة نومه يهز رأسه في حاجه غلط ليدخل غرفته وجدها تضع الاكياس برويه. كأنها تضع طفل ينام علي السرير
ملاك بنفس هيئتها ترفع طرف أحد الاكياس بفضول خالد وضع باقي الاكياس التي يحملها علي السرير
خالد : كفايه كده يا ملاك روحي اوضتك إرتاحي شويه .
ملاك تنظر إلي ما بداخل الحقيبه بطرف عينها تومي براسها وهي لا تزال تنظر علي ما بداخل حقيبه الملابس
خالد : يلا اتفضلي علي اوضتك قالها ببعض الحدة .
ملاك تبعد يدها عن الحقيبه وتخرج من الغرفه وهي تزم شفتاها .
خالد يغلق الباب خلفها ويتجه ناحيه الحقائب الموضوعه علي سريره
خالد بابتسامه: جيتوا في وقتكم
ليحمل بيده منشفة ويتجه الي الحمام ليقف مرة واحده ينظر إلي الحقائب الموضوعه علي السرير بس انا مش فاكر إني طلبت كل ده ليرفع كتفه بلا مبالاة ويدخل الحمام .
بينما صديقنا الهمام يجلس على مكتبه يدقق في أحدالملفات أمامه ليدق باب المكتب ليسمح لمن يقف بالخارج بالدخول .
فؤاد :.اتفضل
يدخل المساعد الشخصي
المساعد : في شخص واقف برة مصمم يقابل حضرتك شخصيا
فؤاد باستغراب اديله معاد مناسب وخلاص
المساعد :ده مش مريض يا دكتور ده مندوب لمحل شهير وبيقول معاه حاجه تخص حضرتك .
فؤاد :خليه يدخل نشوف ايه الموضوع .
ليعود المساعدوبجواره أحد الأشخاص .
فؤاد ولازال علي جلسته يرفع نظرة للواقف بجوار المساعد
فؤاد :افندم ايه الموضوع المهم .
الشخص يمد يده بورقه الاوردر ده اتسلم للدكتور خالد الخديوي وذكر عنوان حضرتك نبعت الفاتورة عليه .
فؤاد بسخرية طول عمره مش بينسي ورينا الفاتورة يابني .
ليهب واقفا وهو ينظر إلي المبلغ المذكور في الفاتوره ويحدث الشخص بصوت عالي
فؤاد :نعم انتم بتهزروا ايه كل ده .
الشخص : يا فندم دي فاتورة الملابس ال اختارها الدكتور خالد تقدر تتأكد منه بس لازم تدفع حضرتك قيمه الفاتورة كامله.
فؤاد بغيظ يهمس لنفسه عملتها يا ابن الخديوي بس مش هعديها ليك بالساهل .
ليخرج من جيبه جاكته شيك ويقوم بتوقيعه بقيمه المبلغ .
الشخص /للاسف يا فندم مش بنقبل شكات تقدر تدفعهم كاش.
فؤاد /نعم وانا اجبلك المبلغ ده كله منين دلوقتي .
الشخص تقدر تتفضل معايا تقابل المدير وتحل المشكله دي بنفسك .
فؤاد / يخرج من خلف مكتبه يكور يده يود أن يلكمه في وجهه يخرج به كل غيظه دفعه واحده .
ليبعد عن رئاسة تلك الفكره
فؤاد محدثا نفسه وهو ذنبه ايه الذنب ذنب ال جاب كسوه عشرين سنه قدام ماشى ياسى خالد انت ال خرجت اسوء مافيا قابل بقا
ليشير الي الشخص بأن يخرج أمامه .
فؤاد للمساعد : ااقفل انت
العيادة أنا احتمال كبير اخد أجازة كم يوم .
ليرحل فؤاد والشخص معه خارج العيادة وهو يتمتم بكلمات غير مفهومه .
بينماخالد يلف خصره بمنشفه بعد خروجه من الحمام يشعر بالانتعاش يتجه الي حقائب الملابس يمسك أحدها وهو يحدث نفسه نفسي اشوف وشك وانت بتدفع الفاتورة ليسقط ما بيده بصدمه
وهو يري ما بداخله ليسرع في فتح باقي الاكياس ينظر بداخلها ليفرغ محتوياتها جميعا فوق السرير ينظر لها ببلاهه
خالد ايه ده معقوله يكونوا غلطوا في الاوردر ليلف حول نفسه وهو يكاد ينفجر من الغيظ يبحث عن هاتفه لم يجده اتجه ناحيه الباب يود أن يخرج يبحث عن هاتفه أو يحضر اللاب توب ليتواصل مع المحل ليسالهم عن تلك الغلطه ليقف فجاءه وقد لاحت أمامه هيئة ملاك يربط الأحداث ببعضهاليضعط علي مقود الباب بعنف متهتها اه ياقرده جايلك هطلعه عليكى
ليتجه ناحيه السرير يبحث عن شئ مناسب يرتديه
خالد : الله احمر وبقلوب لا لا اوعى اخضر وفراشاات لحظه ده فى اسود فلت منك ده ازاى لينظر له واعينه تكاد أن تتلامس
خالد ده بيبرق اعمل فيكي ايه يا نسناسه طب أنا البس ايه دلوقتي !يتنهد بغيظ ويقوم باختيار ملابس بيتيه ليرتديها وسط سخطه ولعاناته لملاك وقسمه بأنه سوف يقتص منها .
ليأخذ قطعه في يده ويذهب في اتجاه غرفتها يدق الباب بشده ملاك افتحي الباب .
لا يجد اي رد .
ليفتح هو الباب لا يجد ها بالغرفه بينادي عليها بصوت جاهوري ملاااااالك
لتخرج ملاك من المطبخ وهي ممسكه بإحدى علب الايس كريم
خالد : رافع يده ممسك بقطعه ملابس في يده :طيب اختاري حاجه تنفع تتلبس مختاراهم كلهم كت وحملات هو انا هقضيها قعده علي البلاج
ملاك تنظر إلي خالد بانبهار لا تسمع اي شيئ مما قاله لتتقدم نحوه تلتف حوله وهي تطلق صفير من فمها
ملاك: واو يا بابي اللون حلو اوى عليك انت صغرت يجي عشرين سنه .
خالد : يضرب رأسه في الحائط الذي بجانبه هو أنا بكلم مين ياربي أنا ال استاهل كان لازم اراجع بنفسي وخصوصا لما شفت ضحكتها السهتانه .
لينظر إلي ملاك ويشير لها اختفي من قدامي وارمى ال فى ايدك ده قليل ماجالك تلبك معوى
ملاك /لا انا جعانه وعوزه اكله .
خالد /كلمه واحده مش عاوز اشوفك قدامي ولوسمعت كلمه جعانه دى تانى انا ال هاكلك باسنانى فاهمه
لتؤمى برأسها وتركض من أمامه
خالد ينظر لنفسه باستهزاء صغرت عشرين سنه يا بابي
هم اصلا كانوا كام .
ليصمت مع تذايد دقات جرس الباب العنيفه ليضحك بمكر
لا الخدمه فعلا ممتازة بالسرعه دي يتجه لفتح الباب بحماس متناسيا ما هو مرتديه ليفتح الباب وعلي وجهه ابتسامه ملئ فاه وهو يري صديقه فؤاد ممسكا بورقه في يده رافعها أمام عينه ووجهه يكاد لايفسر من تجهمه وتلك من الحالات النادرة التي يري صديقه عليها .
ليضيق بين أعينه وهو يري تبدل حال صديقه للاندهاش واتساع ابتسامته تدريجيا لتصدح ضحكاته بصوت عالي حتى نزول دموعه من شده الضحك .
خالد ينظر له بغيظ هو انت متخلف يا جدع انت .
فؤاد : يشير له وهو يمسك ببطنه من شدة الضحك لا انت ال تحفة .
لينظر على مايشير عليه فلقد كان يرتدي شورت حتى ركبته بلون الاسود عليه ورود وتشرت كت بلون الاحمر الفاقع .
فؤاد أنا كده اتاكدت أن فلوسي ما رحتش هدر حلال حلال .ادفع قدهم مرتين واشوف لابس ايه تحتهم
يهم خالد بالرد بعصبيه
لتخرج ملاك وهي تصرخ بصوت افزعهم ليركص خالد اتجاهها يري ما بها
بينمافؤاد يلتف خلفه سريعا متحركا قاطع المسافه في خطواتين وهو يري ذالك الشخص الذي يحاول القفز من علي سور الحديقه ليلتقطه علي اخر لحظه ممسكه به من الخلف وسط مقاومة الآخر ومحاولته فك نفسه بضرب يد فؤادالممسكه به بيده وفؤاد يتمسك به جيدا يحدثه فرهتني يخرب بيتك لولا محتاجك صاحي عشان افهم كنت كومتك .ليدفعه أمامه وهو ينادي علي خالد
وملاك تضم خالد تتمسك به وهي تنتفض وخالد يحاول أن يفهم ما بها
خالد :ملاك في ايه اهدي وفهمني .
ملاك :تشير إلي المطبخ شفته شفته .
خالد :هو ايه ال شفتيه ليصمت علي منادات فؤاد له بالخروج
خالد تحرك بصعوبه من ملاك التي تحاوطه ترفض الابتعاد عنه
خالد : ملاك انا معاكي متقلقيش يالا بينا نشوف فؤاد بينادي بالشكل ده ليه .
ليخرجا سويا خالد أمامها وهي تتمسك به من الخلف برعب
فؤاد لا زال متمسك بالشخص بصعوبه ليرى هيئه صديقه وهو ياتى يتحرك بصعوبه ناظرا للخلف لملاك التى تتمسك به يحاول تهدئتها يربط على يدها الممسكه به بحنان ليضربه علي عنقه من الخلف يحدثه أنا صح
ليرفع الشخص رأسه يري خالد وفتاة ممسك به وخالد متشبث بها لينتهز نظرات فؤاد الضاحكه ويقوم بلكمه محاولا التخلص من فؤاد
فؤاد :ت بتتغاب عليا ويحاول أن يلكمه
ملاك برجفه هو هو .
خالد:يلتف لها هو مين ؟!
ملاك :ال بيخوفني وبيجي عند الشباك كل يوم بيبص عليا ويمشي وانا بكون خايفه منه
ليترك خالد يدها مندفعا تجاه ذالك الشخص منتشله من بين يدي فؤاد مصددا له عدة لكمات متتاليه يجعلانه غير قادر علي الوقوف مما ينهال عليه من ضربات في وجهه وبطنه جعلته يبثق دم من فمه وأنفه
فؤاد :بالراحه هيموت فى ايدك
ليتركه مسقطه علي الارض وسط صرخات ملاك العاليه تضع يدها علي وجهها دم دم ليسرع باتجاهها فور رؤيتها علي تلك الحاله ليجزبها له يخفى وجهها بصدره يربت علي ظهرها محدثها بصوت هادئ يبث فيها الطمأئنينه اهدي ياموكه خلاص يا حبيبتي متقلقيش .
ملاك وهي لا تزال علي حالتها تتشبث به اخيرا صدقتنى يا بابي وعرفت اني مش بكذب ولا بتخيل .
خالد /يتنهد بحزن ويتمتم الله يسامحك يا خالو ليكز علي أسنانه كله من الحيوان صالح .
فؤاد : ينظر بعين صقر يتابع كل حركه ورد فعل من خالد وملاك ليلفت انتباهه كلمات خالد التي همس بها .
لينتهز الشخص فرصه عدم التركيز معه وتشتتهم ليول هاربا قبل أن يلاحظوا اختفاءه .
خالد انتفض من وقفته وهو يشعر بارتخاء يد ملاك من حوله وتراخي جسدها واغماضها لعينها بروايه
بينما ملاك قد استسلمت لتلك الدوامه التي جزبتها بابتسامه أثارت قلقه .
ليحملها سريعا متجها الي غرفتها وضعها علي السرير
ليصرخ في فؤاد الذي تحرك خلفه قبل أن يخطو للداخل
خالد : ارجع يا فؤاد ليقوم بتدثيرها جيدا والخروج لفؤاد مرة اخري.
