الخاتمة ٢
انتهى عقد القرأن وسط حركات فؤاد ، يقف أمام حنان .
_اظن دلوقتى امسك ايدك واحضن براحتى .
يجذبها إليه يضمها لصدره يدور بها بالمكان.
انطلقت الألعاب النارية وصدحت اصوات الموسيقى الصاخبة وسط رقصات الجميع.
عادل يجلس بجوار آمال وعينه على اسماء ولولا تمسك آمال من جهة وام سمير كن الجهة الأخرى بعد أن اجلسوه بصعوبة وهو يراقص اسماء مبعدا سمير عنها، لتقوم آمال بجذبه والجلوس إلى جواره بمساعدة ناهد.
عامر ومريم جالسين ينظرون بفرحة إلى خالد وقد تبدل نهائيا فمنذ بداية الاحتفال لم يجلس نهائيا يغنى ويراقص ملاك كشاب فى العشرين من عمره وليس فى منتصف العقد السادس.
عامر بفرحه: انت متأكده انه ده خالد ابننا؟
مريم بذهول: انت بتقول ليه كده بس؟
عامر: ابنك الوقور مخلاش اغنيه الا غنى ورقص عليها هو لحق يحفظ كل الأغانى دى امته ؟
هاشم متدخل فى الحوار: عندك يا عامر انا كنت مفكر فؤاد هو ال هيتجنن مش خالد.
عامر بتذكر وهو ينظر حوله،: اللاه هو فؤاد فين وحنان.
ايه بحزن تحاول اخفاءه تجلس ايه الصغيرة على قدمها وعيناها على خالد الصغير وهو يرقص مع اقرانه على منصة العرس: فؤاد جالى من بدرى واستاذن منى ومشى.
هاشم : ليه بسرعه كده؟
ايه: علشان يلحق يجهز نفسه هو وحنان للسفر بكرة الصبح بدرى وهياخد الاولاد معاه ، عايزهم يتعودوا عليه وعلى وجوده وسطهم.
ماجده وهى تميل عليها: ده ال مزعلك من الصبح.
ايه: بالعكس انا مبسوطة أن فؤاد مهتم بالاولاد.
ماجده: اومال زعلانه ليه؟
ايه بتنهيده حزينة: صعبان عليا نفسى ابنى الوحيد ما فكرش يتصل عليا ولا مرة واكتفى بجواب بعته من تلات اسابيع.
ولا مرة سأل عن اولاده وانا قلبى واجعنى عليه وحاولت اعرف مكانه مقدرتش مش عارفة هو جوه مصر ولا بره مصر اختفى.
ماجده: أهدى ابوكى مش ساكت وهيرجعه لحضنك قريب اوى.
ايه: امتى بس يا ماما امتى بس.
ماجده: انتى بس لو تسمعى كلامى وتشوفي حياتك ومستقبلك كان حالك بقا غير كده.
ايه: ارجوكى يا ماما ماتفتحيش الموضوع ده تانى انا اكتفيت باولاد ابنى .
ايه الصغيرة: تيته تيته انا عايزة ارقص مع خالو.
ايه : عن اذنك يا ماما هودى البنت لخالها.
تجلس مروة كمن يجلس على جمر تود أن تذهب للرقص كلما همت للقيام يجلسها ياسين مرة اخره لتجلس جوار ابيها وامها بغضب.
عامر: مالك ايه ال مزعلك؟
مروة: ياسين يا بابا كل ما اقوم اروح لخالد ارقص معاه هو واسماء يرجعنى تانى.
عامر: عنده حق هترقصى ازاى ببطنك دى إنتى ناسية أن الحركة خطر عليكى وعلى حملك انتى بالذات بصى لرحاب اهى قاعدة جوزها من الصبح بترقص مع اخته مفكرتش تقوم من مكانها.
مريم: ده انا كنت خايفة من آمال فى الاخر طلعت اعقل مننا كلنا وقاعده وماسكة عادل اهى.
عامر بصحكه: هههههه الحق يا بابا عادل عليه حصار من آمال وناهد هانم.
هاشم بضحكه: يستاهل اصلك متعرفش عمل ايه فى ابو آمال ده موت الراجل ناقص عمر.
بينما على الطاولة حيث تجلس عائلة كارم، علياء تضم ليلى إلى صدرها بحنان أموى تفتقده ليلى.
_وافقت يا ليلى يا بنتى واوعدك أن صالح هيعوضك عن كل ال فات وهتبقى بينا زيك زى جنه انتوا الاتنين بناتى.
تؤمى ليلى بالموافقة .
صالح: طب يالا نقرأ الفاتحة قبل ما تغير كلامها.
ضحك الجميع ليبدوا بقراءة الفاتحه.
جنه تهمس فى أذن علياء: انا عندى خبر حلو يا ماما.
علياء: خبر ايه يا حبيبتى؟
جنه : انا حامل.
علياء بسعادة تحتضنها تبارك لها ثم نظرت لولدها: مبروك يا سموره.
سامر بصحكه: يا ماما سامر ال اتقرت فاتحته مش انا، انا ادبست خلاص احلى تدبيسه.
علياء: انا بباركلك علشان هتبقى اب.
سامر: اه ايه نعم .
علياء تنظر لكارم: كبرونا يا كارم.
كارم بسعادة: مبروك يا بنى مبروك يا بنتى.
سامر وعيناه على جنته بلمعة وسعادة وتوعد كاذب بالويل بعدم اخباره من البداية .
لتضحك هى بسعادة عليه من تحت نقابها.
بعد فترة يلتفت عادل حوله ينظر مكان جلوس سمير واسماء لا يجدهم.
ينظر إلى حلبه الرقص لا يجد بها سوا الأطفال.
ناهد هانم: سمير اخد اسماء وطار من بدرى.
عادل: ازاى يعمل كده وياخد بنتى من غير ما يقولى ولا اسلم عليها.
آمال: لما ترجع من شهر العسل ابقى سلم عليها براحتك.
عادل : هما راحوا فين أن شاءالله.
ناهد وآمال: الله اعلم
ضحك عامر عليه يربط على كتفه متجاوزا اياه مسرعا الى ابنه خالد.
_انت لسه قاعد الكل مشى.
_مين ال مشى يا بابا.
_انت مش واخد بالك، فؤاد وسمير.
يلتفت حوله لينظر لعروسه.
_صحيح انا قاعد ليه بينا يا ملاك.
يتحرك ليجدها لا تزال واقفة مكانها.
_فى ايه ؟
_هروح اسلم على عمو كارم وانطى علياء.
_ملاك ابوس ايدك الا علياء انهارده.
_بهمس: فى حاجه مهمة لازم اقولهالها.
_من هنا ورايح كل حاجه مهمة لازم تقوليهالى انا.
يجذبها إليه يخطو سريعا تجاه باب الفيلا وسط تصفيق المدعوين.
يدلف من الباب يحملها صاعدا بها لأعلى.
انزلها برفق أمام باب الشقة وطلب منها اغماض عينيها.
