WHY Not Me?(Completed)

Episode 16

#Unicode

ဓားပြခေါင်းဆောင်ဆိုသည့်ဘဝကို မရခင်ကာလမှာလဲ Jungkook ခက်ခက်ခဲခဲရှင်သန်ခဲ့ရသည် ။
ခိုးဝှက်စားသောက်သည့်ဘဝကနေမှ နောက်ပိုင်းတွင် ဓားပြအဖြစ်ကျင်လည်ရင်း ဓားပြခေါင်းဆောင်ဆိုသည့်ရာထူးကိုရခဲ့တာဖြစ်၏ ။

သူခိုးလေးဘဝနှင့် ကျင်လည်နေချိန်တွင် Rimဆိုသည့် အမျိုးသမီးငယ်လေးနှင့် စတင်တွေ့ဆုံခဲ့သည် ။
ခိုကိုးရာမဲ့နေသော လူနှစ်ယောက်တွေ့ဆုံကာ အတူရှေ့ဆက်ဖို့ဖြစ်လာခဲ့၏ ။

Rimနှင့်အတူ ခိုးဝှက်တာကိုလုပ်ခဲ့စဥ်မှာ အတော်လေးအဆင်ပြေခဲ့သည် ။
Rim ရဲ့ မှော်ပညာအကူအညီနှင့် သူတို့တွေ လူတွေကိုလှည့်စားနိုင်ခဲ့သည် ။

တဖြေးဖြေးနှင့် ခိုကိုးရာမဲ့ဖြစ်နေသောသူတို့အတွက် Jungkook နှင့် Rimက ခိုလှုံရာလေးဖြစ်တည်လာခဲ့သည် ။
နောက်ပိုင်းတွင် ဓားပြဗိုလ်နှင့် အရှင်မဆိုသည့် ရာထူးအသီးသီးကိုပါသူတို့ရရှိခဲ့၏။

ဓားပြအင်အားစုများလာ၍ ကိုယ်ပိုင်ရွာငယ်လေးပင်ထူထောင်ပြီး လုံခြုံစွာပင်နေထိုင်နိုင်ခဲ့ကြသည် ။
သူတို့အားလုံးအတွက် အိမ်ကလေးရရှိခဲ့၏။

မွေးစားအမေနှင့်သူ့အပေါ် လူမဆန်စွာ ရက်စက်ပြီး နှင်ထုတ်ခဲ့သည့် ဂန်ယူရွာအပေါ် Jungkook က အငြိုးထားကာ ဒုက္ခပေးသည်။
ဂန်ယူမှာ ပထမဆုံးသတ်ခဲ့သည့်လူက မွေးစားအမေအား သူ့မျက်စိရှေ့မှာတင် အဓမ္မကျင့်ခဲ့သည့် အဘိုးကြီးကိုပင်ဖြစ်၏။
ထပ်ပြီး မွေးစားအမေအား စော်ကားခဲ့သူများကိုလဲ တစ်ယောက်မကျန် အပြတ်ရှင်းခဲ့သည်။

ဂန်ယူအပေါ်ကို အငြိုးအတေးကြီးတဲ့ Jungkook က သတ်စရာလူမရှိတော့တာတောင် ရွာကို ဓားပြတိုက်ပြီး ဆက်လက်ဒုက္ခပေးနေဆဲဖြစ်၏ ။
အရင်က ချမ်းသာလွန်းတဲ့ ဂန်ယူရွာကြီးက Jungkook လက်ချက်ကြောင့် အိမ်ခြေ 100 ဝန်းကျင်ခန့်သာကျန်ရှိတော့သည် ။
Jungkook ကိုကြောက်၍ နေရပ်ကိုစွန့်ခွာသွားသူတွေလဲ အများအပြားရှိ၏ ။

Jungkook ၏ ရည်ရွယ်ချက်က ဂန်ယူရွာကြီး ပျက်သုန်းသွားဖို့အထိပင်ဖြစ်သည်မို့ ဆက်လက်ကာပင် ဒုက္ခပေးနေဆဲ ။