ရဲအဖွဲ့ကို Rim ရသလောက်ခုခံနေ၏ ။
ထိုစဥ် သူ့မြင်ကွင်းရှေ့ကို ရောက်လာသည်က ပြေးလွှားနေသည့် Min Hyun၏ ပုံရိပ်ပင် ။
ဒေါသကြောင့်ရော မနာလိုမှုတွေပါပေါင်းပြီး Min Hyunဆီကို သေနတ်နှင့်တန်းတန်းချိန်လိုက်သည် ။
~ဒိုင်း!~
သေနတ်သံတစ်ချက်နှင့်အတူ စီးကျလာတဲ့ သွေးတွေကြောင့် Rim အနောက်ကိုလှည့်ကြည့်လိုက်သည် ။
ထိုအခါ သေနတ်အားကိုင်ထားသည့် Hwa Youngကိုတွေ့လိုက်ရသည် ။
Rimက Min Hyunကို မပစ်ခင်မှာပင် Hwa Young က Rim ရဲ့ခြေထောက်အား ပစ်လိုက်တာဖြစ်၏။
"မင်းသမီးလေး.."
Rim ဒေါသမထွက်မိပါ.. စိတ််မကောင်းဖြစ်ရုံမျှသာ ။
အနည်းဆုံးတော့ သူမဟာ သူမချစ်ရတဲ့အမျိုးသမီးရဲ့လက်နှင့် သေဆုံးခွင့်ရလိမ့်မည် ။ သူမ ဘယ်လောက်တောင်ကံကောင်းလိုက်သလဲလေ ။
"ရှင် လက်နက်ချပါ!"
Hwa Youngက သေနတ်ကိုကိုင်၍ Rimအနားကို ချဥ်းကပ်လာသည် ။ Rimပြုံး၍ မဆိုင်းမတွပင် လက်ထဲက သေနတ်ကို ပစ်ချလိုက်၏ ။
"နောက်ဆုံးတော့ ဒီလိုနေ့ကိုရောက်လာခဲ့တာပဲ ။ ကျွန်မတကယ် လွတ်မြောက်နိုင်ပြီ"
Hwa Young စကားကြောင့် Rim သွားလေးပေါ်သည်အထိ ရယ်လိုက်မိသည် ။
နာကျင်ရပေမယ့် ချစ်ရတဲ့အမျိုးသမီးလေးက ပျော်ရွှင်သွားမှာသေချာတာမို့ ကျေနပ်မိပါ၏ ။
"မင်းသမီးလေး ... တို့ကို ရှင်မမှတ်မိခဲ့ဘူးလား"
Rimစကားကြောင့် Hwa Young က နားမလည်သလိုကြည့်ကာ
"ရှင်ဘာတွေ ဉာဏ်ဆင်အုံးမလို့လဲ"
"တို့မရှိတော့ရင် စခန်းထဲက သေတ္တာလေးကို မင်းသမီးလေးယူသွားပေးပါ ။ နောက်ဆုံးဆန္ဒမို့ ဖြည့်ဆည်းပေးပါလို့ တို့ တောင်းဆိုပါတယ်"
"ရှင် အဖမ်းခံပါ Rim... ရှင့်ရဲ့အပြစ်တွေအတွက် ပေးဆပ်ပါ"
Rimကပြုံးသည် ။ ထို့နောက် Hwa Young အနားသို့တဖြေးဖြေးတိုးကပ်လာ၏ ။
Hwa young ကြောင်အကာ ငြိမ်သက်နေမိသည် ။
Rimက Hwa Young၏လက်ကိုထပ်ကိုင်ကာ သူမ၏ရင်ဘက်အား သေနတ်ဖြင့်ချိန်စေသည် ။
"အဖမ်းမခံချင်တာမို့ သတ်ပေးလို့ရမလား။ ဒီလောက်အထိပဲ ကံပါတာမို့ တို့ကိုသတ်ပေးတဲ့သူက မင်းသမီးလေးသာဖြစ်မယ်ဆိုရင် တို့သေပျော်ပါပြီ"
YOU ARE READING
WHY Not Me?(Completed)
Fanfiction"ခင်ဗျားလေးချစ်ရတဲ့သူက ဘာလို့ကျုပ်မဟုတ်ရတာလဲ Taehyung ..ဘာဖြစ်လို့ ကျုပ်မဖြစ်နိုင်ရတာလဲ" Start Date-4.5.2023 End Date-28.7.2023
