دخل حسام للنادى وهو يتلفت حوله وكأنه يبحث عن أحد وأمسك هاتفه ليتصل وقال: ألو .. إنت فين؟....... أنا فى مدخل النادى....... تمام فى إنتظارك ...
لم يكن حسام ينوى دخول النادى ولكنه أتى فقط لمقابلة الرجل الذى كلفه بالبحث ولسوء حظه لمحته صديقة بسنت فأسرعت تخبرها بوجوده, إنتظر حسام لدقائق ثم إقترب منه شاب فى الثلاثينات ,صافحه حسام وسأل بلهفة: فيه جديد؟؟
قبل أن يجيبه الشاب إقتربت بسنت بسرعة وأمسكت ذراعه وقالت: حسام كويس إنك جيت تعالى ن...
نزع حسام ذراعه منها بقوة : مش وقته يابسنت...
جذبته مرة أخرى: الشلة عند البيسين وبيعملو مسابقة فى الغطس..
إنفعل حسام وإبتعد عنها قائلا: قلت لك مش وقته , مش فاضى , إيه مبتفهميش...
جفلت بسنت وإرتجف وجهها وكأنها على وشك البكاء وقالت: بتزعق لى ياحسام؟
أعمل لك إيه؟ مش فاضى لهيافاتك دلوقتى إتفضلى روحى لصحابك .. ياللا واقفة ليه؟؟
كان حسام يشعر بالتوتر والغضب ,تأملت بسنت وجهه المشتعل وإبتعدت بسرعة وهى تبكى ,زفر حسام بقوة وسأل الشاب: قول... فيه أخبار؟
للأسف لأ ..
ثار حسام وقال: لأ يعنى إيه؟ أمال راحت فين؟
أنا دورت فى كل مكان ومفيش أى أثر..
رحت بلدها طيب؟
رحت وقالو إنها من أول ماجت القاهرة مرجعتش غير فى جنازة والدتها بس...
وضع حسام يده على رأسه وهو يفكر فسأله الشاب: هوقف البحث وإلا....
لأ طبعا دور لازم تلاقيها, لازم....
أمرك ياحسام بيه...
خرج حسام من النادى وتجول بالسيارة لفترة طويلة حتى يهدأ لم يكن سيجعل والده يراه بهذه الحالة عندما عاد للبيت فتحت له كوثر وقالت: إلحق اللازقة هنا ..
إيه اللى جابها؟
سمعتها بتشكى منك لمنير بيه.
أرجوك ياماما انا مفيش عندى دماغ ليها ..
ولايهمك انا دخلتها لمنير بيه فى المكتبة يعنى تطلع أوضتك من غير ماحد يحس..
صعد حسام لحجرته مباشرة وجلس وهو ينفخ من التوتر ودخلت كوثر وهى تحمل كوب من الليمون وضعته أمامها وسألته: مالك ياحبيبى؟
مش لاقى سمر ياماما
هى خفتها فين اللى ماتتسمى؟
مش عارف.. مش عارف.. أنا كلفت ناس كتير تدور محدش لاقيها وكأنها مكانتش موجودة..
أنت تقرأ
أحببت كاذبة
Romanceمن السهل جدا خداع الإنسان والتأثير عليه للوصول لما تريد ولكن الوصول للقلب يحتاج فقط للصدق ربما تجبرك احياة على الكذب وانت تعتقد بانك على حق ولكن يجب علسك المصارحة الكذب دائما ليس فى مصلحة المشاعر والعلاقات فالصدق أخه شئ فى الحياة ولايمكن أن تبنى حي...
