إنتظرت آسيا رد منير عليها بقلق ,كانت تفرك يديها من التوتر فنظر إليها وقال بهدوء:
تعالى نشوف الفيديوهات وبعدين نتكلم...
دخلت آسيا للحجرة مع منير وأخرج فلاشة من أحد الأدراج وناولها لها قائلا: حطيها فى الشاشة وتعالى أقعدى جنبى.
شاهدت آسيا فيديوهات لسمر فى أعياد ميلادها وحفلات المدرسة: كانت طفلة جميلة وعيونها تنطق بالشقاوة , وأخبرها منير عن كل المناسبات وإبتسمت وهى ترى حسام وهو صغير , كان هو أيضا طفل جميل وفى أحد الفيديوهات فى عيد ميلاد سمر الخامس أظهر الفيديو حسام وهو فى عمر الخامسة عشر وهو يحمل أخته ويلاعبها ,إقتربت منه ناريمان ونظرت له شزرا وأخدتها منه بالقوة ودفعته بعيدا ليصطدم بالجدار .. وإرتسم الحزن على وجه الطفل ووقف ينظر بحسرة , تألم قلب آسيا لهذا المنظر فسألت منير: بابا.. هى ناريمان مكانتش بتحب حسام ؟
ناريمان؟؟
إنتبهت آسيا فقالت: ماما يعنى؟؟
تأملها منير وهو ينظر فى عينيها وكأنه يبحث عن شئ وأجاب فى هدوء: لأ ,, كانت بتكرهه ... ياما بهدلته وحاولت تبعده عنك مع إنه كان بيحبك قوى ... إتجوزتها علشان تعوضه عن حنان أمه لكن اللى حصل العكس.. علشان كده وديته مدرسة داخلى أبعده عنها .. مكنتش أقدر أطلقها علشانك...
شحب وجه آسيا لقد تأكدت من شكوكها , كذبت عليها ناريمان وقلبت الحقائق سألته: طلقتها ليه بعدين؟
وصلت لألبومات صور ملك معرفش إزاى وقطعت صورها إنتى أكيد فاكرة الخناقة اللى كانت بيننا ؟
لأ ؟ مش فاكرة حاجة...
مفيش داعى نتكلم فى اللى فات .. خلينا نتفرج..
تابعت آسيا الشاشة بدون أن ترى أى شئ , كان عقلها يشتعل من التفكير,, أذا كانت ناريمان تكذب بشأن حسام إذا فهى كاذبة فى كل شئ ... نظرت لوجه منير, هو أيضا لم يكن يشاهد الشاشة بل كان يبدو فى مكان آخر وهو يفكر...
أول شئ سأل عنه حسام عند عودته هو سؤاله إذا كانت آسيا عادت أم وقالت كوثر: رجعت من بدرى قاعدة جوة مع منير بيه يتفرجو على فيديوهات..
أسرع حسام للحجرة ووقف على الباب: سمر!!
أقترب منها وتأمل وجهها بشوق وقفت تنظر له بحنان وهى تستعيد المشهد الذى رأته وشعرت بالشفقة تجاهه , أمسك يدها وقال: مش مسموح لك تباتى برة تانى ..
نظر منير لوجه إبنه وقال: خلاص مش هاتبات بعيد تانى لأن أمها هاتيجى هنا ...
إلتفتت له آسيا بدهشة وشهقت كوثر ,إنتفض حسام من الغضب ووقف يقول بثورة: إيه؟ تيجى هنا ؟ إزاى توافق يابابا؟؟ لا يمكن أوافق على حاجة زى دى, بعد كل اللى عملته ؟
أنت تقرأ
أحببت كاذبة
Romanceمن السهل جدا خداع الإنسان والتأثير عليه للوصول لما تريد ولكن الوصول للقلب يحتاج فقط للصدق ربما تجبرك احياة على الكذب وانت تعتقد بانك على حق ولكن يجب علسك المصارحة الكذب دائما ليس فى مصلحة المشاعر والعلاقات فالصدق أخه شئ فى الحياة ولايمكن أن تبنى حي...
