أحببت كاذبة

إنتقام كوثر 24

كانت آسيا تريد أن تصارح منير بكل شئ وتطلب منه أن يسامحها على خدعتها, تعلم جيدا بأن هذا هو التصرف الصحيح ولكنها خائفة من رد فعله هو وحسام ,بالتأكيد سنجرح قلبهم منها ويتألمون وهى لن تتحمل أن تتسبب فى وجعهم.. أمسكت مذكرات سمر فى يدها ,كيف ستعطيها لهم والمفروض أنها سمر ,,أرادت أن يقرأ منير وحسام ماكتبته سمر عنهم ويعلمو مشاعرها نحوهم ربما يخفف هذا من ألم فراقها.

فكرت قليلا ثم إتجهت لحجرة حسام , كانت تعرف بأنه فى حجرة المكتب مع والده, دخلت للحجرة وتلفتت حولها ثم فتحت درج مكتبه ووضعت المذكرات وخرجت بسرعة وعادت لحجرتها , تأملت العروسة الجميلة, لقد قررت بأنها لن تأخذ أى شئ يخص سمر ولكنها ستأخذ هذه العروسة فهى تريد شئ من حسام يظل معها ,أول حب ملأ قلبها صحيح لن يكون لها ولكنها لن تنسى إحساسها وحبها أبدا ,أمكستها وإبتسمت وهى تلعب بالقبعة وقالت: وهو بيديها لى قال لى آسيا.. قال إسمى الحقيقى ... يبقى إنت بتاعتى أنا مش بتاعة سمر , صح؟؟ هاحتفظ بيكى .....

فتحت الدولاب وأبعدت كل شئ إشتراه حسام لها على أنها سمر فى جانب وقالت: هآخد حاجتى أنا بس.. والعروسة...

تماسكت حتى لاتبكى.. هل معقول أن تجد الحب ثم تهرب منه بهذه الطريقة؟ هل ستستطيع الابتعاد عن حسام؟ هل ستنساه؟ والأهم هل سيسامحها؟

دخل حسام و منير وهو يقول: سمر .. تعالى لحضن بابا ياحبيبتى.

تركت آسيا العروسة وأسرعت لتضم منير الذى ربت عليها بحنان وقال: ربنا يسعدك يابنتى زى ما أسعدتينا أنا وحسام..

هو أنا عملت إيه ؟

عملتى إيه إزاى ؟ عملتى كتير , من يوم مادخلتى البيت , رجعتى بنتى لحضنى , عوضتينى عن سنين الحرمان ورجعتى صور ملك ,, رجعتى لحسام أمه من تانى.

حسام: أخيرا لقيت صور لى مع ماما بدل اللى إتقطعت.

ياريتنى إفتكرت مكانهم من بدرى..

أمسكها منير من كتفيها وقال: أطلبى أى حاجة . أى حاجة أعملها لك..

أنا مش عايزة أى حاجة يابابا.. عايزة بس أشوفكم سعداء ومبسوطين...

إنتى بنت حلال و تستاهلى كل خير يابنتى..

قبل منير جبينها بحنان فقالت: أنا عايزاك تكون راضى عنى..

راضى عنك ياقلب بابا ....... راضى ياحبيبتى... ياللا أطلبى عايزة إيه؟

أنا لى طلب واحد بس...

قولى ...

ممكن نخرج سواءنقضى اليوم مع بعض, أنا وحضرتك وحسام وطنط كوثر؟

بس كده!! مش عايزة أى حاجة تانية؟

لأ .. ده عندى بالدنيا....