تلقى منير العلاج لمدة يومان وعاد به حسام للبيت وقال: أنا مش عايز حضرتك تجهد نفسك بعد كده يابابا ,كفاية الخضة اللى شفناها.
وهو أنا كنت عملت مجهود إيه بس يا إبنى.
يظهر إن يومين الأجازة دول أنا تعبتك فيهم ,بعد كده راحة تامة وإعمل حسابك مش هاتروح الشغل.
الشغل كمان؟
أيوه الدكتور قال تبعد عن التوتر والقلق .
والشركة ياحسام؟
قولى عايز إيه وانا أبقى أروح أتابع الشغل,
وتسيب شغلك يعنى؟
هآخد اجازة أسبوعين .
وتعطل نفسك ليه أنا هاروح أشوف الشغل كل يوم ساعة وإلا إتنين و...
قاطعه حسام قائلا: لأ مفيش خروج من البيت خالص هاننفذ تعليمات الدكتور , إبقى خلى مدير مكتبك ييجى لك كل يوم ينقل تقرير ويجيب لك الملفات,
إقتربت كوثر: حمد الله على السلامة يامنير بيه.
الله يسلمك ياكوثر, الولد عايز يحبسنى فى البيت.
علشان صحتك يامنير بيه..
أنا لو قعدت فى البيت هاتعب..
أمسك حسام يد والده وقال بحنان: علشان خاطرى يابابا ,, الحكاية كلها أسبوعين راحة مش اكتر....
ربت منير على كتف حسام وقال: خلاص ياحبيبى ... هاسمع كلامك.
إنحنى حسام وقبل يد والده.
لم تخبر آسيا أى شخص بإتفاقها مع ناريمان وقضت أسبوعان فى التدريب معها لتعرف كل شئ يخص سمر , كانت تنهى عملها وتذهب لبيت ناريمان التى تحكى لها عن بعض الذكريات وتعرض لها الصور وفى نهاية المدة قررت عمل إختبار وجلست آسيا أمامها لتسألها عن حياة سمر وأجابت آسيا بدقة وهللت ناريمان قائلة: برافو عليكى يا آسيا إنت ذكية قوى ...
يعنى جاوبت صح؟؟
ولا غلطة إنت كده تماما.. تسيبى الشغل بقى وتبلغى أهلك وبعدين نحدد يوم تروحى فيه لبيت أبوك ياسمر.... عايزاكى تتعودى على الإسم...
كانت آسيا متخوفة من إخبار أهلها ولكن كان يجب عليها أن تتخذ هذه الخطوة من اجل أن تجمع الرجل المريض بإبنته وإعتبرت أن ماتفعله عمل خير ربما يجلب لها السعادة وتذكرت نفسها عند وفاة أبيها ,كم تمنت ان يظل بجوارها والآن ستعيد فتاة إلى حضن أبيها, طبعا اخبرت صاحب الكافيه بتركها للعمل وأخذت باقى حسابها وشكرت زملائها على مساعداتهم لها ووعدت بدوام الاتصال بهم وخصوصا نورا التى ضمتها وبكت على كتفها وقالت: إوعى تنسينى ياآسيا.
معقول يانورا إنت مش بس صاحبتى إنت أختى..
تتصلى بى وتطمنينى عليكى.
أنت تقرأ
أحببت كاذبة
Romanceمن السهل جدا خداع الإنسان والتأثير عليه للوصول لما تريد ولكن الوصول للقلب يحتاج فقط للصدق ربما تجبرك احياة على الكذب وانت تعتقد بانك على حق ولكن يجب علسك المصارحة الكذب دائما ليس فى مصلحة المشاعر والعلاقات فالصدق أخه شئ فى الحياة ولايمكن أن تبنى حي...
