طلع دكتور مرتضي من غرفه العمليات متجه نحو سعيد الوافق في ترقب وخوف شديد و اول ما شافو جري عليهو ..
سعيد : طمني يا مرتضي ساره مرتي كيف
دكتور مرتضي : لحسن الحظ يا سعيد الجنين رئتو أكتملت وبفضل الله طلع فيهو الروح بس عشان اتولد قبل مواعيدو فجسمو ضعيف شديد ومحتاج يكون في العنايه علي الاقل لمده شهر
سعيد : يا مرتضي بقول ليك ساره مرتي كيف ليه ما عايز تجاوبني
دكتور مرتضي : ساره ..
قاطعو سعيد قبل ما يتم كلامو
سعيد : قول لي الحقيقه يا مرتضي ما تكذب علي ذي المره الفاتت
دكتور مرتضي : في الحقيقه ساره جسمها كان ضعيف شديد ما بستحمل العمليه بس لو ما كان عملتها ليها كانت حتخسر حياتها وحاليآ وضعها لسه ما مستقر بس مع العنايه وباذن الله حتتحسن وتبقي تمام ..
سعيد والألم ظاهر في ملامحو
انا عايز اشوفا
دكتور مرتضي : طيب ادخل ليها بس ما تطول الكلام الكتير حيتعبا زياده ..
سعيد : حاضر يا دكتور
أتحرك سعيد بخطي متثاقله جدآ نحو غرفه ساره خايف من شوفتها خايف من أحساس أنا قصرت في حقك وما اهتميت بيك كفايه خايف يخسر نفسو اذا خسرا خايف من بكره وهي ما معاهو ..
سعيد : ساره حمدلله علي سلامتك يا ام احمد
ساره : انت ليه بتبكي يا سعيد انا كويسه ما تخلي أحمد يشوفك كده
سعيد وهو ببكي بحرقه
ليه يا ساره ليه تكذبي علي ليه تخبئ عني ليه تشيلي الحمل براك ليه ليه
ساره : يا سعيد انت ما قصرت معاي بس ياهو قدر الله كده ما تحمل نفسك الذنب وخليك قوي عشان تقوي اولادنا يا سعيد انا جبت ليك البت النفسك فيها سميها أمل يا سعيد وربيها كويس ذي ما ربيت أحمد وخليك جنبهم صاحب واخ قبل اب
سعيد : حنربيهم سوا يا ساره انا وانتي
ساره : انا يا سعيد حاسه دي نهايتي وصدقني ما خايفه علي الاولاد انت معاهم ما بتجيهم عوجه خايفه عليك أنت يا سعيد اوعدني تبقي تقوي وما تضعف ؛ اولادنا ما عندهم غيرك يا سعيد 💔
سعيد : يا ساره عليك الله ما تقولي كده يا ساره العيشه تبقي كيف بلاك انتي حتبقي كويسه وحنربي اولادنا سوا
دخل دكتور مرتضي غرفه ساره وقال لسعيد كفايه كده خليها ترتاح ..
طلع سعيد وجواهو حزن عميق شديد ما قدر يخبئ ملامحو جواهو
أحمد : يا ابوي ليه بتبكي مش قلنا البزعل يقول يا رب ما بضعف كده يا ابوي انا ذاتي حابكي يا ابوي مش قلت امي كويسه
