بعد موقف الليله سميه حست انو مهمتها ما سهله ذي ما كانت فاكره ؛ ومحتاجه حرص وحزر شديد .. وفكرت بدل ما تقع في مشاكل مع سعيد بسبب ساره ؛ تستعين بسوزان عشان تهتم بيها من وقت للتاني خصوصآ انها شافت ساره ارتاحت مع سوزان .. وتحول غضبها و اتنقامها لأحمد وتتفرغ لسعيد (بس ما عملت حسابا انو دي ممكن تكون اول خطوه تبعدا من سعيد )
سميه : الو سوزي حبيبتي كيف وصلتو
سوزان : سوزي وحبيبتي الاتنين
خير ان شاءالله عايزاني اعمل ليك شنو
سميه : من يومك حبيبتي انتي ناسيه اني مربياكي علي ايدي
سوزان : ههههههه اها وغيررووو
سميه : غايتو سخفيه خلاص
المهم انا عايزه اطلب منك حاجه
سوزان :هههههههه قلبي كان حاسس
طيب في داعي للمقدمات دي ما تقولي كده من الاول
خير ان شاءالله طلبك شنو ؟؟
سميه : انا عايزاك تجيني كل يوم لما سعيد يكون في الشغل ان شاءالله ساعتين بس تونسيني وتساعديني شويه انتي عارفه ما عندي غيرك وم بحب اقعد براي
سوزان فهمت طلب سميه وعرفت انها عايزاها عشان تهتم بساره وقررت توافق ومن جواها متأكده انو ساره حتضيع مع سميه وممكن تمرض او تموت من عدم الاهتمام وعدم الاكل
سوزان : بس كده حاااضر من عيوني انا عندي كم سميه كمان
سميه : الله يخليكي لي اختي حبيبتي يلا سلام ماشه اجهز الغدا لسعيد
سوزان : سلام ..
.. مني : كنتي بتتكلمي مع منو يا بت ده كلو وتتضحكي كده
سوزان : اصلي بحب جديد يا امي
مني : ردي زي الناس قبل ما اجي اديك كف
سوزان : غايتو يا امي بقيتي صعبه خلاص .. بتكلم مع سميه قالت اجيها كل يوم اساعدها في البيت لحدي ما تتعود
مني : ايووا كويس امشي ليها اصلا انت مأجزه وما عندك حاجه في البيت
( ساره بتدرس اداب لغه انجليزيه في جامعه مرموقه وحاليا في المستوي الثالت)
هيثم : تمشي وين كمان
مني : انت الله يخليك للذي ده جيت من وين هسي وعايز تتحشر امشي شوف شغلتك بوين يا ولد
ايمن : يا امي بقيتي قاسيه كده مالك ما كنتي كده .. الحاج خارب معاك وش ولا شنو
مني : اتلمي يا ولد انا ما ناقصاك ؛ دي ولاده شنو دي تجيبو الهم
انا طالعه ماشه لي وجدان جارتي اتونس معاها خليتو ليكم البيت ده
ايمن : بسم الله امي دي مالا غاايتو الله يعين
